San Juan 5:16 - Bible in Tzeltal de Oxchuc y Tenejapa

¹⁶ Ja' swentail te la scontroinic Jesús te judioetic. Yo'tanuc smilic ta scaj te ja' ta sc'aalelal cux-o'tan te jich la spase.

Nuevo Testamento Tzeltal de Amatenango

¹⁶ Jaꞌ sluwar te la skontrainik Jesus te juriyoetike, yuꞌun ta skaj te jich ya spas ta skꞌaalel kuxo-oꞌtane.

Bible in Tzeltal Bachajón

¹⁶ Ha scuentahil te hahch scontrahinic Jesús te judíohetic, como hich yac spasbel ta sc'ahc'alel cux-o'tan.

San Juan 5:16 ပူးပေါင်းရင်းမြစ်များ

San Mateo 12:13

Jich la yalbey te winique: —Toya jajch'el te ac'abe —la yut. Te c'alal la stoy jajch'el te sc'abe, jich lecub. Pajal lec c'ot soc te yan sc'abe.

San Marcos 3:6

Jich yu'un loq'uic bael te fariseoetique. Ba snopic soc ta ora te mach'atic swinictac te Herodese te bi ya yut ya smilic te Jesuse.

San Lucas 6:11

Te mach'atic stsoboj sbaique, bayal ilinic yu'un. Jajch' sjojc'obey sbaic te bila ya yutic te Jesuse.

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

San Juan 10:39

Jich yu'un c'an stsaquic bael yan buelta te Jesuse, ja'uc me to, col bael ta sc'abic.

San Juan 15:20

Juluc me ta awo'tanic bila la calbeyexe: “Ni jtuluc abat te cajal ya xc'ot ta stojol te yajwale”, te xoone. Teme la yuts'inon te jo'one, ya me yuts'inex uuc. Teme la yich'bonic ta muc' te jc'ope, jich nix ya yich'beyex ta muc' uuc te bila ya awalic te ja'exe.

San Juan 5:10

Jich te judioetique, caj yalbeyic te winic te colemixe: —Ja' in c'aal to sc'aalelal cux-o'tan. Ma spas te abaloj awaib ta beele —la yutic.

San Juan 5:13

Ja'uc me to, te winic te colemixe, ma la sna' te mach'a coltayot yu'une. Melel te Jesús la xch'ay sba ta yolilic te ants-winiquetique.

San Juan 5:15

Te winique ba yalbey yaiy te jwolwanej-judioetic te bit'il ja' Jesús te coltayot yu'une.

San Juan 5:17

Ja'uc me to, te Jesús la yal ta jamal: —Te Jtate yac ta at'el. Jich uuc te jo'one yacon ta at'el uuc —xi'.

San Juan 5:18

Te judioetique, c'axem to xan la snopic te bi ya yut ya smilic te Jesuse. Melel ma ja'uc nax ya xc'axintay ta sc'opic te sc'aalelal te cux-o'tane, soc uuc te la yal te ja' Stat te Diose, soc te la yal te pajal soc te Diose.

San Juan 7:21

Te Jesús jich la yalbey yaiyic: —Jun nax at'elil la jpas ta sc'aalelal cux-o'tan te bayal ya x'ayan awo'tanic cu'une.

San Juan 7:25

Ay la sjojc'obey sbaic te mach'atic ja' nix yajwal te lum Jerusalene: —¿Ma bal ja'uc in winic to te yacal ta leel yu'un ya smilique?