San Juan 8:2 - Bible in Tzeltal de Oxchuc y Tenejapa

² Ta yan c'aal ta sab cha'tal xan ta templo. Spisil lum noptsajic tel ta stojol. Jich la snajc'an sba. Jajch' ta p'ijubteswanej.

Nuevo Testamento Tzeltal de Amatenango

² Te yan kꞌaal sakubix ta kꞌinal a chaꞌsujt bael ta templo. Te gentee laj tijilaj bael. La snajkan sba te Jesuse, lijk spꞌijuteslan.

Bible in Tzeltal Bachajón

² Ta sab cha'baht xan ta Templo, spisil te pueblo tal ta stojol; la shuhcan sba soc la sp'ijubteslan.

San Juan 8:2 ပူးပေါင်းရင်းမြစ်များ

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Jeremías 25:3

—C'alal to ta yoxlajunebal ja'wil yat'el ta ajwalil a te Josías te snich'an Amón ta Judá asta ora yo'tic, ja' te ayix oxeb xcha'winic ja'wil, te Cajwaltic la sc'oponon. Ta jujun buelta la calbeyex awaiyic te ja'ex ta jujun buelta; ja'uc me to, ma la awich'bonic ta muc'.

Jeremías 32:33

Ja' la yac'bonic quil te spatique, ma ja'uc te yelawique. Manchuc me ma ba laj co'tan ta sp'ijubtesel, ma la yich'bonic ta muc', ni ma la sc'anic tojtesel.

Jeremías 44:4

La jticun bayal buelta te j'alwanejetic te abatetic cu'une, yu'un ya yalbeyex te manchuc ya apasic te bitic c'ax amen te ya quilaye.

San Mateo 26:55

Jich la sc'opon te mach'atic te talemic ta tsacawe: —¿Yu'un bal j'elec'on te tal atsaconic soc apuñalic soc ate'ic? Melel jujun c'aal nacalon ta p'ijubteswanej ta templo ta awolilic te jo'one. Ma la atsaconic tey a.

San Lucas 21:37

Jujun c'aal la yaiy p'ijubteswanej ta templo te Jesuse. Ta ajc'ubal ba wayuc ta bay Wits Olivailtic.

San Lucas 21:38

Spisil te lume, ta jujun sab talic ta templo ta yaiyel stojol sc'op te Jesuse.

San Lucas 4:20

La smac te jun te la yile, soc la yac'bey te mach'a swentainej te junetique. Jich la snajc'an sba ta p'ijubteswanej ta stojol spisilic. Spisil te mach'atic ayic ta sinagoga la yilbeyic sit te Jesuse.

San Lucas 5:3

Jich och tey a te Jesuse. Ja' sbarco te Simone. La yalbey te yacuc ochuc bael jtebuc ta ja'. Jich najc'aj ta yutil barco te Jesuse. Jajch' sp'ijubtes te ants-winiquetique.

San Juan 4:34

Te Jesús jich la yal: —Te jwe'ele ja' te ya jpasbey sc'anjel yo'tan te mach'a la sticunon tele, ja' to chican ya ju'tes.

San Juan 8:20

Jich la yal ta p'ijubteswanej te Jesús ta bay nopol yawil smajt'an Dios ta templo. Ja'uc me to, jtul ma'yuc mach'a yal sc'ab ta tsaquel, yu'un ma to sta te yoraile.

San Juan 8:3

Te jts'ibojometique soc te fariseoetique la yiq'uic tel jtul ants te yac ta mulwej taote. La stejc'anic ta comonsitil ta yolilic.

Hechos 5:21

Te bit'il jich albotic la yaiyique, ta sacubel to q'uinal a ochic ta templo. Jajch'ic ta p'ijubteswanej. Te c'alal ayiquix ta templo a, te muc' sacerdote soc te mach'atic sjoinej sba soque, la yal mandal te ya stsob sba te Muc'ul Tsobleje, ja' bi ja' spisil te principaletic te yich'oj yat'elic yu'un te lum Israele. La sticun ta iq'uel loq'uel tel ta chucjibal te jpuc-c'opetique.