San Juan 6:39 - Bible in Tzeltal de Oxchuc y Tenejapa

³⁹ Te bila ya sc'an yo'tan te Jtat te la sticunon tele, ja' te ma ba ya xch'ay cu'un jtuluc te jayeb mach'a yac'ojbonix ta jwentae, soc ya me jcha'cuxes tel ta slajibal c'aal.

Nuevo Testamento Tzeltal de Amatenango

³⁹ Jaꞌ te sboluntar te Machꞌa la stikonon tale te spisil te machꞌa ya yaꞌbone ni jtuluk ya xchꞌay kuꞌun, sok ya me jchaꞌkuses tal ta slajibal kꞌaal.

Bible in Tzeltal Bachajón

³⁹ Te bin ya sc'an yo'tan te Jtat te la sticonon tal, ha te spisil mach'a ya ya'bon ta jcuenta ma me xch'ay cu'un jtuhluc, ha ya jcha'cuxajtes ta slajibal c'ahc'al.

San Juan 6:39 ပူးပေါင်းရင်းမြစ်များ

San Juan 17:12

Te c'alal joinej to ta balumilal a, la jcanantay ta swenta awu'el te mach'atic la awac'bon ta jwentae. Spisil la jcanantay, jtul ma ch'ay cu'un. Ja' nax ch'ay stuquel te mach'a ay nanix ta swenta te ch'ayele, swenta yu'un jich ya xc'ot ta pasel te bila ts'ibubil jilele.

San Juan 6:40

Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.

San Juan 18:9

Jich c'ot ta pasel te bila la yal te Jesuse: “Te mach'atic la awac'bon ta jwentae, jtul ma ch'ay cu'un”, te xie.

San Juan 6:54

Te mach'a ya swe'bon te jbaq'uetale soc teme ya yuch'bon te jch'ich'ele, ya me xcuxin sbajt'el q'uinal, soc ya me jcha'cuxes tel ta slajibal c'aal.

San Juan 6:44

Ma'yuc mach'a ya xtal jtuluc ta jtojol te manchuc ja'uc ya yic' tel te Jtat te ticunbilon tel yu'une, soc ya me jcha'cuxes tel ta slajibal c'aal.

San Juan 6:37

Spisil mach'a ya yac'bon te Jtate ya xtal ta jtojol. Te mach'a ya xtal ta jtojole ma ba jch'oj loq'uel.

Judas 1:1

Jo'on Judason te abaton yu'un te Jesucristoe, soc ja' jbanquil te Jacoboe. Ya jpatbeyex awo'tanic ja'ex te ic'bilex yu'un te Jtatic Diose, soc te ch'ultesbilex yu'une, soc te canantaybilex yu'un te Jesucristoe.

Romanos 8:11

Soc teme nainem ta awo'tanic te Espíritu te la xcha'cuxes tel ta bay animaetic te Cristo Jesuse, ja' nanix jich te abaq'uetalic te ya xlaje, ya xcuxin ta swenta te Espíritu te nainem ta awo'tanique.

San Lucas 12:32

“Ma me xiwex ja'ex te chijex cu'un te ma tsoboluquexe. Melel te Jtatique bin nax yo'tan ya yaq'uex tey a ta banti ay ta ajwalinel te Diose.

San Mateo 18:14

Ja' nanix jich ma sc'an yo'tan te Jtatic te ay ta ch'ulchan teme ya xch'ay jtuluc in to te mach'a peq'uel ayique.

1 Pedro 1:5

Ya me scanantayex ta yu'el te Diose ta swenta xch'uunjel awo'tanic, swenta yu'un jich me ya ataic te bila chajbanbil te ya yac'beyex awich'ic ta slajibal c'aale.

San Juan 12:48

Te mach'a ya sp'ajone, soc teme ma xyich' ta muc' te jc'ope, ay mach'a ya x'ac'ot ta castigo yu'un. Ja' te jc'op ya cale, ja' ya x'ac'ot ta castigo yu'un ta slajibal c'aal.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

San Juan 5:28

Ma me jchajbuc q'uinal ya awaiyic yu'un. Melel ya me sta yorail te mach'atic ayic ta muquenaletic ya me yaiybonic stojol te jc'ope,

1 Samuel 25:29

Teme ay mach'a ya snutsat, yu'un ya sc'an ya smilate, ja' me swentainejbat acuxlejal te Cajwaltic Dios awu'une. Jich nix te acontro, ja' ni me te Cajwaltic te ya xch'oj bael ta jc'axele, jich te bit'il ya yich' ch'ojel bael ton ta jimoch'ile.

Jeremías 23:4

Ya cac'bey jcanantaywanej yu'un te ya scanantayic ta lec, swenta yu'un ma me ayuc xiwel ya yaiyic, ni ma me xch'ay jcojt'uc. Jo'on Ajwalilon, jich ya cal —xi'.

San Mateo 10:15

Jamal ya calbeyex, ya me sta yorail yu'un Dios te ya yilbey te yat'elique. C'ax jich castigo ya x'ac'bot yich' stuquelic a te bit'il castigo la yich' te lum Sodoma soc te lum Gomorrae.,

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Juan 17:6

“La caq'uix sna'bat aba te jayeb mach'atic tsabil awu'un ta balumilal te la awac'bon ta jc'abe. Ja'at awu'un ta neelal, ja'uc me to, la awac'bonix ta jc'ab soc ayix ta yo'tanic te ac'ope.

San Juan 17:9

“Ya calbat wocol yu'unic. Ma ja'uc ya calbat wocol yu'un te mach'atic yu'un te balumilale, ja' nax stuquel te mach'atic la awac'bon ta jc'abe, melel ja' awu'un stuquelic.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

1 Corintios 6:14

Te Diose la xcha'cuxes tel te Cajwaltique, ja' nix jich te jo'otique, ya me xcha'cuxesotic ta yu'el.

Santiago 5:15

Teme ay xch'uunjel yo'tanic te c'alal ya sc'oponic te Diose, jich me ya xcol te jchamele. Ya me xjajch'esot yu'un te Cajwaltique, soc teme ay staoj smule ya me spasbot perdón yu'un.