San Juan 4:46 - Bible in Tzeltal de Oxchuc y Tenejapa

⁴⁶ Jich cha'tal xan Jesús ta lum Caná te ay ta sq'uinal Galilea ta bay la sc'atp'un ta vino te ja'e. Ay jtul winic julem tey a te yich'oj yat'el yu'un te ajwalile te ay ta chamel snich'an ta bay lum Capernaúm.

Nuevo Testamento Tzeltal de Amatenango

⁴⁶ Te Jesuse chaꞌsujt xan bael ta jtejklum Cana te ay ta estado yuꞌun Galileae te ba la skꞌajtates ta bino te jaꞌe. Ay jtul mamal teꞌey a te ay aꞌbil tulan yaꞌtel yuꞌun te reye. Ay ta chamel jtul xnichꞌan te ay ta jtejklum Capernaum.

Bible in Tzeltal Bachajón

⁴⁶ Te Jesús cha'baht xan ta Caná ta sq'uinal Galilea, ta banti la sc'ahtajtes ta vino te ha'e. Ta Capernaum ay jtuhl swinic ajwalil te ay ta chamel te snich'ane.

San Juan 4:46 ပူးပေါင်းရင်းမြစ်များ

San Lucas 8:42

yu'un lajelix te jip jtul yantsil-nich'ane te ay niwan lajchayeb ja'wil ya'wilale. Te c'alal yac ta beel te Jesuse, stenten nax sbaic ta spat te ants-winiquetique.

San Lucas 7:2

Ay jtul centurión tey a te ay abat yu'un te buen c'ux ta yo'tane. Ay ta chamel, mero lajelix.

San Mateo 15:22

Ay jtul cananea-ants nainem tey a. Tulan c'opoj ta yalel wocol: —Cajwal, sts'umbalat David, c'uxtayawon soc te cantsil-ale. Yu'un ay pucuj ta yo'tan. Bayal ay ta uts'inel yu'un —xi' ta aw.

San Mateo 9:18

Te c'alal jich yac ta yalel a te Jesuse, tal jtul judio-winic te yich'oj yat'el ta jwolwanej yu'unique. La squejan sba ta stojol soc la yalbey wocol: —Te cantsil-nich'ane lajel to, ja'uc me to, teme ya xtal acajanbey ac'ab ta sjole, jich me ya xcha'cux xan —xi'.

Oseas 5:15

“Ora ya sujt'on bael ta bay cawil, ja' to me c'alal ya sna'ic te smulique. Jich me ya xtal sleonic. Ja' me ya yalbonic wocol a te c'alal ayiquix ta woclajele —xi'.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

San Juan 21:2

Stsoboj sbaic a te Simón Pedroe, soc te Tomás te Dídimo yan sbiile, soc Natanael te talem ta lum Caná ta sq'uinal Galilea, soc te snich'nab Zebedeoe soc cheb xan jnopojeletic yu'un te Jesuse.

Salmos 78:34

Te c'alal Dios ac'otic ta lajel yu'une jich jajch' sleic; sujt'ic ta stojol, spisil yo'tanic la sleic.

Josué 19:28

jich la smac tel te Abdón, Rehob, Hamón soc Caná, ja' to c'ot ta muc'ul lum Sidón.

San Mateo 4:13

Ja'uc me to, ma ba jalaj ta bay lum Nazaret. Jich ba ainuc ta lum Capernaúm te ay ta ti'mare, ja' te sq'uinal te sts'umbal Zabulón soc te sts'umbal Neftalí.

San Lucas 4:23

Te Jesús jajch' yalbey yaiyic: —Ay wan jich ya awalic te bit'il ay ta alele: “Te bit'il jpoxtaywanejate, poxtaya aba atuquel”, xaex me. Soc jich ya awalic uuc: “Te bila la apas ta Capernaúm, jich nix me xapas li'to ta bay alumal”, ya niwan awutonic —xi' te Jesuse.

San Juan 2:12

Patil co bael ta Capernaúm te Jesuse. Joinot bael yu'un te sme'e soc te yijts'inabe soc uuc te jnopojeletic yu'une. Ma ba bayal c'aal jalajic tey a.