San Juan 7:27 - Bible in Tzeltal de Oxchuc y Tenejapa

²⁷ Ja'uc me to, ya jna'tic te banti taleme. Yan te c'alal ya xtal te Cristoe, jtul ma'yuc mach'a ya sna' te banti ya xtale —xiic.

Nuevo Testamento Tzeltal de Amatenango

²⁷ Pero te joꞌotike jnaꞌojtik ba talem. Yan te kꞌalal ya xtal te Cristoe, ni maꞌyuk machꞌa ya snaꞌ te ba ya xtale —xchiik.

Bible in Tzeltal Bachajón

²⁷ Pero jna'ojtic banti talem te winic ini; yan te c'alal ya xtal te Cristo, mayuc mach'a ya sna' banti ya xtal stuquel, xchihic.

San Juan 7:27 ပူးပေါင်းရင်းမြစ်များ

Isaías 11:1

Ta xchumante'al Isaí sbiil ya xloc' tel spul; ya xt'om loq'uel tel spul ta bay yisim.

Isaías 53:8

Ma'yuc swentail la yiq'uic bael, ma'yuc mach'a c'opoj yu'un; ma'yuc mach'a la smel yo'tan yu'un. La sloq'uesic bael ta q'uinal, la yaq'uic ta lajel ta swenta smulic te lum cu'une.

Jeremías 23:5

Te Cajwaltic jich ya yal: —Ya me sta sc'aalelal te ya cac'bey tel jtul mero sts'umbal David, ja' me jtul muc' ajwalil te ya xmandalaj soc sp'ijil, soc toj me ya x'at'ej ta chajbanwanej ta stojol te lume.

Jeremías 30:21

Ya xloc' ta yolilic te jtsobwanej yu'unique; tey nix ya xloc' ta yolilic jtul ajwalil. Ya me cac' te ya xnoptsaj ta jtojol; ¿ay bal mach'a ya xju' xnoptsaj bael ta jtojol? Ja'ic me te lum cu'une, soc jo'on me Dioson yu'unic. Jo'on Ajwalilon, jich ya cal —xi' te Cajwaltique.

Miqueas 5:2

Ja'at Belén Efrata, manchuc teme ch'in jxujt'at te ayat ta yolil te mach'atic sts'umbal Judá, tey ya xloc' tel ta atojol jtul ajwalil yu'un Israel, ja' me sts'umbal te namey q'uinal sme'-state —xi'.

San Marcos 6:3

¿Ma bal ja'uc te jcarpintero te yal te Mariae? Soc ja' yijts'inab te Jacobo, te Joseje te Judase soc te Simone. Soc ja' sjoy ta alatayel uuc te antsetic te ayic ta coliltique —xiic. Jich bolob yo'tanic ta stojol.

San Lucas 4:22

Spisilic lec bajt' sc'oplal yu'unic te Jesuse, soc bayal ayan yo'tanic yu'un te bit'il buen t'ujbil la yaiybeyic te sc'ope. La sjojc'obey sbaic: —¿Ma bal ja'uc snich'an José in winic to? —xiic.

San Juan 6:42

Jich la yalic yu'un: —¿Ma bal ja'uc snich'an José te Jesuse, te ya jna'beytic sba te sme'-state? ¿Bit'il ay a te coem tel ta ch'ulchan ya yale? —xiic.

San Juan 7:15

Te judioetique jchajp nax la yaiybeyic a te sc'ope. Jich la yalic: —¿Bit'il ay a te ya sna' ta lec aiyej te winique? Melel ma'yuc bay p'ijubtesbil —xiic.

San Juan 9:29

Jna'ojtic stojol jo'otic te c'oponot yu'un Dios te Moisese. Yan te mach'a ya awale, ni ya jna'tic stojol xujt'uc te banti taleme —xiic.

Hechos 8:33

La yich' pejc'anel, soc ma la sta lequil chajbanel. ¿Mach'a c'an sna'bey yaanel te sts'umbale? Melel ora pojbot xcuxlejal ta balumilal”, te xie.