San Juan 5:22 - Bible in Tzeltal de Oxchuc y Tenejapa

²² Te Jtatic Diose, ma ja'uc ya yaiy chajbanwanej. Ja' yac'ojbeyix ta swenta te Nich'anile,

Nuevo Testamento Tzeltal de Amatenango

²² Te Tatile ma stukeluk ya xꞌichꞌawan jkuenta; jaꞌ a yakjbe ta skuenta te Nichꞌanile.

Bible in Tzeltal Bachajón

²² Soc te Tatil mayuc mach'a ya schahpan stuquel, ha ya'beyej ya'tel ta chahpanwanej te Nich'anil,

San Juan 5:22 ပူးပေါင်းရင်းမြစ်များ

Salmos 96:13

ta stojol te Cajwaltic te ya xtale. Yac, ya me xtal mandalajuc ta balumilal; ya xmandalaj ta stojol te lumetic ta q'uinal. Toj te mandaltesel yu'un soc puro ta smelelil.

Salmos 98:9

ta stojol te Cajwaltic. Melel ya xtal ta mandalteswanej ta spamal balumilal; ya xmandalaj ta swenta stojil-o'tanil, soc mero pajal ya xc'uxtaywan.

Eclesiastés 11:9

Mulanbeya yutsil acuxlejal jch'ieletic, aiybeyaic yutsilal te ach'ielique; melel buen lec to xan ayat, soc ya to xju' awu'un. Pasbeya te bi ya smulan te awo'tane, soc ta spisil te bitic ya awile. Pero ya me sc'an te ya ana' te Dios ya yich'bat ta wenta spisile.

Eclesiastés 12:14

Dios me ya yich'botic ta wenta spisil te cat'eltique, manchuc me lec o ma lecuc, manchuc me muquen la jpastic.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Juan 3:35

Te Tatile c'ux ta yo'tan te Snich'ane, ja' yac'ojbey ta sc'ab spisil te bitic aye.

San Juan 5:27

Soc ac'bot yich' yat'el ta chajbanwanej te Nich'anile.

San Juan 9:39

La yal te Jesuse: —Talemonix li' ta balumilal to swenta yu'un ya xchicnaj te mach'a leque soc te mach'a amene. Jich yu'un te mach'atic ma xyilic q'uinale, ya me xjam sitic. Yan te mach'atic ya yilic q'uinal ta sc'opique, ya me xc'atp'ujic ta ma'sit —xi'.

Hechos 10:42

Soc la spasotic ta mandal te ya calbeytic sc'oplal ta stojol te lume, soc te ya cac' jbatic ta testigo te bit'il Dios la yac'beyix yat'el ta juez ta stojol te mach'atic cuxulique soc te mach'atic lajemique.

Hechos 17:31

Te Diose, chapalix yu'un jun c'aal te ya yich' ta c'op spisil ants-winiquetic ta balumilal, ta swenta te jtul Winic te tsabil yu'une, ja' chican te bi yilel te yat'elique. Spisilic ya me yac' xch'uunjel yo'tanic ta stojol te Mach'a cha'cux tel ta bay animaetique —xi' te Pabloe.

Romanos 2:16

Jich yu'un ya me sta sc'aalelal yu'un Dios te ya x'ich'bot sc'opic ta swenta te Jesucristo yu'un spisil te bila muquen la spasic te ants-winique, jich nix te bit'il ya yal te lec yach'il c'op te yacon ta spuquele.

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.

2 Timoteo 4:1

Ya jpasat ta mandal ta stojol te Diose soc ta stojol te Cajwaltic Jesucristoe, te ya xtal ta muc' ajwalile soc te ya yilbey bi yilel yat'el spisil te mach'atic cuxulique soc te mach'atic lajemique.

1 Pedro 4:5

Ja'uc me to, ya me x'ilbot yat'elic yu'un te Mach'a yich'oj yat'el ta chajbanwanej ta stojol spisil te mach'a cuxajtique soc spisil te mach'atic lajemique.