San Juan 7:23 - Bible in Tzeltal de Oxchuc y Tenejapa

²³ Jich yu'un teme ya awac'beyic yich' circuncisión jtuluc alal ta sc'aalelal te cux-o'tane swenta yu'un ma xyich' c'axintayel smandal te Moisese, ¿bistuc ya awilintayonic yu'un te la jcoltaybey scojt'ol sbaq'uetal jtul winic ta sc'aalelal te cux-o'tane?

Nuevo Testamento Tzeltal de Amatenango

²³ Jaꞌ yuꞌun teme ya awaꞌbeyik yichꞌ sirkunsision jtuluk chꞌin kerem ta skꞌaalel kuxo-oꞌtan ta skaj te ma xꞌakꞌan ya akꞌaxintaybeyik te smantal te jMoisese, ¿tut yuꞌun te ya awilintayikone te yuꞌun la jlekutesbe skojtol stiꞌbalul jtul winik ta skꞌaalel kuxo-oꞌtane?

Bible in Tzeltal Bachajón

²³ Teme ya yich' aq'uel circuncisión ta sc'ahc'alel cux-o'tan scuenta yu'un hich ma xyich' c'axuntayel a te smandar Moisés, ¿ya bal awihlintayonic yu'un te ta sc'ahc'alel cux-o'tan la jlecubtes ta chamel jtuhl winic?

San Juan 7:23 ပူးပေါင်းရင်းမြစ်များ

Éxodo 31:14

Te bi c'aalil swenta cux-o'tan, ch'ultesbil me cu'un ta atojolic, ya me awich'ic ta muc'. Te mach'a ma xyich' ta muc', ya me x'albot te ya xc'ot lajel ta swenta. Te mach'a ya x'at'ej a te bi c'aalil swenta cux-o'tan, jc'axel me ya yich' loq'uesel ta yolil te lume.

San Mateo 12:10

Ay jtul winic tey a te sicuben xchial te jch'ix sc'abe. La smaliy yilic te bila ya spas te Jesuse soc la sjojc'obeyic: —¿Ya bal stac' te ya yich' coltayel jchameletic ta sc'aalelal te cux-o'tane? —xiic.

San Mateo 12:2

Te fariseoetic la yilic te bila yacalic ta spasele, soc jich la yalbeyic te Jesuse: —Ilawil te jnopojeletic awu'une. Yacalic ta spasel te bila ma stac' ta pasel ta sc'aalelal cux-o'tan —xiic.

San Mateo 12:5

Soc ja' nanix jich, ¿ma bal awilojic ta mandalile te bit'il ma xyich'ic lewa yu'un yat'el ta templo ta sc'aalelal cux-o'tan te sacerdoteetique, soc ma yu'unuc ya sta smul a?

San Juan 5:10

Jich te judioetique, caj yalbeyic te winic te colemixe: —Ja' in c'aal to sc'aalelal cux-o'tan. Ma spas te abaloj awaib ta beele —la yutic.

San Juan 7:21

Te Jesús jich la yalbey yaiyic: —Jun nax at'elil la jpas ta sc'aalelal cux-o'tan te bayal ya x'ayan awo'tanic cu'une.

San Juan 9:16

Ay cha'oxtul te fariseoetic la yalique: —Ma ba talem ta stojol Dios me to, melel ma scanantay te bi c'aalil swenta cux-o'tan —xiic. Soc ay la yalic: —¿Ya bal c'an ju'uc yu'un spasel jtul jmulawil in señailetic to? —xiic. Jich ma junuc yo'tan sbaic yu'un.