San Juan 7:39 - Bible in Tzeltal de Oxchuc y Tenejapa

³⁹ Te bit'il jich la yale, ja' la yalbey sc'oplal te Ch'ul Espíritu te ya x'ac'botic te mach'atic ya xch'uunic te Jesuse. Melel ma to xtal a te Ch'ul Espiritue, yu'un ma to x'ac'ot ta ilel yutsilal te Jesuse.

Nuevo Testamento Tzeltal de Amatenango

³⁹ Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

Bible in Tzeltal Bachajón

³⁹ Ha la yalbe sc'oblal te Espíritu te ya x'a'botic te mach'atic ya sch'uhunique. Como ma to ba talem a te Ch'ul Espíritu, yu'un ma to ba ac'ot ta ich'el ta muc' a te Jesuse.

San Juan 7:39 ပူးပေါင်းရင်းမြစ်များ

Salmos 68:18

Dios cu'un, moat bael, ta mero toyol la awic' bael ta chuquel te jchuqueletique; la awich'bey spatan te ants-winiquetique, soc te mach'atic stoyoj sbaic la yac' sbaic ta atojol, Cajwal.

Proverbios 1:23

Aiybon awaiyic te tojtesel cu'une, jo'on me ya calbeyex lequil consejo; ya me cac'beyex ana'ic te bila ya yal te co'tane.

Isaías 12:3

Ja' nix jich te ja'exe ya xju' ya xba awuch'ic soc sbujts' awo'tanic te sloq'uibja' yu'un colele.

Isaías 32:15

Ja'uc me to, te Cajwaltic te jchicnanteswanej, ya me xcha'tal ta jtojoltic soc yu'el. Te jochol taquin q'uinale ya xc'atp'uj ta lequil lum yu'un; te lum te ay yutsile, c'axem to xan ay yutsil ya xc'ot.

Isaías 44:3

Melel ya me cac' oquinuc ja' ta jochol taquin q'uinal, bebe-ja'etic ya xc'ot ta bay te taquin q'uinale. Jo'on ya cac'bey yach'il xcuxlejal te ats'umbale, te bendición cu'une ya jticunbey ta stojol.

Joel 2:28

Jich ya yal te Cajwaltic: —C'alal ya xc'ax ta spisil te bitic la cale, spisil te ants-winiquetic ya me jmalbey ta stojolic te espíritu cu'une. Te aquerem-nich'nabic, te awantsil-nich'nabic ay me bi ya yalic ta jwenta, te mamaletic ay me bila ya swaichinic, te queremetic ay bitic ya x'ac'bot yilic ya yaiyic.

San Mateo 16:14

La yalic: —Ay ya yalic te ja'at Juanat te J'ac'-ich'ja'e. Te yane ya yalic te ja'at Eliasat. Soc ay yantic ya yalic te ja'at Jeremiasat, o yan namey q'uinal j'alwanejat yu'un te Diose —xiic.

San Mateo 21:11

Ta spisil te ants-winiquetique jich la yalic: —Ja' te j'alwanej yu'un Dios te Jesús sbiil te talem ta lum Nazaret ta sq'uinal Galilea —xiic.

San Lucas 24:49

Soc ya calbeyex awaiyic, jo'on ya jticunbeyex tel te bila yaloj te Jtate. Jich yu'un te ja'exe, ainanic li'to ta Jerusalén, ja' to c'alal ya xjul ta awentaic te yu'el Dios te ya xtal ta toyole —xi' te Jesuse.

San Lucas 3:16

Ja'uc me to, la yal te Juane: —Melel te jo'one ja' nax ya cac'beyex awich'ic ja' ta swenta nax te ja'e. Yan te mach'a ya xtale, ja' me ya yac'beyex awich'ic te Ch'ul Espíritu soc c'ajc'. Ja' tulan yat'el yich'oj stuquel. Jichon ta stojol ya caiy te bit'il ma'yuc jtuul ta jyalele, ni yacuc xju' ya jtilbey sc'ab te xanabe.

San Lucas 7:16

C'alal la yilic te ants-winiquetique, xiw yo'tanic yu'un. La yalbeyic wocol Dios yu'un: —Mero muc' j'alwanej te chicanix ta coliltique —xiic. Soc la yalic: —Dios tal scoltayix te lum yu'une —xiic.

San Juan 1:21

La sjojc'obeyic xan: —¿Mach'aat a jiche? ¿O ja'at bal te Eliase? —xiic. La yal te Juane: —Ma jo'ocon —xi'. La xcha'jojc'obeyic xan: —¿Ja'at bal te j'alwanejate? —xiic. La yal: —Ma jo'ocon —xi'.

San Juan 1:25

jich la sjojc'obeyic: —¿Bistuc ya awac' ich'ja' teme ma ja'ucat Cristoat, o Eliasat, soc teme ma ja'ucat te j'alwanejate? —xiic.

San Juan 1:33

Ma to jna'ojbey sba uuc, ja'uc me to, te mach'a la sticunon tel ta yaq'uel te ich'ja'e, ja' nix la yalbon stuquel: “Te mach'a ya awil ya xjul ainuc ta stojol te Espíritu ya xcoj tele, ja' me ya yac' ich'ja' ta swenta te Ch'ul Espiritue”, la yuton.

San Juan 12:16

Ta xjajch'ibal te jnopojeletique ma ba la sna'beyic swentail te bila la yilic te c'ot ta pasele. Ja'uc me to, te c'alal ac'otix ta ilel yutsilal te Jesuse, jul ta yo'tanic te jich nix ts'ibubil jilel sc'oplale soc te jich nix c'ot ta pasel ta stojole.

San Juan 12:23

Te Jesús la yalbey yaiyic: —C'otix yorail te ya x'ac'ot ta ilel yutsilal te Nich'anile.

San Juan 14:13

Spisil te bila ya ac'anbeyic te Tatil ta jwenta, ya me jpasbeyex. Jich me ya x'ac'ot ta ilel yutsilal te Tatile ta swenta te Snich'ane.

San Juan 14:26

Te Jmuc'tesej-q'uinal awu'unique, ja' te Ch'ul Espíritu te ya sticunbeyex tel ta jwenta te Jtate. Ja' me ya yac'beyex anopic spisil stuquel, soc ja' me ya yac'beyex ana'ic stojol ta spisil te bi la calixe.

San Juan 16:14

Ja' me ya yac'bon ta ilel te cutsilale, yu'un ja' me ya xc'ot swenta yalel te bila ya jc'an te ya cale, ja' me ya yac'beyex ana'ic.

San Juan 16:7

Ja'uc me to, ya me calbeyex ta melel te ja' lec te ya xboone, yu'un teme ma xboone, ma xtal ta atojolic te Jmuc'tesej-q'uinal awu'unique. Yan teme ya xboone, ya me jticunbeyex tel.

San Juan 17:1

C'alal laj yo'tan ta yalel in to te Jesuse, la stoy moel sit ta ch'ulchan soc jich la yal: —Jtat, c'otix yorail te ya awac' ta ilel yutsilal te Anich'ane, swenta yu'un ya me yac' ta ilel uuc te awutsilale.

San Juan 17:5

Ta ora to, Jtat, ac'bon quich' xan cutsilal ta atojol jich te bit'il pajal ay cutsilaltic a te c'alal ma to xchicnaj te balumilale.

San Juan 20:22

Patil la sjujch'iy soc la yalbey: —Ic'aic te Ch'ul Espiritue.

San Juan 6:14

Te c'alal la yilic te ants-winiquetic te seña yu'el Jesús te la spase, jich la yalic yu'un: —Ja'ix ta melel te j'alwanej yu'un Dios te caiyojtic stojol te ya xtal ta balumilale —xiic.

San Juan 7:12

Ta bay yolil te ants-winiquetique ay tsobol mach'atic yacalic yaanel. Ay la yalic: “Mero lec yo'tan te winique”, xiic. Ay yantic la yalic: “Ban c'an lecuc yo'tan, melel ya slo'lay te lume”, xiic.

San Juan 8:54

La yal te Jesuse: —Teme jo'on ya cac' jba ta ich'el ta muq'ue, xujt' ma'yuc swentail. Ja'uc me to, ja' ya yac'on ta ich'el ta muc' te Jtate, te ja' nix Dios awu'unic ya awalique.

Hechos 19:2

Jich la sjojc'obey yaiy: —¿La bal awiq'uic te Ch'ul Espíritu te c'alal la ach'uunic te Jesuse? —xi'. La yalic: —Ni ayuc caiyotic stojol teme ay te Ch'ul Espiritue —xiic.

Hechos 2:17

“Jich ya yal te Diose: Ta nopol slajibal c'aal ya me jmal te Espíritu cu'un ta stojol spisil ch'ich'-baq'uet. Te aquerem-nich'anic soc awantsil-nich'anic, ya me yalic te sc'op Diose. Te jch'ieletic awu'unique ay me bi ya x'ac'bot yilic ta stelemal, Soc te mamaletique, ay me bi ya swaichinic.

Hechos 2:33

Ic'ot moel c'alal ta swa'el sc'ab te Diose, soc ac'bot ta swenta te Ch'ul Espíritu yu'un te State. Jich la smalix ta jtojoltic te bit'il albil sc'oplale. Ja' meix te yacalex ta yilele soc te yacalex ta yaiyel stojole.

Hechos 2:38

La yal te Pedroe: —Sujt'esa awo'tanic ta stojol Dios, soc ac'a abaic ta ich'ja' juju-jtulex ta swenta sbiil te Jesucristoe. Jich me ya spasbeyex perdón yu'un te amulique, soc jich me ya yac'beyex te Ch'ul Espiritue.

Hechos 2:4

Ta spisilic noj ta yo'tanic te Ch'ul Espiritue. Jich jajch'ic ta c'op ta yantic c'opiletic chican bit'il ac'bot yalic yu'un te Espiritue.

Hechos 3:13

Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

Hechos 4:31

Te c'alal laj yo'tanic ta sc'oponel te Diose, nijc' la yaiyic te banti na stsoboj sbaique, soc noj ta yo'tanic ta spisilic te Ch'ul Espiritue. Jich ma ba xiwic ta yalel te sc'op Diose.

Romanos 8:9

Ja'uc me to, te ja'exe, ma me ja'uc cuxulex xan ta swenta te abaq'uetalique. Ja'uc me cuxulex ta swenta te Espiritue, nainemuc ta awo'tanic te Espíritu yu'un te Diose. Yan teme ma nainemuc ta awo'tanic te Espíritu yu'un te Cristoe, ma yu'unuquex Cristo abi.

2 Corintios 3:8

¿ma bal c'axemuc to xan jich ay yutsilal yich'oj te sc'op Dios te la yac' te Ch'ul Espiritue?

Efesios 4:30

Ma me xawaq'uic ta mel-o'tan te Ch'ul Espíritu yu'un te Diose, te melel ja' sello awich'ojic yu'un Dios, ja' to teme la sta sc'aalelal te jc'axel ya xcolex yu'une.