San Juan 7:15 - Bible in Tzeltal de Oxchuc y Tenejapa

¹⁵ Te judioetique jchajp nax la yaiybeyic a te sc'ope. Jich la yalic: —¿Bit'il ay a te ya sna' ta lec aiyej te winique? Melel ma'yuc bay p'ijubtesbil —xiic.

Nuevo Testamento Tzeltal de Amatenango

¹⁵ Te juriyoetike ay yajtal yoꞌtanik y la yalik: —¿Tuti snaꞌtalan te tut ya yale?, si maꞌyuk ba yichꞌoj nojptesel —xchiik.

Bible in Tzeltal Bachajón

¹⁵ Xcham yo'tanic yu'un te judíohetic, hich la yalic: ¿Bin ut'il ay a te bayel bintic ya sna' te ma ba yich'oj p'ijubtesel? xchihic.

San Juan 7:15 ပူးပေါင်းရင်းမြစ်များ

Isaías 29:12

Soc teme ja' ya awac'bey te mach'a ma sna' yilel jun te jich ya awalbeye: “C'opona”, teme ya awute, ya sjac': “Ma jna' yilel jun”, xi' me.

San Mateo 13:54

C'ot ta slumal. Och yaiy p'ijubteswanej tey a ta bay te sinagoga yu'unique. Jchajp nax la yilic a te ants-winiquetique. Jich la yalbey sbaic yu'un: —¿Banti la sta te sp'ijile? ¿Bit'il ya xju' yu'un spasel te jchajp at'eliletique?

San Mateo 22:22

Te c'alal la yaiyic stojol te jich la yale, bayal ayan yo'tanic yu'un, soc la yijq'uitayic jilel. Jich bajt'ic.

San Mateo 22:33

Te c'alal la yaiyic stojol te ants-winiquetique, bayal ayan yo'tanic yu'un te bila la yac' ta nopele.

San Lucas 2:47

Spisil te mach'atic la yaiyic stojol sc'op te Jesuse, jchajp nax la yilic te bit'il ay sp'ijil sjol ta sujt'esel te aiyeje.

San Lucas 4:22

Spisilic lec bajt' sc'oplal yu'unic te Jesuse, soc bayal ayan yo'tanic yu'un te bit'il buen t'ujbil la yaiybeyic te sc'ope. La sjojc'obey sbaic: —¿Ma bal ja'uc snich'an José in winic to? —xiic.

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

San Juan 7:11

Te judioetique yacalic ta sleel ta yolil te q'uine: —¿Banti ay te winique? —xiic.

San Juan 7:13

Ja'uc me to, muquen yacalic ta yalel, scaj te ya xi'ic te judioetique.

San Juan 7:46

La yalic te policiaetique: —Xujt' ma'yuc mach'a jich ya xc'opoj a te bit'il te winique —xiic.

Hechos 26:24

Te bit'il jich yac ta yalel a te Pabloe, te Festo tulan c'opoj yu'un: —Pablo, bolobix ajol yu'un te bayal junetic la anopixe —la yut.

Hechos 4:13

Te jwolwanejetic la yilic te ma ba yacalic ta xiwel te Pedro te Juane, soc la sna'ic te ma'yuc banti p'ijubtesbilic ta yilel te june, soc te joch-winiquetic naxe. Jich bayal ayan yo'tanic yu'un, soc la sna'ic te ma'yuc banti p'ijubtesbilic ta leque soc te joch-winiquetic naxe.

1 Samuel 10:11

Pero spisil te mach'atic ya xna'bot sba ta namey yu'une, te c'alal la yilic te och ta aq'uel ta c'op yu'un Dios, jich la yalbey sbaic: —¿Bi wan la spasix a te snich'an Cis? ¿Ja' balix jun j'alwanej jiche? —xiic.