San Juan 6:40 - Bible in Tzeltal de Oxchuc y Tenejapa

⁴⁰ Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.

Nuevo Testamento Tzeltal de Amatenango

⁴⁰ Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

Bible in Tzeltal Bachajón

⁴⁰ Hich ay te bin ya sc'an yo'tan te mach'a la sticonon tal: ha te ayuc scuxlejal sbahtel q'uinal spisil te mach'a ya yil te Nich'anil soc ya sch'uhun; soc ya jcha'cuxajtes ta slajibal c'ahc'al, xchi.

San Juan 6:40 ပူးပေါင်းရင်းမြစ်များ

Isaías 52:10

Te Cajwaltic la yaq'uix ta ilel te yu'el ta sit spisilic te nacionetique. Spisil ants-winiquetic ta spamal balumilal ya me sna'ic te la scoltayotiquix te Dios cu'untique.

Isaías 53:2

Te Cajwaltic la sc'an yo'tan te jichuc ya xmuc'ub yabat te bit'il unin te' te wocol ya xme'in bael yisim ta bay taquin q'uinal. Ma t'ujbiluc, ma'yuc yutsil, ma'yuc ta mulanel, ni jtebuc;

Números 21:9

Te Moisés la spasbey sloc'omba chan ta bronce, la sjojc'an ta te'. C'alal ay mach'a ti'bilix yu'un a te chane, la stoy moel sit ta yilel te sloc'omba chan pasbil ta bronce, jich a col.

San Mateo 10:15

Jamal ya calbeyex, ya me sta yorail yu'un Dios te ya yilbey te yat'elique. C'ax jich castigo ya x'ac'bot yich' stuquelic a te bit'il castigo la yich' te lum Sodoma soc te lum Gomorrae.,

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

San Marcos 16:16

Te mach'a ya xch'uune soc teme ya yich' ja'e, ya me xcol. Yan te mach'a ma xch'uune, ya me x'ac'ot ta lajel sbajt'el q'uinal.

San Lucas 2:30

La quilix ta jsit te bit'il ay te jcolel awu'une,

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

San Juan 10:28

Jo'on ya cac'bey xcuxlejal sbajt'el q'uinal, soc xujt' ma xch'ayic sbajt'el q'uinal. Ma'yuc mach'a ya spojbon loq'uel ta jc'ab.

San Juan 11:24

La yal te Martae: —Jich. Ya jna' te ya xcha'cux tel ta slajibal c'aal te c'alal ya sta yorail cha'cuxel —xi'.

San Juan 11:25

Te Jesús la yalbey: —Jo'on cha'cuxelon soc jo'on cuxlejalon. Ja' te mach'a ya xch'uunone, teme ya xlaje, ya me xcha'cux tel.

San Juan 12:45

Te mach'a yilojonixe, ja' yilojix a te Mach'a la sticunon tele.

San Juan 12:50

Jna'oj stojol te ya yac' cuxinel sbajt'el q'uinal te smandal te Jtate. Jich yu'un te bila ya cale, ja' ya cal te bila yalojbon te Jtate —xi' te Jesuse.

San Juan 14:17

ja' bi, ja' te Espíritu te ya yac' ta na'el te smelelil c'ope. Jich yu'un te mach'atic ayic ta swenta te balumilale, ma xju' ya yic' ta yo'tanic, yu'un ma chicanuc ya yilic soc ma sna'beyic sba. Yan te ja'exe ya ana'beyic sba, yu'un ya sjoinex soc ya me x'ain ta awo'tanic spisil ora.

San Juan 14:19

Jteb sc'an xch'ayon ta sitic te mach'atic ayic ta balumilale. Yan te ja'exe, ya to awilon xan atuquelic. Melel cuxulon te jo'one, jich me ya xcuxinex uuc te ja'exe.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Juan 3:36

Te mach'a ya xch'uun te Nich'anile, ya me xcuxin sbajt'el q'uinal. Te mach'a ma sc'an xch'uun te Nich'anile, ma xyil te cuxinele. Ja' nax quechel yilimba Dios ta stojolic.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

San Juan 5:24

“Jamal ya calbeyex, ja' te mach'a ya yaiybon stojol te jc'ope, soc teme ya xch'uun te mach'a la sticunon tele, ya me xcuxin sbajt'el q'uinal. Ma ba ya x'ac'ot ta castigo, jich ma'yuquix ta swenta lajel, ayix ta swenta cuxinel.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

San Juan 6:39

Te bila ya sc'an yo'tan te Jtat te la sticunon tele, ja' te ma ba ya xch'ay cu'un jtuluc te jayeb mach'a yac'ojbonix ta jwentae, soc ya me jcha'cuxes tel ta slajibal c'aal.

San Juan 6:44

Ma'yuc mach'a ya xtal jtuluc ta jtojol te manchuc ja'uc ya yic' tel te Jtat te ticunbilon tel yu'une, soc ya me jcha'cuxes tel ta slajibal c'aal.

San Juan 6:54

Te mach'a ya swe'bon te jbaq'uetale soc teme ya yuch'bon te jch'ich'ele, ya me xcuxin sbajt'el q'uinal, soc ya me jcha'cuxes tel ta slajibal c'aal.

San Juan 8:56

Te namey q'uinal jtatic Abrahame bin nax sbujts' yo'tan yu'un te la sta yorail te talon ta balumilale. La yil te bit'il talone, jich bayal bujts'naj yo'tan yu'un —xi'.

Romanos 5:21

Jich bit'il ay yu'el ta yaq'uel lajel te mulile, ja' nanix jich te yutsil yo'tan te Diose ay yu'el ta yaq'uel ta libre yu'un mulil soc ta yaq'uel cuxinel sbajt'el q'uinal ta swenta te Cajwaltic Jesucristoe.

Romanos 6:23

Melel te stojol te mulile, ja' te lajele. Yan te majt'anil yu'un te Diose ja' te cuxlejal sbajt'el q'uinal ta swenta te jun c'oemotic soc Cristo Jesús te Cajwaltique.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

Hebreos 11:1

Te bit'il ay xch'uunjel co'tantique jich jc'axel ay ta co'tantic te ya xc'ot ta pasel te bila yacotic ta smaliyele, soc jc'axel ay ta co'tantic manchuc teme ma chicanuc ta ilel ya quiltique.

Hebreos 11:27

Ta swenta xch'uunjel yo'tan la yijq'uitay jilel te sq'uinal Egiptoe. Ma ba xiw yo'tan yu'un te yilimba te muc' ajwalile, melel ja' smuc'ulinej yo'tan te Dios te yac ta yilel ta site, manchuc teme ma chicanuc ta ilele.

1 Pedro 1:8

Te ja'exe c'ux ta awo'tanic te Jesucristoe, manchuc teme ma ba awilojbeyic sit. Soc manchuc teme ma ba ya awilic ta asitic ta ora to, ja'uc me to, jun nax awo'tan ach'uunejic. Jich jelawen nax yutsil sbujts' awo'tanic ya awaiyic yu'un ta c'axem to xan te ma xju' ta alel sc'oplale.

1 Juan 2:25

Soc yalojix te Jesucristo te ya yac' cuxinucotic sbajt'el q'uinale.

Judas 1:21

Jc'axel ac'a abaic ta bay xc'uxul yo'tan te Diose. Soc maliyaic te bi c'aalil ya xc'uxtayotic te ya yac'botic jcuxlejaltic sbajt'el q'uinal ta jpisiltic te Cajwaltic Jesucristoe.