San Juan 8:31 - Bible in Tzeltal de Oxchuc y Tenejapa

³¹ Jich yu'un te Jesuse la yalbey te judioetic te xch'uunejiquixe: —Teme jc'axel ya awac' ta awo'tanic te jc'op la calbeyexe, jich me jnopojelex cu'un ta melel abi.

Nuevo Testamento Tzeltal de Amatenango

³¹ Te Jesuse la yaltalanbe te juriyoetike te xchꞌuunejikixe: —Te jaꞌexe teme jun awoꞌtanik yuꞌun te jkꞌope, batsꞌi jich te jnopojelex kuꞌun abi.

Bible in Tzeltal Bachajón

³¹ Te Jesús la yalbe te judíohetic te ch'uhunot yu'une: Teme jun awo'tanic ya x'ayinex ta stojol te jc'ope, mero jnopojelex cu'un ya xc'ohex;

San Juan 8:31 ပူးပေါင်းရင်းမြစ်များ

San Mateo 24:13

Yan te mach'a ya xcujch' yu'un c'alal ta slajibale, ya me xcol.

San Juan 1:47

Te Jesús la yil te Natanael te yac ta talel ta stojole. Jich la yal: —Ja' mero israel-winic in to, te ma'yuc lo'laywanej ta yo'tane —xi' sc'oplal yu'un.

San Juan 2:2

soc ic'otic tel ta yilel nujbinel uuc te Jesús soc te jnopojeletic yu'une.

San Juan 6:55

Melel te jbaq'uetale, ja' mero we'elil soc te jch'ich'ele ja' ya sc'an ya awuch'ic stuquel.

San Juan 8:36

Jich yu'un teme ya yaq'uex ta libre te Nich'anile, libre me ya xc'oex yu'un ta melel.

Hechos 13:43

Te c'alal loq'uemiquix bael ta sinagoga, ay tsobol judioetic soc tsobol jyanlumetic te yac'oj sbaiquix ta judioile, la sts'aclinic bael te Pablo soc te Bernabé. Jich la yalbey yaiyic te jc'axel ac'a xch'uunic te bit'il ay yutsil yo'tan te Diose.

Hechos 14:22

Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.

Hechos 26:22

Ja'uc me to, te bit'il la scoltayon te Diose jich jun co'tan yacon ta yalel sc'oplal ta ora to ta stojol spisil muc'-biq'uit. Ma'yuc yan te bila ya cal, ja' nix ya cal te bila yalojic te antiguo j'alwanejetic soc te Moisese. Jich la yalic te ya xc'ot ta pasel

Romanos 11:22

Awaiy bit'il ay yutsil yo'tan soc te bit'il ya yac' castigo te Diose. Jich la yac'beyix tulan castigo te mach'atic yalique. Ja'uc me to, te ja'exe ay bayal yutsil yo'tan awu'unic teme jc'axel ya x'ainex ta stojole. Yan teme ma ba la awich'ic ta muq'ue, ya me awich'ic bojel loq'uel uuc te ja'exe.

Romanos 2:7

Ya me yac'bey xcuxlejal sbajt'el q'uinal ta stojol te mach'a ya yat'elin spasel spisil ora te bila lec ta pasele, soc te ya sle yutsilal te ma xlaje.

Colosenses 1:23

Jich me ya xc'oex teme jc'axel ya xjunaj awo'tanic ta melele, soc teme ja' ipajemex ta lec a te xch'uunjel awo'tanique, soc teme ma xawijq'uitay ta awo'tanic smaliyel te bila ya yal te lec yach'il c'op awaiyojiquix stojole. Ja' te sc'oplal colel te yaquix ta cholel ta bayuc ta sjoylejal balumilal, te quich'oj abatinel ta xcholel uuc jo'on te Pabloone.

1 Timoteo 2:15

Ja'uc me to, ya me xcolic te antsetic teme lequil me'il ya yac' sbaique, teme jc'axel ay xch'uunjel yo'tanic, soc teme ay xc'uxul yo'tanic, soc teme ch'ultesbil yo'tanique, soc teme lamal te yo'tanique.

1 Timoteo 4:16

Tsajtaya me awo'tan, soc tsajtaya me te bila ya awac' ta nopele. O'tanina me spasel spisil ora. Teme jich ya apase, ya me acoltay aba a te ja'ate, soc ya me acoltay uuc te mach'atic ya yaiybat stojol te ac'ope.

2 Timoteo 3:14

Ja'uc me to, te ja'ate ma me xawijq'uitay te bila anopoj soc te bila ach'uuneje, melel ana'oj te mach'atic la yac'bat anope.

Hebreos 3:14

Melel teme ayotiquix ta swenta te Cristoe, jich bit'il jun awo'tanic te jajch' ach'uunic ta xjajch'ibale, jich nix ya sc'an, ja' to c'alal ta slajibal te c'aale.

Hebreos 8:9

“Ma pajaluc soc te trato la jpas soc te neel me'il-tatiletic yu'unique, te c'alal bi ora la jnit loq'uel tel ta sc'abic ta sq'uinal Egipto. Melel ma jc'axeluc la yich'bonic ta muc' te trato la jpase, jich yu'un te jo'one la quijq'uitay ta co'tan”, xi' te Cajwaltique.

Santiago 1:25

Yan te mach'a ya yil ta lec te bila ya yal te mandalil, te ya x'ac'wan ta libree, ma me xch'ay ta yo'tan te bila yaiyoj stojole, ac'a me spas. Jich me ya yich' bendición teme ya yat'elin spasele.

1 Juan 2:19

Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

1 Juan 2:24

Te bila awaiyojic stojol ta xjajch'ibal tele, jc'axel ainuc me ta awo'tanic. Teme jc'axel ya awac' ta awo'tanic te bila la awaiyiquix stojol ta xjajch'ibale, jich me jc'axel jun ayex soc te Nich'anile soc te Tatile.

2 Juan 1:9

Te mach'a ya xjowej baele, soc teme ya yijq'uitay te nopjibal yu'un te Cristoe, yu'un nanix ma ba xch'uunej Dios abi. Yan te mach'a ma xyijq'uitay te nopjibal yu'un te Cristoe, ja' xch'uunej te Jtatic Diose soc uuc te Snich'ane.

1 Samuel 12:14

Yo'tic, ja'ex me ya awich'ic ta muc' te Cajwaltic, ya me ach'uunic stuquel. Ya me ach'uunbeyic smandal, ma me xac'axintaybeyic; tojuc me x'ainex ja'ex, soc nix te muc' ajwalil awu'unique. Lecuc me ya x'ainex, pasbeyaic me sc'anjel yo'tan te Cajwaltic te Dios cu'untique. Jich me lec ya xc'oex.