San Juan 7:38 - Bible in Tzeltal de Oxchuc y Tenejapa

³⁸ Melel ya yal te Sjun Diose te mach'a ya xch'uunone ya me x'oquin loq'uel ja' ta yo'tan te cuxule —xi' te Jesuse.

Nuevo Testamento Tzeltal de Amatenango

³⁸ Jich tut ya yal te Sjun Diose, te machꞌa ya xchꞌuunone ya me xlokꞌ kuxul jaꞌ ta yoꞌtan —xchi te Jesuse.

Bible in Tzeltal Bachajón

³⁸ Te mach'a ya sch'uhunon, hich te bin ut'il ya yal te Shun Dios, ya me x'oquin tal cuxul ha' ta yo'tan, xchi.

San Juan 7:38 ပူးပေါင်းရင်းမြစ်များ

Proverbios 10:11

Te bila ya yal te mach'a toj yo'tane, sloq'uibja' c'oem yu'un cuxlejal; yan te mach'a amen yo'tane, ya xmilot yu'un te bila amen ya spase.

Proverbios 18:4

Te sc'op te mach'a ya xc'opoje jich c'oem te bit'il snabilal ja', jich te bit'il muc'ja' ya x'oquine, soc jich te bit'il pozo yu'un te sp'ijile.

Isaías 12:3

Ja' nix jich te ja'exe ya xju' ya xba awuch'ic soc sbujts' awo'tanic te sloq'uibja' yu'un colele.

Isaías 35:6

Te mach'atic sicuben yacan ya me xcajic ta wilawetel, jichuc ja'mal chijetic; soc te mach'atic uma'etic ya me x'awunic. Te jochol taquin q'uinal ya me xt'om loq'uel tel ja', te tulan ya x'oquin.

Isaías 44:3

Melel ya me cac' oquinuc ja' ta jochol taquin q'uinal, bebe-ja'etic ya xc'ot ta bay te taquin q'uinale. Jo'on ya cac'bey yach'il xcuxlejal te ats'umbale, te bendición cu'une ya jticunbey ta stojol.

Isaías 55:1

Te Cajwaltic ya yal: —Ja'ex te taquin awo'tanique, la'ic, la' uch'aic ja'; ja'ex te ma'yuc ataq'uinique, la'ic, leaic trigo ta majt'anil, soc we'anic; leaic vino soc leche, ni ma'yuc ta tojel.

Isaías 58:11

Jo'on ya quic'at ta beel spisil ora; c'axem to xan ya cac'bat awe'el ta jochol taquin q'uinal, ya cac'bey yip te abaq'uetale. Jich me ya xc'oat te bit'il yawil nichim te buen malbil ta ja', jichat me te bit'il sloq'uibja' te jc'axel ma xtup'.

Isaías 59:21

Te Cajwaltic ya yal: —Ya jpas jun trato soc te ja'exe, ya calbeyex ta jamal: Te cu'el soc te p'ijubtesel te la cac'beyexe jc'axel ma me xch'ay ta awo'tanic, soc ma me xch'ay ta yo'tanic te ats'umbal ta spisil bael ta sbajt'el q'uinal —xi' te Cajwaltique.

Zacarías 14:8

Ya me xc'ot ta pasel te ya xloc' ta Jerusalén cuxul ja'. Te ja'e ya me x'oquin ta yorail invierno soc ta yorail verano, olil me ya xbajt' ta stojol Mar Muerto, te yan olile ya me xbajt' ta stojol Mar Mediterráneo.

San Juan 4:10

Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

Efesios 5:9

Melel te sit ya yac' te Espiritue ja' te yutsil co'tantique, soc te bila toje soc te bila melele.

Deuteronomio 18:15

“Te Cajwaltic ya me yac' chicnajuc loq'uel ta awolilic jtul j'alwanej jich te bit'il jo'one. Ya me sc'an te ya ach'uunbeyic te sc'ope.