San Juan 6:71 - Bible in Tzeltal de Oxchuc y Tenejapa

⁷¹ Te bit'il jich la yale, ja' la yalbey sc'oplal te Judas te snich'an Simón Iscariote, yu'un ja' ya x'ac'ot ta c'abal yu'un, manchuc teme jun nax ay soc te lajchaytulique.

Nuevo Testamento Tzeltal de Amatenango

⁷¹ Te tutꞌil jich a yal te Jesuse, jaꞌ a yalbe skꞌoplal te Judas te xnichꞌan Simon Iscariotee. Porke te Judase jaꞌ ya xꞌakꞌawan entregal, manchuk me jaꞌ jtuluk te ta xlajchaytulule.

Bible in Tzeltal Bachajón

⁷¹ Ha la yalbe sc'oblal te Judas Iscariote snich'an Simón, como ha te jtuhl ta slahchaytuhlulic te ya yac' ta c'abal te Jesús.

San Juan 6:71 ပူးပေါင်းရင်းမြစ်များ

Salmos 41:9

Asta te mach'a mero c'ux ya caiy jba soque, te ja' smuc'ul co'tan sc'oplale, ja' te mach'a jun ya xwe'on soque, ja' la scontroinonix.

San Mateo 10:2

Te sbiilic te lajchaytul jpuc-c'opetique jich ay: Te mach'a sbabiale, ja' te Simón te Pedro yan sbiile, soc te yijts'ine te Andrés sbiile, soc Jacobo soc te yijts'ine te Juan sbiile te snich'nab te Zebedeoe,

San Mateo 10:4

soc te Simón te cananistae, soc te Judas Iscariote te la yac' ta c'abal ta patil te Jesuse.

San Marcos 14:10

Te Judas Iscariote, te jtul ta slajchaytululic te jnopojeletic yu'un te Jesuse, ba sc'opon te jwolwanej-sacerdoteetique. Tey la xchap soc a te ya yac'bey ta sc'abic te Jesuse.

San Juan 12:4

Caj ta c'op te jtul jnopojel, ja' te Judas Iscariote te snich'an Simone soc ja' nix te mach'a la yac' ta c'abal ta patil te Cajwaltique. Jich la yal:

San Juan 13:2

Och pucuj ta yo'tan te Judas te snich'an Simón Iscariote, albot ta yo'tan te bit'il ya yac' ta c'abal te Jesuse. Te Jesús ay ta yo'tan te talem ta stojol Dios, soc te ya sujt' bael ta stojol Dios, soc te bit'il spisil ac'bilix ta sc'ab yu'un te State. Jich yu'un te c'alal yac ta we'el ta mesa, la stejc'an sba jajch'el. La sloq'ues sc'u', soc la xchuc toalla ta xch'ujt'.

San Juan 13:26

La yal te Jesuse: —Ja' te mach'a ya jmulbey xejt'uc waj te ya cac'bey swe'e, ja' me abi —xi'. Jich la smulbey soc la yac'bey te Judas te snich'an Simón Iscariotee.

San Juan 2:2

soc ic'otic tel ta yilel nujbinel uuc te Jesús soc te jnopojeletic yu'une.

San Juan 20:24

Ja'uc me to, te Tomás te Dídimo yan sbiil te ja' nix jtul ta slajchaytulul soc te jnopojeletique, ma ba tey a te c'alal tal Jesús ta bay stsoboj sbaique.

San Juan 6:64

Ja'uc me to, ay cha'oxtulex ma x'ac'anic te ya ach'uunique —xi'. Yu'un ta xjajch'ibal to sna'oj te Jesuse te mach'atic ma xch'uunot yu'une soc te mach'a ya x'ac'ot ta c'abal yu'une.

San Juan 6:70

Jesús la yal: —Jo'on la jtsaex te lajchaytulexe, ja'uc me to, ta alajchaytululic ay jtul pucuj tey a —xi'.

Hechos 2:23

Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.

Judas 1:4

Yu'un ay mach'atic te ju' yu'unic te la slo'layex te muquen ochemiquix ta awolilique. Ja'uc me to, namey ts'ibubilix jilel sc'oplalic ta Sjun Dios te quechelic ta yich'el castigoe. Melel c'ax amen te yo'tanique. Syantesejiquix ta slejibal smulic te bit'il ayotic ta c'uxtayel yu'un te Diose. Ma xyaq'uic ta ich'el ta muc' te Cajwaltic Jesucristoe, te ja' nax cajal yat'el stuquele.