San Juan 6:11 - Bible in Tzeltal de Oxchuc y Tenejapa

¹¹ Te Jesús la stsac ta sc'ab te waje. La yalbey wocol Dios yu'un soc la spucbey te jnopojeletique, jich ba spucbeyic spisil te mach'atic najc'ajtique. Soc jich nix la spuquic uuc te ch'in chayetique, chican te jich yipal ju' yu'unic swe'ele.

Nuevo Testamento Tzeltal de Amatenango

¹¹ Te Jesuse la yichꞌ ta skꞌab te waje, sok la yalbe kola yal Dios yuꞌun. Patil la yaꞌbe te jnopojeletik yuꞌune, y la spukbeyik te machꞌatik te nakajtik ae. Y jich mismo spas sok te chaye, la yaꞌbe spisil te machꞌatik la skꞌanike.

Bible in Tzeltal Bachajón

¹¹ Te Jesús la stsac te pan, la sc'opon Dios yu'un soc la spucticlambe te mach'atic huhcajtique. Ha nix hich la spas soc te chay, la yac'ticlambe ha chican ban c'alal la sc'anic.

San Juan 6:11 ပူးပေါင်းရင်းမြစ်များ

San Mateo 15:36

La stsac te jucpejch' waje soc te chayetique, soc la yalbey wocol Dios yu'un. La xet', soc la yac'bey te jnopojeletique. Ja'ic ba spucbeyic te ants-winiquetique.

San Lucas 24:30

Te c'alal nacalic ta mesa soc, la stsac ta sc'ab te waje. La yalbey wocol Dios yu'un, soc la xet', soc la spucbey.

San Juan 21:10

La yal te Jesuse: —Ich'aic tel cha'ox cojt'uc te chay atsacbelic toe —xi'.

San Juan 21:13

Noptsaj bael ta c'ajc' te Jesuse. La stsac ta sc'ab te waje. La yac'bey ta sc'abic te jnopojeletique, soc uuc te chaye.

San Juan 21:9

C'alal coic ta lumq'uinal, la yilic ch'amal c'ajc' tey a, soc cajal ta ac'al cojt' chay. Soc ay waj tey a.

San Juan 6:23

Jich ora tal yantic barcoetic te talic ta lum Tiberias. Julic ta loq'uel ta bay nopol la swe'ic waj te la yalbey wocol Dios yu'un te Cajwaltique.

San Juan 6:9

—Ay ch'in querem li'to te yich'oj jo'pejch' cebada-waj soc cha'cojt' ch'in chay. Ja'uc me to, ¿banti c'an ts'acajuc a te bayalique? —xi'.

Hechos 27:35

Lajel to yo'tan ta c'op a te Pabloe, la stsac te waje. La yalbey wocol Dios yu'un ta comonsitil. La xet', och swe'.

Romanos 14:6

Te mach'a ay jun c'aal stsaoje, ja' ya yich' ta muc' a te Cajwaltique. Ja' nix jich te mach'a ma stsa te c'aale, jich ya spas yu'un te ya yich' ta muc' a te Cajwaltique. Ja' nanix jich te mach'a spisil ya stuuntes te we'elile. Ja' ta swenta Cajwaltic te ya swe'eline, melel tey ya yalbey wocol a te Diose. Te mach'a ma spisiluc ya stuuntese, ja' nix jich ta swenta Cajwaltic te ma spisiluc ya swe'eline, soc ja' nix jich ya yalbey wocol Dios yu'un uuc.

1 Corintios 10:31

Jich yu'un ya calbeyex: Spisil te bila ya atuuntesic, soc te bila ya awuch'ique, soc spisil te bila ya apasique, ja'uc me lec sc'oplal ya xc'ot awu'unic a te Diose.

1 Tesalonicenses 5:18

Albeyaic wocol Dios yu'un te bila ya xc'ot ta awentaique, melel ja' sc'anjel yo'tan Dios ta atojolic ta swenta te Cristo Jesuse.

1 Samuel 9:13

Te c'alal ya xc'oex tey a, leaic me ta ora, melel ya me xbajt' ta toyol ch'uunjibal te banti ya x'ain we'ele. Ma'yuc mach'a ya xwe' ja' to teme c'ot stuquele, melel ja' to ya xc'ot sc'anbey bendición stuquel te milbil smajt'an Dios. Patil ya me xwe'iquix te jayeb mach'a ic'bilic tele. Ja' yu'un baanic me jiche, tey to ya xc'o ataic a ta ora in to —xi' sc'oplalic.