San Juan 6:27 - Bible in Tzeltal de Oxchuc y Tenejapa

²⁷ Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

Nuevo Testamento Tzeltal de Amatenango

²⁷ Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

Bible in Tzeltal Bachajón

²⁷ Ma me x'a'tejex yu'un te we'elil te ya xlaj, a'tejanic me yu'un te we'elil te ya yac' cuxlejal sbahtel q'uinal, ha te ya ya'beyex te Nich'anil ay ta scuenta winic, como la yac' ta ilel te Dios Tatil te ha lec yo'tan yu'un, xchi.

San Juan 6:27 ပူးပေါင်းရင်းမြစ်များ

Salmos 2:7

Ya me jpuc ta alel ta bayuc te bila snopoj ta jtojol te Cajwaltique te la yalbonix: “Ja'at jnich'anat; nax to nax la jnich'nantayat.

Salmos 40:7

Ja' yu'un jich la cal: “Li' ayon to, jich nix te bit'il ya yalbon jc'oplal te june.

Proverbios 9:5

“La', we'bonic te we'elil cu'un, soc la', uch'anic te vino chapal cu'une.

Eclesiastés 6:7

Te ants-winique puro at'el nax ay yu'un ya sta swe'el, pero ma'yuc bi ora ya xnoj xch'ujt' yu'un.

Isaías 42:1

“Li' ay te cabat, te mach'a ya jwentain, ja' te tsabil cu'une, te mach'a bin nax co'tan yu'une. Cac'ojbey ta stojol te espíritu cu'un swenta yu'un ya me yich' tel te stojil ta chajbanel ta spisil te nacionetique.

Isaías 55:2

¿Bistuc ya alajin ataq'uinic yu'un teme ma we'eliluque? ¿Bistuc ya alajin aganaric yu'un teme ma ja'uc te bila ya xnoj ach'ujt'ic yu'une? Aiybon awaiyic stojol ta lec, jich me ya awe'elinic lequil we'eliletic, ya me awe'elinic bitic bujts'anic.

Jeremías 15:16

C'alal la ac'oponon, la jwe'elinbat te ac'ope; jamal q'uinal la caiy yu'un soc bin nax co'tan yu'un, melel jo'on awu'uninejon, Cajwal, te Diosat te Spisil ya xju' awu'une.

Habacuc 2:13

Te Cajwaltic te Spisil ya xju' yu'une ya me spasbat te ma'yuc yutsil ya xc'ot te awat'el soc te awocole; melel ta spisil te awat'ele ya me yich'ic lajinel ta c'ajc'.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

San Mateo 3:17

Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

San Mateo 6:19

“Ma me x'atsob ac'ulejalic ta balumilal te banti ya xlaj ta joch' soc ta tsa'ec', soc ta banti ya stob na j'eleq'uetic.

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

San Marcos 1:11

Soc ay mach'a c'opoj tel ta ch'ulchan te jich la yale: —Ja'at Jnich'anat te bayal c'uxat ta co'tane. Bin nax co'tan awu'un —xi'.

San Marcos 9:7

Talic ta axintesel yu'un te tocale. Ay mach'a c'opoj tel ta yolil te tocale: —Ja' in to, ja' te Jnich'an te bayal c'ux ta co'tane. Aiybeya awaiyic stojol sc'op stuquel —xi'.

San Lucas 3:22

Jich coj tel ta stojol Jesús te Ch'ul Espiritue. Chican ta ilel, melel jich bit'il stsumut te jul ta stojole. Soc la yaiyic stojol te ay mach'a c'opoj tel ta ch'ulchan te jich la yale: “Ja'at Jnich'anat te bayal c'uxat ta co'tan. Bin nax co'tan awu'une”, te xie.

San Lucas 9:35

Ay mach'a c'opoj tel ta yolil tocal: —Ja' in to, ja' te Jnich'an te tsabil cu'une. Aiybeya awaiyic stojol sc'op stuquel —xi'.

San Juan 10:28

Jo'on ya cac'bey xcuxlejal sbajt'el q'uinal, soc xujt' ma xch'ayic sbajt'el q'uinal. Ma'yuc mach'a ya spojbon loq'uel ta jc'ab.

San Juan 11:42

Jna'oj stojol te spisil ora ya awaiybon stojol te jc'ope. Ja'uc me to, ya cal ta scaj te bayal mach'atic sepoj sbaic li'to, yu'un jich me ya xch'uunic te ja'at la aticunon tele —xi'.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 15:24

Te manchuc la jpasbey yilic at'eliletic te ma'yuc mach'a ju'em yu'un spasele, ma'yuc smulic te jichuque. Ta ora to la yiliquix te bila la jpase. Ja' ya yilayonic yu'un, soc ya yilayic uuc te Jtate.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Juan 3:15

swenta yu'un spisil te mach'a ya xch'uune, ma xch'ay. Ya xcuxin sbajt'el q'uinal —xi' te Jesuse.

San Juan 3:33

Yan teme ay mach'a ya xch'uune, ya yac' ta na'el te bit'il melel te bila ya yal te Diose.

San Juan 6:40

Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.

San Juan 6:47

Jamal ya calbeyex, te mach'atic ya xch'uunonique ya me xcuxinic sbajt'el q'uinal.

San Juan 6:51

Jo'on te waj te cuxule te coemon tel ta ch'ulchane. Te mach'a ya swe' in waj to, ya me xcuxin sbajt'el q'uinal. Te waj te ya caq'ue, ja' te jbaq'uetale, ya me cac' ta lajel swenta yu'un jich me ay xcuxlejalic ta balumilal —xi' te Jesuse.

San Juan 6:53

Te Jesús jich la yalbey yaiyic: —Jamal ya calbeyex, teme ma ba ya awe'beyic sbaq'uetal te Nich'anile soc teme ma ba ya awuch'beyic te xch'ich'ele, ma ba ya xcuxinex.

San Juan 6:54

Te mach'a ya swe'bon te jbaq'uetale soc teme ya yuch'bon te jch'ich'ele, ya me xcuxin sbajt'el q'uinal, soc ya me jcha'cuxes tel ta slajibal c'aal.

San Juan 6:58

Ja' ya calbey sc'oplal te waj coem tel ta ch'ulchane. In waj to, ma pajaluc soc te maná-waj la swe'ic te namey q'uinal me'il-tatiletic te lajic baele. Te mach'a ya swe' in waj to, ya me xcuxinic sbajt'el q'uinal —xi' te Jesuse.

San Juan 6:62

¿Jaxan teme ya awilic ya xmo bael ta banti ay ta neelal te Nich'anile?

San Juan 6:68

Te Simón Pedro la yal: —Cajwal, ¿mach'a yan ya xbootic ta stojol? Melel ja'at nax atuquel te ay cuxinel sbajt'el q'uinal ta swenta te ac'ope.

San Juan 8:18

Jich te jo'one ja' testigo ayon, soc ja' yan testigo cu'un te Jtat te la sticunon tele —xi' te Jesuse.

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

Hechos 2:22

“Te ja'exe, jlumal israeletic, aiya me awaiyic stojol te bila ya calbeyexe. Te Jesús te Nazarete, chican la awilic te lec sc'oplal yu'un te Diose, melel ja' ta swenta te la spas jchajp at'eliletic soc señailetic ta awolilic te Diose, jich bit'il te ana'ojic stojol ta mero melele.

Romanos 4:11

La yich' te circuncisión ta swenta seña soc ja' sello yu'un te bit'il toj ilotix yu'un Dios ta swenta nax xch'uunjel yo'tan, te c'alal ma to ba yich'oj a te circuncisione. Ja' swentail te ja' tatil yu'un spisil te mach'atic xch'uunejic Dios te ma ba yich'ojic circuncisione. Jich yu'un te mach'atic ya yac' xch'uunjel yo'tanique, toj ya x'ilotic yu'un te Diose.

Romanos 6:23

Melel te stojol te mulile, ja' te lajele. Yan te majt'anil yu'un te Diose ja' te cuxlejal sbajt'el q'uinal ta swenta te jun c'oemotic soc Cristo Jesús te Cajwaltique.

1 Corintios 6:13

Jich nix ay xan ta alel: “Te we'elile, ja' ta swenta te jch'ujt'ique; in te jch'ujt'ique, ja' swenta te we'elile”, xi'. Ja'uc me to, ya me slajinbey sc'oplal ta xchebal te Diose. Yan te jbaq'uetaltique ma swentauc yalel ta mulil; melel te jbaq'uetaltique, ja' yu'un te Cajwaltique.

1 Corintios 9:2

Manchuc me ma jpuc-c'opucon ta sc'opic te yantique, yan te ja'exe, ana'ojic stojol ta lec te quich'oj cat'el ta jpuc-c'ope, melel te sello yu'un cat'el ta jpuc-c'ope, ja'ex ta swenta te Cajwaltique.

2 Corintios 4:18

Ma me ja'uc baem ta co'tantic te bila chican ta ilel ya quiltique, ja'uc me te bila ma chicnajuc ta ilele. Melel te bila chican ta ilele, jc'axel nax ay stuquel. Yan te bila ma chicanuc ta ilele, sbajt'el q'uinal ay stuquel.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

Deuteronomio 30:13

Soc ma yu'unuc ayuc ta jejch' mar, te jich ya awalic yu'une: “¿Mach'a ya xju' ya xc'ax bael cu'untic ta jejch' mar, swenta yu'un ya yich'botic tel, yu'un ya jna'beytic sba, soc yu'un ya jpastic bael?” te xaexe.

Filipenses 2:13

Melel yac ta at'el ta awo'tanic te Diose. Ja' me ya yac' ta awo'tanic sna'el te bila lec yo'tan yu'une, soc ya me scoltayex ta spasel.

Colosenses 1:29

Ja' swentail te tulan yacon ta at'el. Ya quiptay spasel ta swenta yu'el Cristo te yac ta at'el ta co'tane.

Colosenses 2:22

Spisil in to, ja' nax nopjibal yu'un te ants-winiquetique soc ja' sc'oplal te bila ya xlaj ta tuuntesel ta orae.

Colosenses 3:2

Ja' me xawil spisil ora te bitic swenta te ch'ulchane, ma me ja'uc te bitic swenta te balumilale.

1 Tesalonicenses 1:3

Ja' ya xjul ta co'tan te bit'il ay xch'uunjel awo'tanic ta stojol te Jtatic Diose, soc te bit'il awac'oj abaic ta abatinel soc te xc'uxul awo'tanique, soc te bit'il jun awo'tan yaquex ta smaliyel te bi ora ya xtal te Cajwaltic Jesucristoe.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

Hebreos 12:16

Ma me ayuc jtuluquex te ya xyalex ta mulile, soc te ma'yuc sc'oplal ta awo'tanic te bila ch'ultesbile, jich bit'il Esaú te ma'yuc sc'oplal ta yo'tan te bit'il ba alale. Melel la sjel ta jun nax buelta swe'el te bendición te sc'oplal ya yich'e.

Hebreos 4:11

Jich yu'un ya sc'an ya cac'tic puersa te ya x'ochotic tey a ta bay te cux-o'tane. Ma me jc'ainbeytic jtuluc te bila la spasic te mach'atic ma la xch'uunbeyic smandal te Diose.

Santiago 1:11

Yu'un te c'alal ya xloc' tel te c'aale soc teme tulan q'uixnaj te q'uinale, ya xtaquej te wamale, soc ya xlubaj coel te sniche. Tey ya xch'ay a te yutsilale. Ja' nanix jich te jc'uleje, jich ya xch'ay bael ta q'uinal soc te bila ya spas ganar ae.

1 Pedro 1:24

Melel jich ts'ibubil jilel ta Sjun te Diose: “Spisil ants-winiquetic jich c'oemic te bit'il wamale; soc spisil te yutsilalique, jich c'oem te bit'il snich te wamale. Te wamale ya xtaquej, jich ya xlubaj te sniche.

2 Pedro 1:17

La quiltic ta sitic te c'alal chicnantesbot yutsilal soc ac'ot ta ich'el ta muc' yu'un te Jtatic Diose. Soc la caiybeytic stojol yutsil sc'op te Diose: “Ja' in to, ja' Jnich'an te bayal c'ux ta co'tan te bin nax co'tan yu'une”, te xie.