San Juan 5:26 - Bible in Tzeltal de Oxchuc y Tenejapa

²⁶ Melel te Tatil cuxul ta stuquel, soc ja' nix jich yac'ojbey ta swenta te Snich'anile, jich nix cuxul ta stuquel uuc.

Nuevo Testamento Tzeltal de Amatenango

²⁶ Porke jich tutꞌil te Tatile ya xjuꞌ yuꞌun yakꞌel kuxlejal; jaꞌ nax jich yakꞌojbe ta skuenta euk te Nichꞌanile te ya xjuꞌ ya yakꞌ kuxlejale.

Bible in Tzeltal Bachajón

²⁶ Como hich te bin ut'il ay scuxlejal ta stuquel te Tatil, ha nix hich ya'beyej te ay scuxlejal ta stuquel te Nich'anil.

San Juan 5:26 ပူးပေါင်းရင်းမြစ်များ

Salmos 36:9

melel te ja'ate ay ta awenta jichuc sloq'uibja' te cuxlejale. Ta swenta axojobil ya xtojobon.

Salmos 90:2

Te c'alal ma to ayuc a te witstiquil, te c'alal ma to ayuc a te lumq'uinal soc spisil bitic ay, c'alal to ta mero namey soc ja' to c'alal ta patil bael, ja'at atalel Diosat atuquel.

Éxodo 3:14

La sjac' te Diose: —Albeya: “JO'ON TE JTALEL AYONE”, xi' te sbiile, uta me. Soc albeya te alumale: “TE STALEL AY, xi' te sbiile, ja' la sticunon tel ta atojolic”, uta me —xi'.

Jeremías 10:10

Te Cajwaltique, ja' te Dios ta melele, Cuxul Dios stuquel, Muc' Ajwalil sbajt'el q'uinal. Te c'alal ya x'iline, ya xnijc' yu'un te lumq'uinale; te nacionetique ma xcujch' yu'un te yilimbae.

San Juan 1:4

Ja' ya yac' cuxlejal stuquel. In te cuxlejale, ja' te ay saquil q'uinal ta stojolic te ants-winiquetique.

San Juan 10:18

Ma'yuc mach'a ya spojbon jcuxlejal. Jo'on ya cac' jba ta spasemal co'tan. Ya xju' cu'un ya cac' jcuxlejal, soc ya xju' cu'un ya jcha'quich' xan jcuxlejal. Jich spasojon ta mandal te Jtate —xi' te Jesuse.

San Juan 11:25

Te Jesús la yalbey: —Jo'on cha'cuxelon soc jo'on cuxlejalon. Ja' te mach'a ya xch'uunone, teme ya xlaje, ya me xcha'cux tel.

San Juan 11:26

Soc spisil mach'a cuxulic te ya xch'uunonique ma xlaj sbajt'el q'uinal. ¿Jich bal ach'uunej in to? —xi'.

San Juan 14:19

Jteb sc'an xch'ayon ta sitic te mach'atic ayic ta balumilale. Yan te ja'exe, ya to awilon xan atuquelic. Melel cuxulon te jo'one, jich me ya xcuxinex uuc te ja'exe.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 4:10

Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

San Juan 6:57

Jich bit'il cuxul te Jtat te la sticunon tele, soc ja' cuxulon ta swenta te Jtate, jich nix me ya xcuxinic ta jwenta uuc spisil mach'a ya swe'bon te jbaq'uetale.

San Juan 8:51

Jamal ya calbeyex, te mach'a ya yich' ta muc' te bila ya cale sbajt'el q'uinal ma xyil te lajele —xi'.

Hechos 17:25

soc ma smajanbey sc'ab winiquetic, melel ma'yuc bi ya xtuun yu'un stuquel. Ja' stuquel yac'ojbey xcuxlejal ta spisil ants-winiquetic, soc te yac'ojbey yich'ic iq'ue, soc ja' yac'ojbey spisil te bila ya xtuun yu'unique.

1 Corintios 15:45

Jich bit'il ts'ibubil jilel ta Sjun te Diose: “Te sbabial winique, ja' te Adane, ac'bot xcuxlejal soc te sbaq'uetale”, te xie. Yan te slajibal Adane, J'ac'cuxlejal ta swenta te Espíritu stuquel.

1 Timoteo 1:17

Jich yu'un, ac'a ich'otuc ta muc' te muc' Ajwalil sbajt'el q'uinal, te stalel cuxul stuquel, te ma chicanuc ta ilel, te ja' nax Dios stuquel, soc te ay yutsilal ta sbajt'el q'uinal stuquel. Jichuc.

1 Timoteo 6:16

Ja' te mach'a stalel ma xlaj stuquel, te cuxul ta bay te xojobal q'uinal, te jtul ma'yuc mach'a ya xju' ya xnoptsaj tey a. Jtul ma'yuc mach'a la yilix, soc ma'yuc mach'a ya xju' yu'un yilel. Ja' me ac'a ich'otuc ta muc', soc ja' ac'a yich' ajwalinel sbajt'el q'uinal stuquel. Jichuc.

Hebreos 1:2

Yan ta ora to te slajibal c'aal ayotique, la sc'oponotiquix ta swenta te Snich'ane. Dios la spas ch'ulchan balumilal ta swenta te Snich'ane, soc ja' yac'ojbey yu'unin spisil te bitic aye.

Apocalipsis 21:6

Soc la yalbon xan: —Ju'ix cu'un. Jo'on Alfaon, jo'on Omegaon. Ayon ta xjajch'ibal soc ayon ta slajibal. Te mach'a taquin yo'tane, smajt'an me ya cac'bey yuch' te sloc'ja' te ya yac' cuxinele.

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

Apocalipsis 7:17

Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.