San Juan 6:26 - Bible in Tzeltal de Oxchuc y Tenejapa

²⁶ Te Jesús la yalbey: —Jamal ya calbeyex, ja' nax ya aleonic yu'un te bit'il noj ach'ujt'ic yu'un te waj la awe'ique. Ma ja'uc ya aleonic yu'un te la awilic te jayeb señail cu'el la jpase.

Nuevo Testamento Tzeltal de Amatenango

²⁶ Te Jesuse la yaltalanbe: —Jamal ya kalbeyex, jaꞌ nax ya aleikon porke lom lek aweꞌex asta toj lek a noj achꞌujtik. Ma jaꞌuk ya aleikon yuꞌun te la awilik te seña milagroetik te la jpase.

Bible in Tzeltal Bachajón

²⁶ La sjac' te Jesús: Tulan sc'oblal ya calbeyex, ma ha'uc yac alehonic yu'un te la awilic te señahiletic, ha nax yac alehonic yu'un te la awe'ic te pan te noj ach'uhtic yu'un.

San Juan 6:26 ပူးပေါင်းရင်းမြစ်များ

Salmos 78:37

Melel ma'yuc bi ora spisil yo'tanic la yac' sbaic ta stojol; soc ni junuc yo'tanic ta xch'uunel te trato chapal yu'une.

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

San Juan 3:3

Te Jesús jich la yalbey: —Jamal ya calbat, ja' te mach'a ma xcha'ayin xan, ma xju' ya yil te bit'il ay ta ajwalinel te Diose —xi'.

San Juan 3:5

Te Jesús jich la yal: —Jamal ya calbat, ja' te mach'a ma x'ayin ta swenta ja' soc ta swenta Espíritu, ma xju' ya x'och tey a ta banti ay ta ajwalinel te Diose.

San Juan 6:14

Te c'alal la yilic te ants-winiquetic te seña yu'el Jesús te la spase, jich la yalic yu'un: —Ja'ix ta melel te j'alwanej yu'un Dios te caiyojtic stojol te ya xtal ta balumilale —xiic.

San Juan 6:15

Te bit'il la sna' stojol Jesús te puersa ya yotsesic ta muc' ajwalil ta sc'opique, jich cha'bajt' xan ta wits stuquel.

San Juan 6:2

Bayal ants-winiquetic la sts'aclinic bael te Jesuse, yu'un la yilic te señailetic la spasbey ta stojol te jchameletique.

San Juan 6:24

Te c'alal la yilic te ma ba tey a te Jesuse, ni ja'uc te jnopojeletic yu'une, jich ochic bael a te barcoetique. Ba sleic ta Capernaúm te Jesuse.

San Juan 6:30

La yalic: —¿Bi señailuc ya apas quiltic swenta yu'un jich me ya jch'uunticat? ¿Bila at'elil ya apas jiche?

San Juan 6:36

Ja'uc me to, ya calbeyex te ma x'ac'an ach'uunonic manchuc teme ya awilonique.

San Juan 6:47

Jamal ya calbeyex, te mach'atic ya xch'uunonique ya me xcuxinic sbajt'el q'uinal.

San Juan 6:53

Te Jesús jich la yalbey yaiyic: —Jamal ya calbeyex, teme ma ba ya awe'beyic sbaq'uetal te Nich'anile soc teme ma ba ya awuch'beyic te xch'ich'ele, ma ba ya xcuxinex.

San Juan 6:64

Ja'uc me to, ay cha'oxtulex ma x'ac'anic te ya ach'uunique —xi'. Yu'un ta xjajch'ibal to sna'oj te Jesuse te mach'atic ma xch'uunot yu'une soc te mach'a ya x'ac'ot ta c'abal yu'une.

Romanos 16:18

Melel te mach'atic jich yo'tanique, ma ja'uc yac'oj sbaic ta abatinel yu'un te Cajwaltic Jesucristoe. Ja' nax baem ta yo'tanic sleel te sbaal xch'ujt'ique. Bin nax yutsil ya xc'opojic, soc xcholchon nax yu'unic ta alel. Jich ya slo'laybey yo'tanic a te mach'atic ma sna'ic stsajtayel te aiyeje.

Filipenses 2:21

Yan te yantique spisilic baem nax yo'tanic ta sleel te bila ya sc'an yo'tan stuquelique. Xujt' ma'yuc sc'oplal ta yo'tanic te bila ya sc'an yo'tan te Cristo Jesuse.

Filipenses 3:19

Te c'alal ya xlajique, ch'ayel me ya xbajt'ic. Melel ja' dios yu'unic te sbaal xch'ujt'ique, soc ja' yutsilal ya yaiyic te bila swenta q'uexlale, soc ja' baem ta yo'tanic te bitic swenta nax te balumilale.

1 Timoteo 6:5

Soc ya yut sbaic yu'un te bit'il boloben yo'tanique, yu'un ch'ayix ta yo'tanic te smelelil c'ope. Ja' nax ya sc'an ya sta sc'ulejalic a te bila xch'uunejique. Ma me xajoin aba soc te mach'atic jich yo'tanique.