San Juan 8:18 - Bible in Tzeltal de Oxchuc y Tenejapa

¹⁸ Jich te jo'one ja' testigo ayon, soc ja' yan testigo cu'un te Jtat te la sticunon tele —xi' te Jesuse.

Nuevo Testamento Tzeltal de Amatenango

¹⁸ Jich te joꞌone, joꞌon mismo testigoon yuꞌun te tut ya kale, y te Tatil te la stikonon tale jaꞌ jtul xan testigo —xchi te Jesuse.

Bible in Tzeltal Bachajón

¹⁸ Ho'on yac calbel jc'oblal, soc ha nix yac yalbelon jc'oblal te Jtat te la sticonon tale, xchi.

San Juan 8:18 ပူးပေါင်းရင်းမြစ်များ

Números 35:30

Soc jich la yal te Cajwaltique: —Ja' nax ta swenta cha'oxtul testigoetic te ya xju' ya yil swocol ta milel te jmilawale. Teme jtul nax testigo, ma'yuc mach'a ya yil swocol ta milel yu'un.

San Juan 10:11

Jo'on te lequil jcanan-chijon. Te lequil jcanan-chije, ya yac' sba ta lajel yu'un te chijetique.

San Juan 10:14

“Jo'on te lequil jcanan-chijone. Ya sna'bon jba te Jtate soc ya jna'bey sba uuc. Ja' nanix jich jna'bey sba te chijetic cu'une soc ya sna'bonic jba uuc. Soc ya cac' jba ta lajel yu'un te chijetique.

San Juan 10:30

Te jo'one soc te Jtate jun nax ayon soc —xi'.

San Juan 10:9

Jo'on ti'corralon. Te mach'a ya x'och bael ta jwenta, ya me xcol. Jun yo'tan ya x'och soc jun yo'tan ya xloc' ta corral, soc ya me sta swe'el tey a.

San Juan 11:25

Te Jesús la yalbey: —Jo'on cha'cuxelon soc jo'on cuxlejalon. Ja' te mach'a ya xch'uunone, teme ya xlaje, ya me xcha'cux tel.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

San Juan 8:25

La yalic: —¿Mach'aat a jiche? —xiic. La yal te Jesuse: —La calbeyex ta xjajch'ibal to tel.

San Juan 8:38

Ja' ya cal te bila yac'ojbon quil te Jtate. Yan te ja'exe, ja' ya apasic te bila yalojbeyex te atatique —xi'.

San Juan 8:51

Jamal ya calbeyex, te mach'a ya yich' ta muc' te bila ya cale sbajt'el q'uinal ma xyil te lajele —xi'.

San Juan 8:58

La yal te Jesuse: —Jamal ya calbeyex, te c'alal ma to xchicnaj a te Abrahame, jtalel nanix ayon jtuquel a —xi'.

Hebreos 2:4

Soc Dios la snup'bey sc'opic ta swenta señailetic soc jchajp at'eliletic te la yac' ta ilel ta swenta te yu'ele. Soc ta swenta te Ch'ul Espíritu la spuctilaybotic jmajt'antic, chican bit'il la sc'an yo'tan stuquel.