San Juan 5:3 - Bible in Tzeltal de Oxchuc y Tenejapa

³ Tsobol jchameletic chawajtic tey a ta bay te yaxinale. Ay ma'sitetic soc coxoetic soc te mach'atic chamen xchial yoc-sc'abique. [Yacalic ta smaliyel yilic te ya xcaj stij sba te ja'e,

Nuevo Testamento Tzeltal de Amatenango

³ sok ay bayal jchameletik te ba yaxinale. Balajtik ta lum ay choketik sok koxoetik sok te machꞌatik sikuben xchial yok-skꞌabike. Yipalix ta smaliyel te ya xlijk stij sba te jaꞌe,

Bible in Tzeltal Bachajón

³ Tey metsajtic tsobol jchameletic a, ts'o'sitetic, coxo'etic soc mach'atic chamen schihalic te yac smahliybelic te ya syuc' sba te ha'e,

San Juan 5:3 ပူးပေါင်းရင်းမြစ်များ

1 Reyes 13:4

Te c'alal la yaiy te muc' ajwalil Jeroboam te bi la yal te j'alwanej yu'un Dios ta scontroinel te scajtijib ta chiq'uel majt'anil ta Betel, tey teq'uel ta xujc' scajtijib a. La sjach sc'ab, c'opoj, jich la yal: —¡Tsacaic! —xi'. Pero te sc'ab la sjach yu'un la yac' ta ilel te j'alwanej yu'un Dios, ma ba la sc'anix cuts'el yu'un, ora te'ub te sc'abe.

Proverbios 8:34

Bin nax me yutsil te ants-winic te ya yaiybon te jc'ope, soc te spisil ora jujun c'aal ya yilon ta sti' te jnae.

Lamentaciones 3:26

Ja' lec ch'abalucotic ta smaliyel te ya scoltayotic te Cajwaltique.

Zacarías 11:17

Ay me swocol cu'un te jcanan te ma xtuune, te ya xch'ay jilel te chijetique. Ac'a yich' ejch'entesel sc'ab ta puñal, soc ac'a yich' ejch'entesel swa'el sit. Ac'a lajuc yip te sc'ab, soc jc'axel ac'a tup'uc te site —xi' te Cajwaltique.

San Mateo 15:30

Talic ta stojol tsobol ants-winiquetic tey a. Yic'ojic tel coxoetic, soc ma'sitetic, soc uma'etic, soc te jc'ojc'ol-c'abetic, soc yantic jchameletic. Tal yac'beyic ta stojol te Jesuse. Spisilic la yich'ic coltayel yu'un.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

San Lucas 7:22

Te Jesús la yalbey yaiyic: —Baanic, albeya yaiy te Juane spisil te bila la awilique soc te bila la awaiyic stojole. Cholbeya yaiy te bit'il yac ta jamel sit te ma'sitetique, soc yacalic ta lecubel te coxoetique, soc yacalic ta lecubel sbaq'uetalic te mach'atic ayic ta c'a'el-chamele, soc yacalic ta jamel xchiquin te cojq'uetique, soc yacalic ta cha'cuxel te animaetique, soc yaquix ta cholel te lec yach'il c'op ta stojol me'baetique.

San Juan 5:2

Ta Jerusalén ay estanqueil ja' te nopol yiloj sba soc te yochibal sts'ajc'ul te lume te Yochibal Chijetic sbiile. Betesda sbiil ta hebreo-c'op te estanqueil ja'e. Ay jo'tsal yaxinal ta sjoyobal.

San Juan 5:4

yu'un ay ch'ul abat ya xco tel ya xtal stij te ja'e. Te c'alal nax ya xtijot te ja'e, te mach'a neel ya yotses sba ta ja'e ya xcol ta chamel, biluc chameliluc te yich'oje.]

Romanos 8:25

Yan teme ma to chicanuc te bila yacotic ta smaliyele, ya sc'an te jun co'tantic ya jts'ictic smaliyel, ja' to teme chicnaje.

Santiago 5:7

Jich yu'un, quermanotac, junuc awo'tanic ts'ijc'uc awu'unic te awocolique, ja' to teme chicnaj tel te Cajwaltique. Jich bit'il te mach'a yat'elinej sc'altayel te q'uinale te ya smaliybey yutsil sit te sc'ale, ya sc'an te jun nax yo'tan ya smaliy te bi ora ya xtal te ja'ale.