San Juan 5:10 - Bible in Tzeltal de Oxchuc y Tenejapa

¹⁰ Jich te judioetique, caj yalbeyic te winic te colemixe: —Ja' in c'aal to sc'aalelal cux-o'tan. Ma spas te abaloj awaib ta beele —la yutic.

Nuevo Testamento Tzeltal de Amatenango

¹⁰ Jaꞌ yuꞌun te juriyoetike la yalbe te machꞌa lekubixe: —Te ora to skꞌaalel kuxo-oꞌtan. Ma spas te awichꞌoj te awayibe —xyutik.

Bible in Tzeltal Bachajón

¹⁰ Ha yu'un te judíohetic la yalbeyic te mach'a lecubix ta chamel: Ha sc'ahc'alel cux-o'tan ini; ma xpas te yac awich' bahel te awayibe, la yutic.

San Juan 5:10 ပူးပေါင်းရင်းမြစ်များ

Isaías 58:13

“Ich'a ta muc' te c'aal yu'un cux-o'tanil; ma me xawat'elin te bitic ya sc'an awo'tan a te ch'ul c'aal cu'une. Jichuc me ya xc'ot ta awo'tan te ja' jun c'aal swenta sbujts'-o'tanile; ja' te ch'ul c'aal yu'un Cajwaltic te ya sc'an te ya x'ich'ot ta muq'ue. Ich'a ta muc', ma xawat'elin xchajbanel aiyejetic awu'un a, ni ma me xbajt' ta awo'tan yu'un te bitic ya sc'an awo'tan spasele.

Jeremías 17:21

Te Cajwaltic ya yal: ‘Te bi c'aalil yu'un cux-o'tanil ta swenta xc'uxtayel te acuxlejalique, ma x'awich'ic bael ijc'atsiletic, ni ma me xawac' ochel ta bay ochibaletic yu'un Jerusalén.

Jeremías 17:27

Yan teme ma xach'uunbonic jmandal te ja'exe, te ma xawac'bonic cu'unin te bi c'aalil yu'un cux-o'tanil, soc te ya awaq'uic ochel bael ijc'atsil a ta ochibaletic yu'un sts'ajc'ul Jerusalén, jich yu'un ya me cac'bey c'ajc' te ochibaletic yu'un te lume, ja' te c'ajc' te ya sjin spisil te palacioetic yu'un Jerusalén, soc ma'yuc mach'a ya xju' yu'un stup'el’, xi' te Cajwaltique”, uta me —xi'.

San Mateo 12:10

Ay jtul winic tey a te sicuben xchial te jch'ix sc'abe. La smaliy yilic te bila ya spas te Jesuse soc la sjojc'obeyic: —¿Ya bal stac' te ya yich' coltayel jchameletic ta sc'aalelal te cux-o'tane? —xiic.

San Marcos 2:24

Te fariseoetique cajic ta c'op yu'un: —Ilawil te jnopojeletic awu'une. Yacalic ta spasel te bila ma stac' ta pasel ta sc'aalelal cux-o'tan —xiic.

San Marcos 3:4

Soc ja' neel la sjojc'obey te yantique: —¿Ya bal stac' ta pasel ta sc'aalelal cux-o'tan te bila leque, o ja' te bila amene? ¿Ja' bal lec te ayuc mach'a ya xcuxine, o ja' lec te ayuc mach'a ya xlaje? —xi'. Ja'uc me to, jtul ma'yuc mach'a c'opoj.

San Lucas 13:14

Yan te mach'a yich'oj yat'el ta sinagoga, ilin yo'tan yu'un te bit'il Jesús la slamantesbey xchamel ta sc'aalelal cux-o'tan. Jich caj yalbey te mach'a stsoboj sbaique: —Ay waqueb c'aal te ya xju' ya x'at'ejotique. Ja' me yorail ya xtalex a te ya awac' ta lamantesel te achamelique. Ma me ja'uc ta sc'aalelal cux-o'tan —la yut.

San Lucas 23:56

C'alal sujt'ic bael ta na, la xchajbanbeyic xpoxil sbaq'uetal te bujts'an nax yiq'ue. Jich la xcux yo'tanic ta sc'aalelal cux-o'tan, jich te bit'il ya yal te mandalile.

San Lucas 6:2

Te fariseoetique jajch'ic ta c'op yu'un: —¿Bistuc ya apasic te bila ma stac' ta pasel ta sc'aalelal cux-o'tane? —xiic.

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

San Juan 5:11

La yal te winique: —Te mach'a la scoltayone, ja' nix la yalbon: “Bala te awaibe, beenan”, la yuton —xi'.

San Juan 5:15

Te winique ba yalbey yaiy te jwolwanej-judioetic te bit'il ja' Jesús te coltayot yu'une.

San Juan 5:16

Ja' swentail te la scontroinic Jesús te judioetic. Yo'tanuc smilic ta scaj te ja' ta sc'aalelal cux-o'tan te jich la spase.

San Juan 7:23

Jich yu'un teme ya awac'beyic yich' circuncisión jtuluc alal ta sc'aalelal te cux-o'tane swenta yu'un ma xyich' c'axintayel smandal te Moisese, ¿bistuc ya awilintayonic yu'un te la jcoltaybey scojt'ol sbaq'uetal jtul winic ta sc'aalelal te cux-o'tane?

San Juan 9:16

Ay cha'oxtul te fariseoetic la yalique: —Ma ba talem ta stojol Dios me to, melel ma scanantay te bi c'aalil swenta cux-o'tan —xiic. Soc ay la yalic: —¿Ya bal c'an ju'uc yu'un spasel jtul jmulawil in señailetic to? —xiic. Jich ma junuc yo'tan sbaic yu'un.