San Juan 7:26 - Bible in Tzeltal de Oxchuc y Tenejapa

²⁶ Ilawil, jamal nax yac ta c'op, pero ma'yuc jtuluc mach'a bi ya yalbey. ¿Yu'un bal c'ot ta yo'tanic te jwolwanejetic cu'untic te ja' Cristo in winic to?

Nuevo Testamento Tzeltal de Amatenango

²⁶ Ila awil ba ay yipal ta kꞌop ta sitil komon, y maꞌyuk machꞌa ay tut xba yalbe. ¿Me yuꞌun wan kꞌot ta yoꞌtanik te juꞌeletik te batsꞌi jaꞌ mismo Cristo te winik to?

Bible in Tzeltal Bachajón

²⁶ Pero ilawil, yac ta c'op ta comonsitil, mayuc bin ya yalbeyic. ¿Yu'un bal la sna'iquix ta melel te principaletic te ha nix a te Cristohe?

San Juan 7:26 ပူးပေါင်းရင်းမြစ်များ

Proverbios 28:1

Te mach'a amen yo'tan ya x'an bael, manchuc me ma'yuc mach'a ya xnutsot yu'un; yan te mach'a toj yo'tane, jun yo'tan ay jichuc león-choj.

Isaías 42:4

Ma ba ya xlub, ni ma ba ya xch'ay te smuc'ul yo'tane, ja' to teme chicnaj te stojil chajbanel ta balumilale. Te lumetic ta ti'ti'mar jun me yo'tan ya yaiyic stojol te p'ijubtesele —xi' te Diose.

San Mateo 22:16

Jich la sticunic bael ta stojol cha'oxtul te jnopojeletic yu'un te fariseoetique soc cha'oxtul te mach'a jun yo'tan sbaic soc te Herodese. Jich tal yalbeyic te Jesuse: —Maestro, jna'ojtic stojol te bit'il puro smelelil te bila ya awale. Soc jna'ojtic te bit'il jamal ya awac' ta nopel te be yu'un te Diose. Ma'yuc mach'a te ya xiwat ta c'op ta stojol, te melel ma tsabiluc nax awu'un ta sit yelaw te mach'a ya awich' ta muq'ue.

San Lucas 23:13

Te Pilato la sticun ta tsobel tel te jwolwanej-sacerdoteetic, soc te jtuuneletic, soc spisil te lume.

San Lucas 7:30

Yan te fariseoetic soc te jts'ibojometic te ma ba ac'bot yich'ic ja' yu'un te Juane, la sp'ajic te bit'il c'an yich'ic c'uxtayel yu'un te Diose.

San Juan 12:42

Ay tsobol jwolwanejetic te la xch'uunic te Jesuse, ja'uc me to, ma la yal sbaic scaj te la xi'ic te fariseoetique, yu'un ma sc'anic te ya yich'ic loq'uesel ta sinagogae.

San Juan 18:20

Jesús la yalbey: —Jamal c'opojon ta comonsitil ta stojol spisil te ants-winiquetique, melel la caiy p'ijubteswanej ta sinagogaetic soc ta templo te banti ya stsobilay sbaic spisil te judioetique. Ma'yuc bila muquen la cal.

San Juan 3:1

Ay jtul fariseo Nicodemo sbiil, ja' principal yu'un te judioetique.

San Juan 4:29

—La'ic, ila awilic jtul winic te la yalbon spisil te bila jpasoje. Teme repente ja'ix te Cristoe —xi'.

San Juan 7:25

Ay la sjojc'obey sbaic te mach'atic ja' nix yajwal te lum Jerusalene: —¿Ma bal ja'uc in winic to te yacal ta leel yu'un ya smilique?

San Juan 7:31

Ja'uc me to, ay tsobol mach'atic la xch'uunic soc la yalic: —Te c'alal ya xtal te Cristoe ¿c'ax to bal jich yipal señailetic ya yac' ta ilel te bit'il in winic to? —xiic yu'un.

San Juan 7:48

¿Yu'un bal ay la xch'uuniquix uuc te jwolwanejetic cu'untique soc te fariseoetique?

San Juan 9:22

Jich la yal te sme'-state scaj te la xi'ic te judioetique. Melel chajbanbilix yu'unic te ya yich' loq'uesel ta sinagoga chican mach'a a te ya yal te ja' Cristo te Jesuse.

Hechos 4:13

Te jwolwanejetic la yilic te ma ba yacalic ta xiwel te Pedro te Juane, soc la sna'ic te ma'yuc banti p'ijubtesbilic ta yilel te june, soc te joch-winiquetic naxe. Jich bayal ayan yo'tanic yu'un, soc la sna'ic te ma'yuc banti p'ijubtesbilic ta leque soc te joch-winiquetic naxe.

Filipenses 1:14

Jteb ma spisiluc quermanotactic te toyol yo'tanic ta yalel sc'op Dios yu'un te bit'il ayon ta chuquele. Ma xiwic ta yalel, soc ay stulanil yo'tanic ta swenta te Cajwaltique.