San Juan 6:6 - Bible in Tzeltal de Oxchuc y Tenejapa

⁶ Te bit'il jich la yal te Jesuse, swenta yu'un ya yaiybey yo'tan te Felipee, melel sna'oj stuquel te bila ya spase.

Nuevo Testamento Tzeltal de Amatenango

⁶ Te tutꞌil jich a yal te Jesuse, yuꞌun ya yaꞌi tut xchi te jFelipee, porke te Jesuse snaꞌoj lek te tut ya xba spase.

Bible in Tzeltal Bachajón

⁶ Pero hich la yal yu'un ya ya'iybe yo'tan, como sna'oj stuquel te bin ya x'och spase.

San Juan 6:6 ပူးပေါင်းရင်းမြစ်များ

Génesis 22:1

Ta patil Dios la spas ta prueba Abraham teme jun yo'tan ta stojole. La yalbey: —Abraham —xi'. La sjac' te Abraham: —Li' ayon to, Cajwal —xi'.

2 Crónicas 32:31

Jich c'ot ta pasel te c'alal la sticun tel abatetic te ajwaliletic yu'un Babilonia ta swenta yula'tayel, soc tal sjojc'oyic yaiy te jchajp at'elil te c'ot ta pasel ta nación yu'une. Te Ezequías ijq'uitayot yu'un Dios ta swenta prueba ta stojol, yu'un jich ya xna'bot a te yo'tane.

2 Corintios 13:5

Te ja'exe aiya me awaiyic ta awo'tanic teme ay xch'uunjel awo'tanique. Tsajtaya me awaiy abaic ta lec. ¿Ma bal yacuc ana'ic te ay ta awo'tanic te Jesucristoe?, teme ma tojoluc awalojic te ach'uunejique.

Deuteronomio 13:3

ma me x'awich'beyic ta muc' te sc'ope. Melel te Cajwaltic te Dios cu'untique ya sc'an ya spasex ta prueba, yu'un ya sc'an ya yil teme mero c'ux ta awo'tanic ta mero spisil awo'tanic soc ta mero spisil acuxlejalique.

Deuteronomio 33:8

Sc'oplal Leví jich la yal: —Cajwal, ja'at awu'un te Tumim soc te Urim; awu'un, soc yu'un uuc te mach'a jun yo'tan ta atojole. Ja' te la awac'bey prueba ta Masah, ja' te la awut aba soc ta ja'etic yu'un Meriba.

Deuteronomio 8:16

Ta muc'ul jochol taquin q'uinal la smac'linex ta maná, ni ja'uc te antiguo jme'-jtatic la yilique. Jich la spasbeyex ta atojolic yu'un apejc'anelic soc yu'un atsaojibalic, ta swenta awutsil-alequilic c'ot ta loq'uel.

Deuteronomio 8:2

Na'ulayaic ta spisil te cha'winic (40) ja'wil la yaq'uex ta beel ta muc'ul jochol taquin q'uinal te Cajwaltic te Dios cu'untique. Te bit'il jich la spasbeyexe, yu'un me la yac'beyex apejc'an abaic ta stojol swenta prueba, swenta yu'un jich me ya sna'beyex awo'tanic a teme ya ach'uunbeyic, o ma ba ya ach'uunbeyic te mandaliletic yu'une.

Apocalipsis 2:2

Jo'on quilojbat spisil te awat'ele. Quiloj te bit'il tulan ya x'at'ejate, soc te ts'ijq'uem awu'un te awocole. Soc jna'oj stojol te ma xju' awu'un ts'iquel te mach'atic amen yo'tanique, soc la apasix ta prueba te mach'atic scuyoj sbaic ta jpuc-c'opetique, ja'uc me to, ma ja'uquic, soc ataojbeyix slotic.