San Juan 7:35 - Bible in Tzeltal de Oxchuc y Tenejapa

³⁵ Te judioetique caj sjojc'obey sbaic: —¿Banti ya xbajt' te winic te ma jtatic ta leel ya yale? ¿Yu'un bal ya xbajt' ta banti pujq'uemic te jlumaltic ta bay yolil te griegoetique yu'un ja' ya sp'ijubtes te griegoetique?

Nuevo Testamento Tzeltal de Amatenango

³⁵ Te juriyoetike jich a lijk sjojkꞌobe sbaik ta juju-tul: —¿Ba ya xbajt te winik to te ma jtatik ta leel te ya yale? ¿Me yuꞌun wan ya xbajt te ba lokꞌemik bael te jlumaltik te ba griegoetike? ¿Me yuꞌun wan jaꞌ xba spꞌijutes te griegoetike?

Bible in Tzeltal Bachajón

³⁵ Te judíohetic talel c'axel la sjoc'obe sbahic: ¿Banti ya xbaht te ma ba ya jtahtique? ¿Ya bal xbaht te banti puhquemic bahel judíohetic ta yohlil te griegohetic, ya bal sp'ijubtes te griegohetique?

San Juan 7:35 ပူးပေါင်းရင်းမြစ်များ

Salmos 147:2

Te Cajwaltic ya spas xan te lum Jerusalén; soc ya stsob tel te israeletic te pujq'uemique.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

Isaías 11:12

Ya me stejc'an jajch'el señail jich bit'il bandera ta stojol te nacionetique, jich me ya stsob sba te israeletic te ic'otic loq'uel ta slumalique; ya me stsob c'alal to ta xchanjejch'el te q'uinale, ja' te yajwal Judá te pujq'uemique.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Isaías 56:8

Ya me cac' sujt'uc tel soc te ya stsob sbaic te mach'atic ayic to ta yan q'uinal —xi' te Cajwaltique. Ja' ya yal te Cajwaltic, te ya yac' stsob sbaic tel te israeletic te pujq'uemique.

Sofonías 3:10

Ta bay jejch' ja'etic yu'un Etiopía, te lum cu'un te pujq'uemic baele ya me xtal yalbonic wocol, ya me yich'bonic tel majt'aniletic.

San Mateo 12:21

Spisil jyanlumetic ya me yac' smuc'ul yo'tanic ta stojol te abat cu'une”, xi' te Diose.

San Lucas 2:32

Ya me sacub q'uinal yu'un ta bay te jyanlumetique; soc ay me yutsilal ya xc'ot yu'un te lum Israel awu'une —xi' te Simeone.

San Juan 12:20

Ay griegoetic capal soc te mach'atic julemic ta Jerusalén ta slajinbel sbaic ta yorail te q'uine.

San Juan 7:1

Patil been xan Jesús ta sq'uinal Galilea, yu'un ma la sc'an te ya xbajt' ta sq'uinal Judea scaj te chajbanbil yu'unic te judioetic te ya smilic tey a.

San Juan 8:22

Te judioetique la yalbey sbaic: —¿Yu'un bal ya xba smil sba te la yal te ma stac' ya xbootic tey a ta banti ya xbajt'e? —xiic.

Hechos 11:18

Te c'alal la yaiyic stojol spisil in to te mach'atic la stijic ta c'op te Pedroe, ch'abic ta c'op yu'un soc la yalbeyic jelawen yutsil sc'oplal te Diose. Jich la yalic: —¡Dios la yac'beyix sujt'es yo'tanic yu'un smulic te jyanlumetique, swenta yu'un jich me ya xcuxinic sbajt'el q'uinal uuc! —xiic yu'un.

Hechos 11:20

Ja'uc me to, ay jch'uunjeletic te talemic ta sq'uinal Chipre soc ta lum Cirene, te c'otic ta lum Antioquía, jajch' yalbey yaiyic te lec yach'il c'op yu'un Cajwaltic Jesús te mach'atic griegoetique.

Hechos 14:1

Te c'alal ayiquix ta lum Iconio te Pablo soc te Bernabé, ochic ta bay te sinagoga yu'un te judioetique. Ay yip te sc'opique. Jich tsobol judioetic soc tsobol griegoetic la xch'uunic.

Hechos 17:4

Ay judioetic te c'ot ta yo'tanic te bila la yal te Pabloe. Jich la sjoinic te Pablo soc te Silase. Soc c'ot ta yo'tanic tsobol te griegoetic te yich'ojic ta muc' te Diose soc tsobol uuc te jc'ulej-antsetic te ich'bilic ta muq'ue.

Hechos 18:4

Ta jujun sc'aalelal te cux-o'tane, te Pablo bajt' ta sinagoga te banti la yaanbey yaiyic te lec yach'il c'op te judioetique soc te griegoetique.

Hechos 21:21

Soc yaiyojic stojol te jich yacat ta sp'ijubtesel spisil te jlumaltic judioetic te ainemic ta banti yantic lumetique, te ja'at la awalbey te ma me xch'uunic te mandalil yu'un Moisés, soc te ya awalbey te ma me xyac'bey yich' circuncisión te yal-snich'anique, soc te ma yejt'aluc ya xch'uunic te costumbre cu'untique.

Hechos 22:21

Ja'uc me to, te Cajwaltique la yalbon: “Baan me ta ora, yu'un ya jticunat bael ta c'ubul ta bay te mach'atic jyanlumetique”, la yuton —xi' te Pabloe.

Romanos 1:16

Melel ma xq'uexawon yu'un te lec yach'il c'ope. Melel ja' ay yu'el yu'un te Diose, swenta yu'un jich ya xcolic spisil te mach'atic ya xch'uunique. Ja' neel te judioetique, soc uuc te jyanlumetique.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

1 Timoteo 2:7

Jich yu'un ac'boton quich' cat'el ta xcholel te bit'il ay te jcoleltique. Jich ayon ta p'ijubteswanej ta stojol te jyanlumetique. Ja' ya cac'bey snopic te bit'il ay te xch'uunjel-o'tanil soc te smelelil c'ope. Melel xcal ta stojol Cristo, ma jlotuc.

2 Timoteo 1:11

Dios la yac'bon quich' cat'el ta xcholel ta bayuc te lec yach'il c'ope, soc ja' la sticunon ta jpuc-c'op soc ta jp'ijubteswanej ta stojol te jyanlumetique.

Santiago 1:1

Jo'on Santiagoon, yabaton te Diose soc uuc te Cajwaltic Jesucristoe. Ya jpatbeyex awo'tanic ja'ex te lajchaychajbex te sts'umbalex Israel te pujq'uemex ta spamal balumilale.

1 Pedro 1:1

Jo'on Pedroon te ayon ta jpuc-c'op yu'un te Jesucristoe. Ya jpatbeyex awo'tanic ja'ex te q'uejel pujq'uemex ta bay chajbalchajp lum te ma'yuquex ta alumalique, ja' bi te ayex ta sq'uinal Ponto, ta sq'uinal Galacia, ta sq'uinal Capadocia, ta sq'uinal Asia, soc ta sq'uinal Bitinia.