San Juan 5:14 - Bible in Tzeltal de Oxchuc y Tenejapa

¹⁴ Ta patil la sta sba soc ta templo te Jesuse. Jich albot yu'un: —Ya calbat in to: Te bit'il colematixe, ma me xaleulay xan amul, swenta yu'un ma me ayuc bi c'axem to xan jich ya xc'ot ta awenta —utot yu'un.

Nuevo Testamento Tzeltal de Amatenango

¹⁴ Ta patil te Jesuse la sta ta mukꞌul templo y la yalbe: —Ila awil, ya kalbeyat: Te ora to lekubatix, ma me aleix amul, yuꞌun ma me masuk pewor ya sujtat ke te tut ayat nail toe —xꞌutot.

Bible in Tzeltal Bachajón

¹⁴ Ta patil, te Jesús la sta ta Templo te winique, hich la yalbe: Ilawil, lecubatix ta chamel; ma me xalehix xan amul scuenta yu'un ma ba c'ax hich ya xc'ax xan awocol a, xchi sc'oblal.

San Juan 5:14 ပူးပေါင်းရင်းမြစ်များ

2 Crónicas 28:22

Te bit'il la sta uts'inel te Acaz; ja'uc me to, cha'toy xan ta bolobel yo'tan ta stojol te Cajwaltique. Awaiy bit'il ay yo'tan te muc' ajwalil Acaz.

Nehemías 9:28

“Pero te c'alal lamalix jtebuc q'uinal la yaiyique, la xcha'pasic xan te bila amen ta asite. Ja' yu'un la awac' ochuquic ta c'abal yu'un te scontroique, jich la xch'uunic mandal ta stojol. La xcha'c'anic xan coltayel ta atojol. Pero ja'at, ta swenta te bit'il mero bayal xc'uxul te awo'tane, la awaiybey sc'opic c'alal ta ch'ulchan. Jich bayal buelta la acoltay ta woclajel.

Salmos 118:18

Te Cajwal tulan yac'ojbon castigo; ja'uc me to, ma ba la yac'on bael ta lajel yu'un.

Salmos 18:22

Spisil ay ta co'tan te mandaliletic yu'une, ma'yuc jch'ayojbey te mandaliletic yu'un.

Salmos 27:6

Jich me toyol ya xc'oon ta stojol te jcontrotaque; jich me ya xju' ya cac' milbil majt'anil ta templo, ya me x'awunon yu'un sbujts' co'tan soc ya me jc'ajintay te Cajwaltique.

Salmos 9:13

Cajwal, na'bon me yo'bolil jba, ila me awil te bit'il ya yac'bonic jwocol te mach'atic ya slab-o'tantayon. Loq'uesawon ta yochibal te lajele.

Isaías 38:20

Te Cajwale li' ay ta scoltabelon. Ya me jtijtic te arpaetic cu'untic soc ya me xc'ajinotic ta templo yu'un Cajwaltic te jayeb c'aal cuxulotique”, xi' te salmo yu'un Ezequías. (La yich' loq'uesel te versículo 21 soc 22, neel la yich' ochesel te cheb versiculoetic yu'un te versículo 7.)

Isaías 38:22

Jich yu'un te Ezequías la sjojc'obey te Isaías: —¿Bi señail ya yac'bon jna' stojol te ya xju' xboonix ta templo yu'un te Cajwaltique? —xi'.

Levítico 13:20

Teme ya yil te sacerdote te ja' pujulix ochel te banti bolobene, te ja' toyol ay te snujc'ulel ay to jileme, soc teme sacubenix te stsotsile, ya me yal ta jamal te ma lecuc sc'oplal te mach'a ay ta chamele, melel te chamel yich'oje ja' te c'a'el-chamele.

Levítico 26:27

“Pero teme jc'axel ma la ach'uunbon te jmandale, teme tulan la awac' abaic ta jtojole,

Levítico 7:12

Teme ja' te milbil majt'anil swenta yalel wocol ta jtojol jo'on te Ajwalilone, ya me yich' aq'uel soc te pimil waj ma ba yich'oj levadura te ya yich' wots'el soc aceite; soc te jayal waj ma ba yich'oj levadura te tsijts'anbil nax ta aceite; soc pimil waj pasbil ta harina, ja' me te mero leque, ya me yich' wots'el soc aceite.

San Mateo 12:45

Jich ya xba yic' tel juqueb pucujetic te c'ax jich yixtaelic te bit'il ay stuquele. Spisilic ya x'och snainbey yo'tan te ants-winique. C'ax to xan jich ya xbolob a te bit'il ay ta neelale. Jich me ya xc'otic te mach'a cuxulic ta q'uinal ta ora to te ma lecuc yo'tanique —xi' te Jesuse.

San Marcos 2:5

C'alal la yil Jesús te bit'il ay xch'uunjel yo'tanique, jich la yalbey te chamele: —Jnich'an, pasbilatix perdón yu'un te amule —xi'.

San Juan 5:13

Ja'uc me to, te winic te colemixe, ma la sna' te mach'a coltayot yu'une. Melel te Jesús la xch'ay sba ta yolilic te ants-winiquetique.

San Juan 5:5

Ay jtul winic tey a te ayix waxaclajuneb xcha'winic (38) ja'wil te ay ta chamele.

San Juan 8:11

La yal te antse: —Ma'yuc jtuluc, Cajwal —xi'. Te Jesús la yalbey: —Te jo'one ma ba ya cac'at ta lajel uuc. Ta ora to baan, ma me xale xan te amule —la yut bael.]

1 Pedro 4:3

Tic' a te ch'ay bayal c'aal awu'unic ta neelal to ta spasel te bila mulanbil yu'un te mach'atic ma sna'beyic sba te Diose. Ja' bi ja' te chijubele, bic'tal-o'tanil, yacubel, q'uinwej, slajinel taq'uin te ma'yuc swentaile, soc xch'uunel lotil diosetic te ilaybil yu'un te Diose.