San Juan 6:70 - Bible in Tzeltal de Oxchuc y Tenejapa

⁷⁰ Jesús la yal: —Jo'on la jtsaex te lajchaytulexe, ja'uc me to, ta alajchaytululic ay jtul pucuj tey a —xi'.

Nuevo Testamento Tzeltal de Amatenango

⁷⁰ Te Jesuse la sjakꞌtalanbe: —Me ma joꞌukon a tsaex te lajchaytulexe, pero ay jtul te jaꞌexe te ya xꞌuꞌuninot yuꞌun pukuje —xchi.

Bible in Tzeltal Bachajón

⁷⁰ La sjac' te Jesús: ¿Ma bal lahchaytuhlex te tsahbilex cu'un? Pero ay jtuhl te ha pucuj, xchi.

San Juan 6:70 ပူးပေါင်းရင်းမြစ်များ

San Juan 13:18

“Ma apisiluc te jich ya calbeyexe, melel na'bilix cu'un te mach'atic jtsaoje. Ja'uc me to, puersa ya xc'ot ta pasel te bi ts'ibubil ta Sjun te Diose: “Te mach'a pajal ya xwe'on soque, c'atp'ujix ta jcontro”, te xie.

San Juan 13:2

Och pucuj ta yo'tan te Judas te snich'an Simón Iscariote, albot ta yo'tan te bit'il ya yac' ta c'abal te Jesuse. Te Jesús ay ta yo'tan te talem ta stojol Dios, soc te ya sujt' bael ta stojol Dios, soc te bit'il spisil ac'bilix ta sc'ab yu'un te State. Jich yu'un te c'alal yac ta we'el ta mesa, la stejc'an sba jajch'el. La sloq'ues sc'u', soc la xchuc toalla ta xch'ujt'.

San Juan 13:21

C'alal laj yo'tan ta yalel in to te Jesuse, bayal la smel yo'tan soc jamal caj yal: —Jamal ya calbeyex, ay jtulex te ya awac'onic ta c'abale —xi'.

San Juan 13:27

C'alal la stsac te Judase, och Satanás ta yo'tan ta ora. Te Jesús la yalbey: —Te bila ya apase, pasa me ta ora —la yut.

San Juan 15:16

Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

San Juan 15:19

Te junuc awo'tanic soc te mach'atic ayic ta swenta te balumilale, c'ux ya yaiyex te jichuque te bit'il jun ayex soque. Ja'uc me to, la jtsaex loq'uel tel ta yolilic. Ja' swentail te ya sp'ajex te mach'atic ayic ta swenta te balumilale.

San Juan 17:12

Te c'alal joinej to ta balumilal a, la jcanantay ta swenta awu'el te mach'atic la awac'bon ta jwentae. Spisil la jcanantay, jtul ma ch'ay cu'un. Ja' nax ch'ay stuquel te mach'a ay nanix ta swenta te ch'ayele, swenta yu'un jich ya xc'ot ta pasel te bila ts'ibubil jilele.

San Juan 2:2

soc ic'otic tel ta yilel nujbinel uuc te Jesús soc te jnopojeletic yu'une.

San Juan 20:24

Ja'uc me to, te Tomás te Dídimo yan sbiil te ja' nix jtul ta slajchaytulul soc te jnopojeletique, ma ba tey a te c'alal tal Jesús ta bay stsoboj sbaique.

San Juan 6:64

Ja'uc me to, ay cha'oxtulex ma x'ac'anic te ya ach'uunique —xi'. Yu'un ta xjajch'ibal to sna'oj te Jesuse te mach'atic ma xch'uunot yu'une soc te mach'a ya x'ac'ot ta c'abal yu'une.

San Juan 6:67

Jich te Jesús la sjojc'obey yaiy te lajchaytule: —¿Ya bal sujt'ex bael uuc te ja'exe? —xi'.

San Juan 6:71

Te bit'il jich la yale, ja' la yalbey sc'oplal te Judas te snich'an Simón Iscariote, yu'un ja' ya x'ac'ot ta c'abal yu'un, manchuc teme jun nax ay soc te lajchaytulique.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Hechos 1:17

Melel jun nax ajtaybilotic soc ta neelal te Judase soc ac'bot ta swenta uuc te at'ele.

Hechos 13:10

Jich la yalbey: —Te ja'ate lo'laywanejat, nojel ta awo'tan spisil te bila amen ta pasele. Ja' snich'anat te pucuje, acontroinej spisil te bila lec ta pasele. ¿Jc'axel bal ma x'acom aba ta smacbel sbe te Cajwaltique?

1 Timoteo 3:11

Ja' nanix me jich uuc te antsil-diaconoetique ya sc'an te lec yo'tanique, soc te ma xlewanic ta c'ope, te ya sna'ic stsajtayel te yo'tanique, soc te jun yo'tanic ta spasel spisil te bila ya x'ac'bot ta swentaic spasele.

Tito 2:3

Ja' nanix jich uuc te jme'tiquetique. Ya sc'an te buen lec ayic ta q'uinale, te ma xlewanic ta c'ope, te ma smosoinotic yu'un te yacubele, soc te ja' ya yaq'uic ta nopel te bila lec ta pasele.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.