San Juan 5:4 - Bible in Tzeltal de Oxchuc y Tenejapa

⁴ yu'un ay ch'ul abat ya xco tel ya xtal stij te ja'e. Te c'alal nax ya xtijot te ja'e, te mach'a neel ya yotses sba ta ja'e ya xcol ta chamel, biluc chameliluc te yich'oje.]

Nuevo Testamento Tzeltal de Amatenango

⁴ porke ay jtul chꞌul ángel ya xkoj tal sok ya stijulan jilel te jaꞌ te ba ay te estankee. Y te machꞌa primero ya xꞌoch te kꞌalal ya xtal tijek jilel te jaꞌe, ya xlekub jilel tutikuk chamelil te yichꞌoje.

Bible in Tzeltal Bachajón

⁴ como ay ch'ul a'bat te ya xco tal ta jujun yorahil ta yawil ha' soc ya syuc' te ha'e. Te mach'a nahil ya x'och ta yawil ha' te c'alal yuc'bilix a te ha'e, ya xlecub yu'un biluc chamelil te yich'oje.

San Juan 5:4 ပူးပေါင်းရင်းမြစ်များ

2 Reyes 5:10

Pero te Eliseo la sticun ta alel yu'un yabat: —Baan, poca aba juqueb buelta ta muc'ja' Jordán. Jich te abaq'uetale ya me xlecub —la yut.

Salmos 119:60

Cac'ojix puersa, ma ba ya xch'ajubon ta spasel te mandaliletic awu'une.

Proverbios 6:4

Ma me xway awo'tan, ma me xacux awo'tan ni jtebuc;

Proverbios 8:17

Jo'on c'ux ta co'tan te mach'a c'uxon ta yo'tane, te mach'atic ya sleonic ya me staonic.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Ezequiel 47:8

C'opoj xan te winique, jich la yalbon: —Te ja'e ya xbeen bael ta q'uinal ta stojol sloq'uib c'aal. Ya me xc'oic bael ta sti'il Jordán, tey me ya x'oquin ochel ta Mar Muerto. Teme c'ot tey ae, te ya'lel mar ya me xlecub yu'un.

Oseas 13:13

Te Israel c'otix yorail te ya x'ayin c'oeme. Ja'uc me to, ja' te nich'anil te ma'yuc sp'ijile, te ma sna' bit'il ya yac' sba te bit'il ya x'ayine.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

Zacarías 14:8

Ya me xc'ot ta pasel te ya xloc' ta Jerusalén cuxul ja'. Te ja'e ya me x'oquin ta yorail invierno soc ta yorail verano, olil me ya xbajt' ta stojol Mar Muerto, te yan olile ya me xbajt' ta stojol Mar Mediterráneo.

San Mateo 11:12

“Te c'alal tal te Juan J'ac'-ich'ja'e ja' to ta ora to, jajch' ta controinel yu'un te bit'il ay ta ajwalinel te Dios te ay ta ch'ulchane. In te mach'atic yich'oj sbaic ta muc' soc te yipique, yo'tanuc ya yu'uninic.

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

San Lucas 13:24

—Ac'aic puersa ta ochel bael ta bay tsail nax sjamalul te ti'naile. Ya calbeyex te ay me tsobol mach'atic te patil ya sc'an yo'tanic te ya x'ochic tey a, ja'uc me to, ma xju'ix yu'unic.

San Lucas 16:16

“Te mandalil soc te bila la yalic jilel te j'alwanejetique, ay ta ch'uunel ja' to c'alal tal te Juane. Tey jajch' ta cholel a te lec yach'il c'op te bit'il ay ta ajwalinel te Diose. Spisil ants-winiquetic ya sten sbaic ochel tey a.

San Juan 5:3

Tsobol jchameletic chawajtic tey a ta bay te yaxinale. Ay ma'sitetic soc coxoetic soc te mach'atic chamen xchial yoc-sc'abique. [Yacalic ta smaliyel yilic te ya xcaj stij sba te ja'e,

San Juan 5:5

Ay jtul winic tey a te ayix waxaclajuneb xcha'winic (38) ja'wil te ay ta chamele.

San Juan 5:7

La yal te jchamele: —Tatic, ma'yuc mach'a ay cu'un te ya yotseson ta estanqueil ja' te c'alal ya xcaj stij sba te ja'e. Jujun buelta te ya jc'an ya x'ochone, ay yan mach'a neel ya sten sba ochel ta ora —xi'.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.