San Juan 7:32 - Bible in Tzeltal de Oxchuc y Tenejapa

³² Te fariseoetique la yaiyic stojol te jich yacalic ta smuquen-ayanel Jesús te lume. Jich te jwolwanej-sacerdoteetic soc te fariseoetic la sticunic policiaetic ta tsaquel te Jesuse.

Nuevo Testamento Tzeltal de Amatenango

³² Te fariseoetike la yaꞌiyik te tut ya yal te gente ta stojol te Jesuse, y jaꞌik sok te statal saserdoteetike la stikonik bael polisiaetik yuꞌun templo ta stsakel tal te Jesuse.

Bible in Tzeltal Bachajón

³² Te fariseohetic la ya'iyic te hich yac yalbelic te ants-winiquetique. Ha yu'un te principal sacerdotehetic soc te fariseohetic la sticonic policiahetic ta stsaquel te Jesús.

San Juan 7:32 ပူးပေါင်းရင်းမြစ်များ

San Mateo 12:14

Jich te fariseoetique loq'uic bael. Ba snopic te bi ya yut ya smilic te Jesuse.

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

San Mateo 26:58

Jich te Pedroe nam ts'ajc' la yil bael ta sts'aclinel, ja' to c'alal ta bay yamac'ul sna te muc' sacerdotee. Tey och bael uuc a, soc la sjoin ta naclej te policiaetic yu'un te temploe, yu'un ya yil te bit'il ya xc'ot ta loq'uel te Jesuse.

San Juan 11:46

Soc ay cha'oxtulic te ba sc'oponic te fariseoetique. Ja' c'o yalbey yaiyic te bila la spas te Jesuse.

San Juan 12:19

Jich te fariseoetique caj yalbey sbaic: —Ilawil, ma staq'uix ta comel. Melel spisil te lume bajt'iquix ta stojol te Jesuse —xiic.

San Juan 18:3

Jich te Judas tal soc te jtijc' soldadoetique soc uuc te policiaetic yu'un te templo te ticunbilic tel yu'un te jwolwanej-sacerdoteetic soc te fariseoetique. Chapalic tel soc slámparaic soc sc'ajq'uic soc yat'ejibic.

San Juan 7:30

Yo'tan c'an stsaquic ta ora, ja'uc me to, ma'yuc mach'a yal sc'ab, yu'un ma to xc'ot te yoraile.

Hechos 5:26

Jich yu'un te jwolwanej-canan-templo bajt' ta ora soc te policiaetic yu'une. Sbelal la yiq'uic tel te jpuc-c'opetique, yu'un la xi'ic teme ay bit'il ya xch'ojotic ta ton yu'un te lume.

1 Samuel 19:20

la sticun bael swinictac yu'un ya xchuquic tel. C'alal c'otic te swinictac Saúl, la yilic jchajp j'alwanejetic yacalic ta aq'uel ta c'op yu'un Dios, ja' neel ta ic'aw te Samuele. Ja' nix jich, ora nax noj ta yo'tanic te yip yu'el Dios te swinictac Saúl, ochic ta aq'uel ta c'op yu'un Dios.