San Juan 5:18 - Bible in Tzeltal de Oxchuc y Tenejapa

¹⁸ Te judioetique, c'axem to xan la snopic te bi ya yut ya smilic te Jesuse. Melel ma ja'uc nax ya xc'axintay ta sc'opic te sc'aalelal te cux-o'tane, soc uuc te la yal te ja' Stat te Diose, soc te la yal te pajal soc te Diose.

Nuevo Testamento Tzeltal de Amatenango

¹⁸ Jaꞌ yuꞌun te juriyoetike mas a lijk snopik tut ya yut ya smilik te Jesuse porke ma jaꞌuk nax ya xkꞌaxintay ta skꞌopik te skꞌaalel kuxo-oꞌtane, jaꞌ smul ta skꞌopik ekꞌa te ya yal sba te pajal sok Diose, kꞌalal ya yal te jaꞌ sTat te Diose.

Bible in Tzeltal Bachajón

¹⁸ Ha scuentahil te judíohetic la ya'beyic xan yip ta schapbeyel sc'oblal ta milel; ma ha'uc nax yu'un te la sc'axuntay te sc'ahc'alel cux-o'tan, ha nix yu'un te la yal te ha Stat te Diose, hich la spajaltay sba soc Dios.

San Juan 5:18 ပူးပေါင်းရင်းမြစ်များ

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

San Mateo 12:5

Soc ja' nanix jich, ¿ma bal awilojic ta mandalile te bit'il ma xyich'ic lewa yu'un yat'el ta templo ta sc'aalelal cux-o'tan te sacerdoteetique, soc ma yu'unuc ya sta smul a?

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

San Juan 10:30

Te jo'one soc te Jtate jun nax ayon soc —xi'.

San Juan 10:33

Te judioetic la yalic: —Ma ta swentauc lequil at'elil te ya jmilticat ta tone. Ja' nax ta swenta te ya atoybac'optay te Diose. Melel winicat nax te ya acuy aba ta Diose —xiic.

San Juan 14:23

La yal te Jesuse: —Te mach'a c'uxon ta yo'tane, ya xch'uunbon te jc'ope soc c'ux ya x'aiyot yu'un te Jtate. Soc ya me xtal join spisil ora soc te Jtate.

San Juan 14:9

Jesús la yalbey: —Felipe, bayalix c'aal te joinejexe. ¿Ma to bal x'ana'bon jba? Te mach'a yilojonixe, ja' yilojix uuc te Jtate. ¿Bistuc te jich la awale: “Ac'botic quiltic te Tatile”, te xaate?

San Juan 19:7

La yalic te judioetique: —Te jo'otique ay mandaliletic cu'untic te ya yal tey a te bit'il ya yich' milel, melel la yal sba te ja' Snich'an Diose —xiic.

San Juan 5:15

Te winique ba yalbey yaiy te jwolwanej-judioetic te bit'il ja' Jesús te coltayot yu'une.

San Juan 5:16

Ja' swentail te la scontroinic Jesús te judioetic. Yo'tanuc smilic ta scaj te ja' ta sc'aalelal cux-o'tan te jich la spase.

San Juan 5:17

Ja'uc me to, te Jesús la yal ta jamal: —Te Jtate yac ta at'el. Jich uuc te jo'one yacon ta at'el uuc —xi'.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

San Juan 7:1

Patil been xan Jesús ta sq'uinal Galilea, yu'un ma la sc'an te ya xbajt' ta sq'uinal Judea scaj te chajbanbil yu'unic te judioetic te ya smilic tey a.

San Juan 7:19

“¿Ma bal ja'uc Moisés te la yac'beyex te mandalile? Ja'uc me to, ma jtuluquex te awat'elinejic xch'uunele. ¿Bi yu'un ya ac'an amilonic? —xi'.

San Juan 8:54

La yal te Jesuse: —Teme jo'on ya cac' jba ta ich'el ta muq'ue, xujt' ma'yuc swentail. Ja'uc me to, ja' ya yac'on ta ich'el ta muc' te Jtate, te ja' nix Dios awu'unic ya awalique.

San Juan 8:58

La yal te Jesuse: —Jamal ya calbeyex, te c'alal ma to xchicnaj a te Abrahame, jtalel nanix ayon jtuquel a —xi'.

Filipenses 2:6

Te bit'il stalel Dios stuquel, ja'uc me to, ma ja'uc tulan sc'oplal bajt' ta yo'tan te bit'il pajal ay soc te Diose.

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

Apocalipsis 22:3

Xujt' ma'yuquix tey a te bila ya x'ac'ot bael ta ch'ayele. Te smuc'ul nactijib te Diose soc te Alalchije ay ta yolil te lume, soc te abatetic yu'une ya me slajin sbaic ta stojol Dios tey a.