San Juan 6:7 - Bible in Tzeltal de Oxchuc y Tenejapa

⁷ Te Felipe la yal: —Te ayuc lajunwinic (200) denario-taq'uin ya jmantic te waje, ma tic'uc ya swe'ic juju-jxejt'uc a —xi'.

Nuevo Testamento Tzeltal de Amatenango

⁷ Te jFelipe la yal: —Te ayuk dosiento denario takꞌin yuꞌun ya jmantik a te waje, ma teyuk ya sta chꞌinuk a te juju-tule —xchi.

Bible in Tzeltal Bachajón

⁷ La sjac' te Felipe: Ma tic'uc ya xwe'ic jujutebuc a ta lajunwinic (200) denario pan, xchi.

San Juan 6:7 ပူးပေါင်းရင်းမြစ်များ

2 Reyes 4:43

Pero te abate jich la yal: —¿Bi ya cut ya cac'bey swe'ic te jo'winic (100) ta jtul mach'a li' ayique? —xi'. La sjac' te Eliseo: —Ac'beya swe'ic te mach'atic li' ayique, melel te Cajwaltic la yalix te ya xwe'ic, soc te ay to ya xjil sobrail —xi'.

San Mateo 18:28

“Ja'uc me to, te abate loq'uel to bael a te la sta sba soc jtul sjoy ta abatil te ay sbet jo'winic denario yu'une. La stsac soc la spich'bey snuc': “Tojbon te abete”, la yut.

San Marcos 6:37

La yal te Jesuse: —Ac'beya swe'elic te ja'exe —xi'. La yalic: —¿Bay xba jtatic lajunwinic (200) denario-taq'uin te ya jmantic waj smac'lin sbaic a? —xiic.

San Juan 1:43

Ta yan xan c'aal la snop te Jesús te ya xbajt' ta sq'uinal Galilea. La sta sba soc te Felipe, jich la yalbey: —La', ts'aclinawon bael —la yut.

San Juan 1:44

Te Felipe ja' slumal te Betsaida. Ja' slumal uuc te Andrés soc te Pedroe.

San Juan 1:45

Te Felipe la sta sba soc te Natanaele, jich la yalbey: —La jtatiquix te mach'a ts'ibubil jilel sc'oplal yu'un Moisés ta sjunal mandalil soc te ts'ibubil jilel sc'oplal yu'un te j'alwanejetique. Ja' te Jesús te snich'an José te talem ta lum Nazarete —xi'.

San Juan 1:46

Te Natanaele jich la yal: —¿Yu'un bal ay bila lec ya xloc' tel ta Nazaret? —xi'. Jich la yal te Felipee: —Ya xba quiltic awil jiche —la yut.

San Juan 1:48

La yal te Natanaele: —¿Bit'il la ana'bon jba? —xi'. La yal te Jesuse: —Quilojatix a te ma to bay yic'ojat tel a te Felipee. Ja' la quilat ta bay yanil te higo-te'e —xi'.

San Juan 12:5

—¿Bi yu'un ma la yich' chonel in perfume to? Ya xloc' jo'lajunwinic (300) denario-taq'uin stojol te jichuque, yu'un ya yich' coltayel a te me'baetique —xi'.