San Juan 8:32 - Bible in Tzeltal de Oxchuc y Tenejapa

³² Jich me ya ana'ic te bila melele. In te bila melele, ja' ya yaq'uex ta libre —xi'.

Nuevo Testamento Tzeltal de Amatenango

³² Jich me ya anaꞌik te tut batsꞌi jiche, y te tut batsꞌi jiche ya me yakꞌex ta libre —xchi.

Bible in Tzeltal Bachajón

³² soc ya me ana'beyic sba te smelelil c'op, soc ha ya yaq'uex ta libre te smelelil c'ope, xchi.

San Juan 8:32 ပူးပေါင်းရင်းမြစ်များ

Salmos 119:45

Jich me libre ya xcuxinon ta q'uinal a, melel ja' jt'unoj te bitic awaloj ta mandale.

Salmos 25:5

tojtesawon, beentesawon bael ta bay te bila smelelil awu'une. Melel ja'at Diosat soc jcoltaywanejat cu'un; smuc'ulat co'tan ta spisil ora.

Proverbios 1:23

Aiybon awaiyic te tojtesel cu'une, jo'on me ya calbeyex lequil consejo; ya me cac'beyex ana'ic te bila ya yal te co'tane.

Proverbios 1:29

melel ya awilayic te p'ijil c'ope, soc ma x'ac'an ya awich'ic ta muc' te Cajwaltique.

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

Isaías 2:3

bayal me te lumetic te jich ya xc'o yalbey sbaique: —La'ic, ya xmootic ta wits yu'un Cajwaltic, te banti ay te templo yu'un te Dios yu'un Jacob, swenta yu'un ya me yac'botic quiltic te beetic yu'une, jich me ya xju' cu'untic ya xbeenotic ta ch'in beetic yu'un —xiic. Melel ta Sión ya xloc' te p'ijubtesjibal yu'un te Cajwaltique; ta Jerusalén ya xtal te sc'ope.

Isaías 30:21

Teme ya xjowejat bael ta wa'el o ta q'uexen, ya me awaiy c'op ta apat, jich me ya yalbat: “Tey ay te be, beenanic”, xi' me.

Isaías 35:8

Soc ay me pamanbil be tey a, “Ch'ul be”, xi' me te sbiile. Te mach'atic ma ba pocbil yo'tanique, ma xju' ya xc'axic tey a; te mach'atic bol yo'tanique, ma xbeenic tey a.

Isaías 54:13

Jo'on ya jp'ijubtesbat ta spisil te awalataque, spisil me ya staic muc' yutsilalic.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Oseas 6:3

Ya me jpastic tulan ta sna'beyel sba te Cajwaltique. Te Cajwaltic ya xtal ta jtojoltic, ta smelelil, jich bit'il ya xloc' tel te c'aale, ta smelelil, jich bit'il ja'al ya yajch'es te lumq'uinal ta yorail otoño soc ta primavera.

Levítico 25:41

Ta patil ya me xju' ya yijq'uitaybat te ana, ya me xbajt' spisil soc yal-snich'nab, ya me sujt' bael ta stojol te sts'umbal soc ta banti ay te biluc yu'un.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

San Mateo 11:29

Ich'bonic te yugo-te' cu'une. Nopbonic co'tan te melel manso co'tan soc peq'uel cac'oj jba. Jich me ya yich' lewa te awo'tanique.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 16:13

Yan te c'alal ya xtal te Espiritue, ja' ya yac' ta na'el te bila melele, ja' me ya yac'beyex ana'ic stojol spisil te bila smelelile. Melel ma stuquel yo'tanuc te bila ya yale. Ja' me ya xtal yalbeyex spisil te bila yaiyoj stojole, soc ja' me ya yac'beyex ana'ic te bila quechel ya xtale.

San Juan 17:17

Ac'a u'uninbotuc yo'tanic yu'un te bila melele. Te bila melele ja' te ac'ope.

San Juan 6:45

Jich ts'ibubil jilel yu'unic te j'alwanejetique: “Dios me ya xp'ijubtesot yu'un ta spisilic”, te xie. Spisil mach'a ya yaiybeyic stojol sc'op te Jtate soc teme tey la snop a, ya me xtal ta jtojol.

San Juan 7:17

Te mach'a yo'tan ya spas te bila ya sc'an yo'tan te Diose, tey me ya sna' stojol a teme ja' nopjibal yu'un Dios te ya cac' ta nopele, o teme jo'on nax jc'op jtuquele.

San Juan 8:36

Jich yu'un teme ya yaq'uex ta libre te Nich'anile, libre me ya xc'oex yu'un ta melel.

Romanos 6:22

Yan ta ora to, colemex ta libre yu'un te mulile. Ja' ayexix ta abatinel yu'un te Diose. Ja' me sit ya ataic a te bit'il yanyanex ta lecubele, soc ta slajibal, ja' te cuxlejal sbajt'el q'uinale.

Romanos 8:15

Melel te Espíritu te ac'botex awiq'uique, ma ja'uc ya yaq'uex xan ta mosoil yu'un te xiwele. Melel ja' ya yaq'uex ta alnich'an yu'un te Diose. Ja' swentail te jich ya caltique: “Jtat”, te xootic ta stojole.

Romanos 8:2

Melel te mandalil yu'un te Espiritue, ja' ya yac' cuxlejal ta swenta te Cristo Jesuse, jich colon loq'uel ta libre yu'un te mulile soc te lajele.

1 Corintios 7:22

Melel te mach'a ay ta mosoil a te ic'ot yu'un te Cajwaltique, yu'un nanix moso ay ta balumilal a, ja'uc me to, ac'bilix ta libre yu'un te Cajwaltique. Ja' nanix jich te mach'a ma'yuc ta mosoil a te c'alal ic'ote, ja' mosoinbilix yu'un te Cristoe.

Gálatas 5:1

Te Cristo la yac'otic ta libre swenta yu'un jc'axel libre ayotic ta melel. Jich yu'un ma me xawac' abaic xan ta yugo yu'un te mosoile.

Gálatas 5:13

Melel te ja'ex quermanotac, Dios la yiq'uex ta stojol swenta yu'un jich me jc'axel libre ya x'ainex yu'un. In te bit'il libre ayexe, ¿yu'un bal lec teme ya xjajch' apasic spisil te bila stalel ya smulan spasel te jmulawil jbaq'uetaltique? Ja' lec teme talel c'axel ya awac' abaic ta abatinel ta swenta bit'il c'ux ya awaiy abaic ta awo'tanic.

2 Timoteo 3:7

Spisil ora jich yacalic ta snopel te biluc nax nopjibale, ja'uc me to, ma'yuc bi ora ya xc'ot ta yo'tanic te smelelil c'ope.

Santiago 1:25

Yan te mach'a ya yil ta lec te bila ya yal te mandalil, te ya x'ac'wan ta libree, ma me xch'ay ta yo'tan te bila yaiyoj stojole, ac'a me spas. Jich me ya yich' bendición teme ya yat'elin spasele.

Santiago 2:12

Te ja'exe, ya sc'an lec ya xc'opojexe soc te lec ya awac' abaique, jich bit'il te mach'a ya yich' chajbanel yu'un te mandalile.

1 Pedro 2:16

Te bit'il libre ayexe, ma me ja'uc ja' libre ayex yu'un te ya apasic te bila amene. Lequil abatuquex me yu'un te Diose.

2 Juan 1:1

Jo'on te ancianoone, ya jpatbat awo'tan, me'tic, te tsabilat yu'un Dios soc te awalataque. Bayal c'uxex ta co'tan ta melel. Soc ma jo'ocon nax jtuquel te c'ux ya caiyex ta co'tane. Ja' c'uxex ta yo'tanic uuc spisil te mach'atic yaiyojic stojol te smelelil c'ope.