San Juan 7:7 - Bible in Tzeltal de Oxchuc y Tenejapa

⁷ Te mach'a ayic ta balumilal ma ba ya sp'ajex. Yan te jo'one ya sp'ajonic scaj te ya calbey ta jamal te amen te yat'elique.

Nuevo Testamento Tzeltal de Amatenango

⁷ Te genteetik yuꞌun te balmilale makꞌ spꞌajex. Pero te joꞌone ya spꞌajikon, porke ya kalbe ta jamal te tut ma tsaꞌamuk ya spasike.

Bible in Tzeltal Bachajón

⁷ Ma xhu' ya sp'ajex te mach'atic ayic ta bahlumilal, yan te ho'one ya sp'ajonic, yu'un jamal ya cal te ha chopol te ya'telique.

San Juan 7:7 ပူးပေါင်းရင်းမြစ်များ

1 Reyes 21:20

Te Acab la sjac'bey te sc'op Elías: —¿Ja'at bal jiche te jcontroat te la ataone? —xi'. Te Elías jich la yal: —Jich, la jtaat. Melel puro amen bi ya apas ta sit te Cajwaltique.

1 Reyes 22:8

Te muc' ajwalil yu'un Israel jich la yalbey te Josafat: —Ay jtul xan te ya xju' ya sjojc'obotic ta stojol te Cajwaltique, ja' te Micaías te snich'an Imla. Mero ma jmulanbey sc'op, melel ma'yuc bi ora ya yalbon te bila leque, puro ma lecuc te bila ya yalbone —xi'. Pero jich albot yu'un te Josafat: —Ma xawal jich —xi' sc'oplal.

Salmos 109:5

Te xc'uxul co'tan ya sujt'esbonic ta lab-o'tanil; manchuc me c'ux ya caiy ta co'tan te jo'one, ay slab yo'tan stuquelic.

Proverbios 15:12

Te mach'a toyba nax aye, ma lecuc yo'tan yu'un te comele; ma sc'an sjoin te mach'atic ay sp'ijilique.

Proverbios 8:36

Pero te mach'a ya sloq'ues sba ta jtojole, ya me x'och ta swenta lajel stuquel; te mach'a ya yilayon, ja' me c'ux ta yo'tan a te lajele”, xi' te p'ijil-o'tanile.

Isaías 29:21

jich nix te mach'atic tojol nax ya yac'beyic scuch bila amen ta pasel yu'un te yantique, soc te ya yaq'uic yaluc te juez, soc te ya xlo'laywanic te jich ya scombeyic chajbanel ta stojol te mach'a ma'yuc smule.

Isaías 49:7

Te Cajwaltic te J'ac'wanej ta libre, ja' te Ch'ul Dios yu'un Israel, ya yalbey te lum te jc'axel yich'ojix ilayele, ja' te yilayejic te jyanlumetique, ja' te yich'oj mosoinel yu'un te j'uts'inwanejetique: —C'alal ya yilex te muc' ajwaliletic soc te biq'uit ajwaliletic, ya me xjajch'ic, soc ya me xtal squejan sbaic ta atojol. Melel jo'on Ajwalilon, te Ch'ul Dioson yu'un Israel, la jtsaat, soc ya me jc'otes ta pasel te jc'ope —xi'.

Jeremías 20:8

Melel spisil ora te c'alal ya xc'opojone, ya calulay te ya xtal bayal wocol soc jinel. Spisil ora ya yixtac'optayonic soc ya slabanonic, ja' yu'un te ya cal loq'uel te ac'ope.

Levítico 13:10

Te sacerdote ya me stsajtay yil ta lec, teme yac ta sacubel te sijt'emal te snujc'ulele, soc teme yac ta sacubel te stsotsile, teme chican ta ilel te sijt'emale,

Zacarías 11:8

Ta jun nax u la jloq'ues oxtul jcananetic te c'ax co'tan yu'unique, jich nix la yilayonic.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

San Lucas 6:26

“¡Ya me awil awocolic ja'ex te lec nax ac'oplalic yu'un spisil te ants-winiquetique, melel te namey q'uinal me'il-tatiletic awu'unique jich nix lec sc'oplal la yalbeyic te lotil j'alwanejetique!

San Juan 17:14

Te jo'one la calbey yaiyic te ac'ope. Pero te mach'atic ayic ta swenta te balumilale la yilayic, yu'un ma swentauc te balumilale, jich bit'il ma yu'unucon balumilal te jo'one.

San Juan 3:19

Ja' smulic c'ot te c'alal tal ta balumilal te saquil q'uinale, te ants-winiquetic ma la smulanic. Ja' toyol yo'tanic yu'un te ijc' q'uinale scaj te bit'il amen te yat'elique.

Romanos 8:7

Te mach'atic ja' nax ya xbajt' ta yo'tanic sna'el te bila ya sc'an te sbaq'uetalique, ja' scontroinejic a te Diose. Melel ma xch'uunbeyic smandal te Diose, soc yu'un nanix ma xju' yu'unic a.

Gálatas 4:16

Yan ta ora to, ¿yu'un bal awajcontro c'oonix yu'un te bit'il la calbeyex te smelelil c'ope?

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

1 Juan 4:5

Ja'ic te ayic ta swenta te balumilale, ja' ya yalic te bila swenta te balumilale. Jich ya x'aiybot stojol sc'opic yu'un te mach'a pajal ayic ta swenta te balumilale.