San Juan 5:21 - Bible in Tzeltal de Oxchuc y Tenejapa

²¹ Melel te Jtatic Diose ya me xcuxes te animaetique, soc ya yac'bey xcuxlejal. Ja' nanix jich uuc te Nich'anile ya me yac' cuxinuc uuc te mach'atic ya sc'an yo'tan te ya yac' cuxinuque.

Nuevo Testamento Tzeltal de Amatenango

²¹ Porke jich tutꞌil te Tatile ya xchaꞌkuses te animaetike y ya yaꞌbe xkuxlejal; jich euk te Nichꞌanile, ya yaꞌbe xkuxlejal te machꞌa ya skꞌan ya yaꞌbeye.

Bible in Tzeltal Bachajón

²¹ Como hich te bin ut'il te Tatil ya scuxajtes te mach'atic chamenic soc ya yac'ticlambe scuxlejalic, ha nix hich te Nich'anil ya ya'be scuxlejal te mach'a ya sc'an ya ya'be.

San Juan 5:21 ပူးပေါင်းရင်းမြစ်များ

1 Reyes 17:21

Ora nax la spajc'an sba oxeb buelta ta sba te alalquereme. Jich la yalbey ta tulan te Cajwaltic: —Cajwal Dios cu'un, ya calbat wocol, ac'a cha'cuxuc te alalquereme —xi'.

2 Reyes 5:7

Te c'alal la yil te carta te muc' ajwalil yu'un Israel, la sjats sc'u' yu'un, swenta seña te la smel yo'tane, soc jich la yal: —¿Yu'un bal Dioson te ya xju' cu'un te ya cac'bey xcuxlejal, soc te ya xju' ya cac' ta lajel, te bit'il la sticunbon tel te jtul winic yu'un ya jch'aybey te xchamele? Tsajtaya awaiyic ta lec, ya me ana'ic te bit'il ya nax sle bi ya yut ya scontroinone —xi'.

San Juan 11:25

Te Jesús la yalbey: —Jo'on cha'cuxelon soc jo'on cuxlejalon. Ja' te mach'a ya xch'uunone, teme ya xlaje, ya me xcha'cux tel.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Juan 6:63

Ja' ya yac' cuxlejal stuquel te Espiritue; ma'yuc bi ya xju' yu'un stuquel te ch'ich'-baq'uete. Te jc'op te la calbeyexe, ja' yu'un te Espiritue te ya xcuxinex yu'une.

Hechos 26:8

¿Bi yu'un ma ba ya ach'uunic te Dios ya xcha'cuxes tel animaetique?

Romanos 8:11

Soc teme nainem ta awo'tanic te Espíritu te la xcha'cuxes tel ta bay animaetic te Cristo Jesuse, ja' nanix jich te abaq'uetalic te ya xlaje, ya xcuxin ta swenta te Espíritu te nainem ta awo'tanique.

1 Corintios 15:45

Jich bit'il ts'ibubil jilel ta Sjun te Diose: “Te sbabial winique, ja' te Adane, ac'bot xcuxlejal soc te sbaq'uetale”, te xie. Yan te slajibal Adane, J'ac'cuxlejal ta swenta te Espíritu stuquel.

Deuteronomio 32:39

Jo'on nax jtuquel te Diosone, ma'yuc yan dios pajalon soc. Jo'on ya cac' cuxlejal, jo'on nix ya xju' cu'un slajinel. Jo'on ya cac' ejch'en, jo'on nix ya xju' cu'un xpoxtayel. Ma'yuc mach'a ya xju' yu'un ya scoltay sba ta jc'ab jtuquel.