San Juan 8:15 - Bible in Tzeltal de Oxchuc y Tenejapa

¹⁵ Te ja'exe ya alebeyic smul yan ta swenta nax te bi yilel ya awilique. Yan te jo'one ma'yuc mach'a ya calbey smul.

Nuevo Testamento Tzeltal de Amatenango

¹⁵ Te jaꞌexe jaꞌ nax lek skꞌoplal awuꞌunik te machꞌa lek ya awilike. Yan te joꞌone makꞌ ya kal te tut yilel te genteetike.

Bible in Tzeltal Bachajón

¹⁵ Ha'ex yac awilbeyic ya'tel yantic ta scuenta ch'ich'-baq'uet; yan te ho'one mayuc mach'a ya quilbe ya'tel.

San Juan 8:15 ပူးပေါင်းရင်းမြစ်များ

Amós 5:7

Ya me awil awocolic ja'ex te ya aboltesic te chajbanele, melel ay swocolic yu'un te lume. Ya ach'ayic bael te bitic ay ta swentaic yich'el juju-jtul.

Amós 6:12

¿Ya bal xju' x'animajic ta tontiquil te caballoetique? ¿Ya bal xju' ta joq'uel jichuc lum te mar? Melel te ja'ex c'atp'ujem awu'unic ta veneno te chajbanele; te sit ya yac' te chajbanele, ja' te mel-o'tane.

Habacuc 1:4

Ma ja'uc ay ta tuuntesel te mandaliletique; ja' nax ay ta pech'el ta teq'uel te bitic sc'oplal ya xc'ot ta jwentatique. Te bila amen ja' yac ta stenel te bila leque; jich yac ta jinel te chajbanele —xi'.

San Lucas 12:14

Jesús la yalbey: —Winic, ¿yu'un bal ay mach'a la yac'bon cat'el ta chajbanwanej ta spuquel sbiluc te atate? —xi'.

San Juan 12:47

Te mach'a ya yaiybon stojol te jc'ope, teme ma xyich' ta muq'ue, ma jo'ocon ya cal te bila castigo ya yich' yu'une. Melel ma ja'uc talemon yu'un ta yac'beyel castigo te mach'atic ayic ta balumilale, ja' talemon yu'un te ya jcoltaye.

San Juan 18:36

La yal te Jesuse: —Te bit'il ajwalilone, ma ja'uc ta swenta in balumilal to. Te yu'unuc ja'uque, ya me spasic guerra te abatetic cu'un te jichuque, swenta yu'un ma ba ac'oton ta sc'ab te judioetic te jichuque. Melel ma ja'uc ta swenta in balumilal to te bit'il ajwalilone —xi'.

San Juan 3:17

Ma ja'uc la sticun tel Snich'an ta balumilal yu'un te ya yac' ta lajel yu'un smulic te ants-winiquetique. Ja' la sticun tel yu'un te ya scoltaye.

San Juan 7:24

Ma me jowiluc nax ya aleic ta c'op te mach'a bi yilel ya awilique. Tojuc me xawaiy chajbanwanej —xi' te Jesuse.

San Juan 8:11

La yal te antse: —Ma'yuc jtuluc, Cajwal —xi'. Te Jesús la yalbey: —Te jo'one ma ba ya cac'at ta lajel uuc. Ta ora to baan, ma me xale xan te amule —la yut bael.]

Romanos 2:1

Jich yu'un, te ja'ate, ma'yuc bi ya xju' ya amac aba ta c'op a. Mach'a ya acuy aba a te ya alebey smul te yane. Te bit'il ya alebey smul te yane, ja'at nix ya ale castigo ta atojol. In te smul te ya alebey te yane, jich nix yacat ta spasel uuc.

1 Corintios 2:15

Yan te mach'atic ayic ta coltayel yu'un te Espiritue, ya xju' yu'unic sna'el stojol spisil. Ja'uc me to, ma'yuc ta na'el stojol yu'un yantic te bit'il ayic stuquelique.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

Santiago 2:4

¿ma bal yacaluquex ta stsael te mach'a lec ya awilic ta awolilique? Yu'un nanix amen awo'tanic te bit'il jich ya apasique.

1 Samuel 16:7

Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.