San Juan 7:28 - Bible in Tzeltal de Oxchuc y Tenejapa

²⁸ Te c'alal yac ta p'ijubteswanej ta templo te Jesuse, tulan caj ta c'op: —¿Melel bal te ya ana'bon jba soc te ya ana' te banti talemone? Ja'uc me to, ma jtuquel-o'tanuc te talemone. Ja' ticunbilon tel yu'un te mach'a smelelil ya xc'opoje te ma x'ana'beyic sbae.

Nuevo Testamento Tzeltal de Amatenango

²⁸ Te Jesuse la yaꞌi te tut yipalik ta yalele. Yipal ta nojpeswanej ta templo ae, sok tulan a kꞌopoj: —¿Me jich awalik te ya anaꞌbikon jbae y te ya anaꞌik te ba talemone? Pero te joꞌone ma skꞌanojeluk nax koꞌtan te talemone. Jaꞌ tikonbilon tal yuꞌun te Machꞌa stalel jun yoꞌtan te ma xꞌanaꞌbeyik sbae.

Bible in Tzeltal Bachajón

²⁸ Yac ta p'ijubteswanej ta Templo a te Jesús, hich tulan la yal: Ana'beyejonic jba soc ana'ojic ban talemon. Ma jtuquel-o'tanuc talemon, pero te mach'a la sticonon tal ha smelelil, ha te ma xana'beyic sbahe.

San Juan 7:28 ပူးပေါင်းရင်းမြစ်များ

Salmos 9:10

Cajwal, ja' smuc'ulinejat yo'tanic te mach'atic ya sna'bat abae; ma'yuc bay ya apijt'es te mach'atic ya sleate.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Jeremías 9:6

Te Cajwaltic jich ya yal: —Yantic nax te uts'inele, yantic nax te lote. Te lum cu'un ma sc'an sna'bonic jba.

Oseas 4:1

Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.

Oseas 5:4

Amen yat'elic te lume, ta swenta te yat'elic ma xc'otic ta stojol te Dios yu'unique. Te bit'il u'uninbilic yu'un te mulweje, ma sna'beyic sba Cajwaltic yu'un.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

San Mateo 2:23

Jich c'o ainuc ta lum Nazaret te ay ta sq'uinal Galilea. Jich c'ot ta pasel te bila yaloj te j'alwanejetic yu'un Dios te ja' Nazaret sbiil ya xc'ot te Jesuse.

San Mateo 26:55

Jich la sc'opon te mach'atic te talemic ta tsacawe: —¿Yu'un bal j'elec'on te tal atsaconic soc apuñalic soc ate'ic? Melel jujun c'aal nacalon ta p'ijubteswanej ta templo ta awolilic te jo'one. Ma la atsaconic tey a.

San Lucas 10:22

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna' stojol te mach'a a te Nich'anile. Ja' nax ya sna' stojol te Tatile. Soc ma'yuc mach'a ya sna' stojol te mach'a a te Tatile. Ja' nax ya sna' stuquel te Nich'anile, soc uuc te jayeb mach'a ya yac'bey sna'bey sbae —xi' te Jesuse.

San Lucas 2:11

Ajc' to nax yayinel ta bay slumal David te Jcoltaywanej awu'unique, ja' te Cajwaltic Cristoe.

San Lucas 2:39

Te bit'il la spasiquix ta templo spisil te bila ya yal te mandalil yu'un te Cajwaltique, sujt'ic bael ta Galilea ta bay slumalic, ja' te lum Nazarete.

San Lucas 2:4

Jich te José loc' tel ta lum Nazaret ta bay sq'uinal Galilea. Bajt' ta lum Belén te ay ta sq'uinal Judea. Yu'un ja' slumal te namey q'uinal muc' ajwalil David, soc ja' sts'umbal David te Joseje.

San Lucas 2:51

Te querem Jesús la sjoinic sujt'el ta Nazaret. Jun yo'tan la xch'uun mandal ta stojolic. Te sme'e la sna'ulay ta yo'tan spisil te bila c'ot ta pasele.

San Juan 1:46

Te Natanaele jich la yal: —¿Yu'un bal ay bila lec ya xloc' tel ta Nazaret? —xi'. Jich la yal te Felipee: —Ya xba quiltic awil jiche —la yut.

San Juan 10:36

Jich yu'un teme tsabilon yu'un Dios te la sticunon tel ta balumilale, ¿bistuc ya awalbonic te yacon ta stoybac'optayel Dios a te bit'il la cal te ja' Snich'anone?

San Juan 12:49

Yu'un ma jo'ocon jc'op te ya cale, ja' sc'op te Jtat te la sticunon tele. Ja' la yac'bon te mandalil te bila ya cale soc te bila ya cac' ta nopele.

San Juan 14:10

¿Yu'un bal ma xc'ot ta awo'tan te jun ayon soc te Jtate? Ma jo'ocon jc'op jtuquel te bila ya calbeyexe. Te Jtat te jun ayon soque, ja' ya spas stuquel te yat'ele.

San Juan 14:31

Swenta yu'un ya me sna'ic te mach'atic ayic ta balumilal te c'ux ta co'tan te Jtate, ya jpas te bila yalojbon ta mandale. Jajch'anic, ya xbootiquix —xi' te Jesuse.

San Juan 16:3

Jich ya spasic yu'un xujt' ma sna'beyic sba te Jtate, soc ma sna'bonic jba uuc.

San Juan 17:25

Jtat, te toj awo'tane, ma sna'bat aba te mach'atic ayic ta swenta te balumilale. Yan te jo'one ya jna'bat aba jtuquel. Te mach'atic xch'uunejonixe sna'ojiquix te ja'at la aticunon tele.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 3:2

Tal sc'opon ta ajc'ubal te Jesuse. Jich jajch' yalbey: —Maestro, jna'oj stojol te bit'il ticunbilat tel ta p'ijubteswanej yu'un te Diose, melel ma'yuc mach'a ya xju' yu'un spasel te jchajp at'eliletic te yacat ta spasel te manchuc sjoinejucat te Diose —xi'.

San Juan 3:33

Yan teme ay mach'a ya xch'uune, ya yac' ta na'el te bit'il melel te bila ya yal te Diose.

San Juan 5:32

Ja'uc me to, ay yan te mach'a ya yalbon jc'oplal ta testigo-c'ope. Te mach'a ya cale jna'oj stojol te smelelil te ya yalbon jc'oplale.

San Juan 5:43

Te jo'one talemon ta swenta te Jtate, ja'uc me to, ma'yuc jc'oplal ta awo'tanic. Yan teme ay yan mach'a ya xtal ta stuquel-o'tane, ja' bayal sc'oplal ta awo'tanic stuquel.

San Juan 6:42

Jich la yalic yu'un: —¿Ma bal ja'uc snich'an José te Jesuse, te ya jna'beytic sba te sme'-state? ¿Bit'il ay a te coem tel ta ch'ulchan ya yale? —xiic.

San Juan 7:14

Te q'uine col oliluc ayix a te och bael ta templo te Jesuse. Tey jajch' ta p'ijubteswanej a.

San Juan 8:14

La yal te Jesuse: —Manchuc teme jo'on ya cal jc'oplal ta testigoe, ja'uc me to, smelelil te bila ya cale. Melel jna'oj te bay talemone soc jna'oj te bay ya xboone. Yan te ja'exe ma x'ana'ic te bay talemon soc te bay ya xboone.

San Juan 8:16

Ja'uc me to, teme ay mach'a ya calbey te smule, yu'un nanix smelelil a te bila ya cale. Yu'un ma jo'ocon nax jtuquel te bila ya cale, melel jich ya yal uuc te Jtat te la sticunon tele.

San Juan 8:19

Jich yu'un la yalbeyic: —¿Banti ay te atate? —xiic. La yal te Jesuse: —Te ja'exe ma x'ana'bonic jba soc ja' nanix jich ma x'ana'beyic sba uuc te Jtate. Teme ya ana'bonic jbae, ja' nix jich ya ana'beyic sba uuc te Jtate —xi'.

San Juan 8:26

Soc ay to bayal ac'oplalic te ya calbeyexe soc sc'oplal uuc te awat'elique. Te mach'a la sticunon tele melel te bi ya yale. Te bi ya cal li'to ta balumilale, ja' nix te bila caiyoj stojol yu'une —xi'.

San Juan 8:42

Te Jesús jich la yalbey yaiyic: —Te meleluc te ja' atatic te Diose, c'ux ya awaiyonic te jichuque, melel te jo'one talemon ta stojol te Diose te bit'il li' ayon to. Ma jtuquel-o'tanuc te talone. Ja' la sticunon tel te Diose.

San Juan 9:29

Jna'ojtic stojol jo'otic te c'oponot yu'un Dios te Moisese. Yan te mach'a ya awale, ni ya jna'tic stojol xujt'uc te banti taleme —xiic.

Hechos 17:23

Melel te c'alal c'axon tel ta yilel te ch'uunjibaletic awu'unique, la jta jun scajtijib majt'anil te banti jich ts'ibubile: “Ja' yu'un te Dios te ma na'biluc sbae”, te xi' te ts'ibubile. Jich yu'un te Dios te awich'ojic ta muc' te ma x'ana'beyic sbae, ja'ix te mach'a ya calbeyex sc'oplale.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Romanos 3:4

Ma jichuc. Melel ma sujt'es sc'op stuquel te Diose, manchuc teme jpas-lot spisil te ants-winiquetique. Jich te bit'il ts'ibubil jilel ta Sjun te Diose: “Ta swenta te bila ya awale, toj ya xc'oat yu'un. Jich me ya awaiy tsalaw te c'alal ya awich' chajbanele”, te xi' sc'oplale.

2 Corintios 1:18

Te Diose ja' testigo cu'untic te ma xju' te jun c'aal ya calbeyex “Jich” soc yan c'aal ya calbeyex “Ju'uc”.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

Hebreos 6:18

Jich ay cheb te bila ma xch'ay sc'oplal, te melel ma xju' ya spas lot stuquel te Diose. Jich ay yip co'tantic te jayebotic te la jtatiquix coltayel yu'un te Diose soc te jun co'tantic yacotic ta smaliyel te bila yaloje.

1 Juan 5:10

Te mach'a ya xch'uun te Snich'an Diose, ay ta yo'tan te testigo-c'op yaloj te Diose. Yan te mach'a ma xch'uun te testigo-c'op yalojix te Diose, ja' la spas lot ta sc'op te Diose, melel ma ba xch'uunej te testigo-c'op yu'un Dios ta swenta te Snich'ane.

1 Samuel 2:12

Te snich'nab Elí mero amen yo'tanic, ma ba la yich'ic ta muc' te Cajwaltique,