San Juan 5:17 - Bible in Tzeltal de Oxchuc y Tenejapa

¹⁷ Ja'uc me to, te Jesús la yal ta jamal: —Te Jtate yac ta at'el. Jich uuc te jo'one yacon ta at'el uuc —xi'.

Nuevo Testamento Tzeltal de Amatenango

¹⁷ Pero te Jesuse la yaltalanbe: —Te Jtate yipal ta aꞌtel y jichon euk yipalon ta aꞌtel —xchi.

Bible in Tzeltal Bachajón

¹⁷ Hich halbotic yu'un te Jesús: Yac ta a'tel c'alal ora te Jtate, ha nix hichon yacon ta a'tel, xchi.

San Juan 5:17 ပူးပေါင်းရင်းမြစ်များ

Salmos 65:6

ja'at awac'ojbey yipic te witstiquile, soc awu'el soc awip yich'oj yipic.

Isaías 40:26

Toyaic moel asitic ta ch'ulchan soc ilawilic: ¿Mach'a la xchicnantes spisil? Ja' te mach'a ya spuc ta jujune, soc te ya yic' tel ta sbiile. Mero c'ax muc' te yu'el soc te yipe, ma'yuc junuc ya xch'ay.

San Mateo 10:29

“¿Ma bal jsejpuc ch'in taq'uin stojol ta chonel ta ch'iwich te cha'cojt' ch'in mutetique? Ja'uc me to, ma xju' ya xlaj cojt'uc teme ma sc'an yo'tan te Jtatique.

San Juan 10:36

Jich yu'un teme tsabilon yu'un Dios te la sticunon tel ta balumilale, ¿bistuc ya awalbonic te yacon ta stoybac'optayel Dios a te bit'il la cal te ja' Snich'anone?

San Juan 14:10

¿Yu'un bal ma xc'ot ta awo'tan te jun ayon soc te Jtate? Ma jo'ocon jc'op jtuquel te bila ya calbeyexe. Te Jtat te jun ayon soque, ja' ya spas stuquel te yat'ele.

San Juan 5:16

Ja' swentail te la scontroinic Jesús te judioetic. Yo'tanuc smilic ta scaj te ja' ta sc'aalelal cux-o'tan te jich la spase.

San Juan 5:18

Te judioetique, c'axem to xan la snopic te bi ya yut ya smilic te Jesuse. Melel ma ja'uc nax ya xc'axintay ta sc'opic te sc'aalelal te cux-o'tane, soc uuc te la yal te ja' Stat te Diose, soc te la yal te pajal soc te Diose.

San Juan 9:4

Te bit'il ayotic to ta c'aleltique, puersa me ya jpasbey yat'el te mach'a la sticunon tele. Yu'un ya xtal te ajc'ubale, c'alal ma'yuquix mach'a ya xju' ya x'at'ej.

Hechos 14:17

Ja'uc me to, ma yu'unuc ma la yac' ta na'el te bit'il ay stuquel te Diose, melel lec te bi ya spase. Ya yac' taluc ja'al ta ch'ulchan soc ya yac' sitinuc te cawal-jts'unubtique. Jich ya xnoj te jch'ujt'ique soc ya xbujts'naj co'tantic ta lec yu'un —xiic ta aw.

Hechos 17:28

Ja' ta swenta te bit'il cuxulotique, soc te bit'il ya jtij jbatique, soc te bit'il ayotic ta q'uinale, jich bit'il yaloj cha'oxtul te jpas-junetic awu'unique: “Jpisiltic yal-snich'anotic te Diose”, te xiique.

1 Corintios 12:6

Ajtalam ta pasel te at'ele, ja'uc me to, ja' nix Dios te ya yac'botic te ya xju' cu'untic spasele.

Colosenses 1:16

Ja' ta swenta Cristo te la xchicnantes spisil a te Diose, te bitic ay ta ch'ulchane soc te bitic ay ta balumilale, te bila chican ta ilele soc te bila ma chicanuc ta ilele, jich bit'il te jmandalteswanejetic, soc ajwaliletic, soc te mach'atic tulan yat'el yich'ojique, soc spisil te mach'atic ay yu'elique. Spisil la yich' chicnantesel ta swenta te Cristoe, soc spisil ay ta swenta stuquel.

1 Tesalonicenses 2:13

Jich yu'un, spisil ora ya calbey wocol Dios ta awentaic yu'un te bit'il la awich'ic ta muc' te c'op te la calbeyex awaiyique. La ach'uunic te ja' sc'op te Diose, ma la acuyic ta sc'op nax ants-winiquetic. Melel nix a te ja' sc'op Dios te la cale, te yaquix ta at'el ta awo'tanic ja'ex te ach'uunejique.

Hebreos 1:3

Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.