San Juan 5:34 - Bible in Tzeltal de Oxchuc y Tenejapa

³⁴ Te jo'one ma yu'unuc ay stuul cu'un jtuquel teme ya yalbon jc'oplal ta testigo-c'op te jtul winique. Ja'uc me to, ja' la calbeyex swenta yu'un jich me ya xcolex.

Nuevo Testamento Tzeltal de Amatenango

³⁴ Pero te joꞌone makꞌ xtuun kuꞌun teme ya yalbon jkꞌoplal ta testigo te gentee. Jaꞌ nax ya kalbeyex to yuꞌun te jaꞌexe jich me ya xkolex.

Bible in Tzeltal Bachajón

³⁴ Ma yu'unuc ya quich' ta cuenta te bin xchi jc'oblal yu'un winiquetic; pero ha ya cal ini scuenta yu'un hich me ya xcolex a.

San Juan 5:34 ပူးပေါင်းရင်းမြစ်များ

San Lucas 13:34

“¡Jerusalén, Jerusalén! C'aemat ta smilel te j'alwanejetic yu'un te Diose soc c'aemat ta xch'ojel ta ton te mach'atic ticunbilic ta c'op yu'une. Bayal buelta te c'an jtsobeyex te awal-anich'nabe, jich bit'il ya stsob yalatac ta yanil xic' te me'mute. Ja'uc me to, ma la ac'anic.

San Lucas 19:10

Melel te Nich'anile tal sle soc tal scoltay te mach'atic ch'ayeme —xi' te Jesuse.

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

San Juan 20:31

Ja' nax la yich' sts'ibuyel sc'oplal in yipal señaetic to, swenta yu'un jich me ya xch'uun awo'tanic te ja' Cristo soc Snich'an Dios te Jesuse, swenta yu'un, teme ya xch'uun awo'tanique, jich me ya xcuxinex ta swenta te Jesuse.

San Juan 5:32

Ja'uc me to, ay yan te mach'a ya yalbon jc'oplal ta testigo-c'ope. Te mach'a ya cale jna'oj stojol te smelelil te ya yalbon jc'oplale.

San Juan 5:41

“Ma ja'uc ay sc'oplal ta co'tan te ya quich' ich'el ta muc' yu'un ants-winiquetique.

San Juan 8:54

La yal te Jesuse: —Teme jo'on ya cac' jba ta ich'el ta muq'ue, xujt' ma'yuc swentail. Ja'uc me to, ja' ya yac'on ta ich'el ta muc' te Jtate, te ja' nix Dios awu'unic ya awalique.

Romanos 10:1

Quermanotac, toyol co'tan ta sc'oponel Dios yu'un te yacuc staic colel te israeletique.

Romanos 10:21

Soc jich la yalbey sc'oplal te israeletique: “Sjunal c'aal bechel jc'ab ta ic'aw ta stojol te lum te jch'ay-mandaletique soc te jcontroinwanejetique, xi' te Diose”, te xie.

Romanos 12:21

Ma me xawac' abaic ta tsalel yu'un te bila amene. Tsalaic me te bila amen ta swenta te bila leque.

Romanos 3:3

Ja'uc me to, ay mach'atic ma junuc yo'tanic ta stojol te Diose. ¿Te bit'il ma junuc yo'tanic, tey bal yanaj yo'tan ta stojolic a te Diose?

1 Corintios 9:22

Teme ay te mach'atic ma'yuc yip yo'tanique, jich ya cac' jba uuc, swenta yu'un jich ya jpas ta ganar a. Jich la cac' jba ta stojolic, swenta yu'un ya xju' ya jcoltay ta xch'uunel a te Cristoe.

1 Timoteo 4:16

Tsajtaya me awo'tan, soc tsajtaya me te bila ya awac' ta nopele. O'tanina me spasel spisil ora. Teme jich ya apase, ya me acoltay aba a te ja'ate, soc ya me acoltay uuc te mach'atic ya yaiybat stojol te ac'ope.

1 Juan 5:9

Teme ya quich'tic ta muc' te testigo-c'op ya yalic te ants-winiquetique, c'axem to xan ya quich'tic ta muc' te testigo-c'op ya yal stuquel te Diose, te melel yalojbeyix sc'oplal ta testigo-c'op te Snich'ane.