San Juan 4:32 - Bible in Tzeltal de Oxchuc y Tenejapa

³² La yal te Jesuse: —Ay jwe'el jtuquel te ma x'ana'ic stojole —xi'.

Nuevo Testamento Tzeltal de Amatenango

³² Pero te Jesuse la yaltalanbe: —Te joꞌone ay tut ya jweꞌ te ma xꞌanaꞌbeyik sluware —xchi.

Bible in Tzeltal Bachajón

³² Ay jwe'el te ma xana'ic bin ut'il ay, xchi te Jesús.

San Juan 4:32 ပူးပေါင်းရင်းမြစ်များ

Job 23:12

Spisil ora ja' ya jch'uunbey te sc'ope, ma ja'uc ya jpas te bila ya sc'an co'tan ta jtuquel naxe.

Salmos 119:103

Te bila awaloj bayal xchi'il sbujts' ya caiy, c'ax jich te bit'il xchi'il ta que te chabe.

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

Salmos 63:5

Mero bayal me yutsil co'tan ya xjilon, jich bit'il mach'a la yaiybey sbujts' we'elil ta tsoblej te buen bujts'ane. Bayal me yutsil q'uinal ya caiy a, ya calbat yutsil ac'oplal yu'un.

Proverbios 14:10

Te o'tanil ya sna' te swocole, soc teme ay yutsil q'uinal ya yaiy, ma ba ya yalbey yantic te ma sna'bey sbae.

Proverbios 18:20

Juju-jtul ya me swe'elin c'oem te bi ya xtal ta stojol ta swenta sc'op, ja' to c'alal ya xlub yu'un.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Jeremías 15:16

C'alal la ac'oponon, la jwe'elinbat te ac'ope; jamal q'uinal la caiy yu'un soc bin nax co'tan yu'un, melel jo'on awu'uninejon, Cajwal, te Diosat te Spisil ya xju' awu'une.

San Juan 4:31

Te c'alal baem ta lum ta yalel sc'oplal Jesús a te antse, te jnopojeletique la yalbeyic wocol te Jesuse: —Maestro, we'an —xiic.

San Juan 4:33

Te jnopojeletic la sjojc'obey sbaic: —¿Yu'un bal ay mach'a ac'botix swe'el yu'un? —xiic.

San Juan 4:34

Te Jesús jich la yal: —Te jwe'ele ja' te ya jpasbey sc'anjel yo'tan te mach'a la sticunon tele, ja' to chican ya ju'tes.

Hechos 20:35

Spisil ora la cac'beyex awilic te bit'il ya sc'an ya x'at'ejotic ta lec ta jpisiltique, swenta yu'un jich me ya jcoltaytic te mach'atic ay swocolic te ma'yuc bi ay yu'unique. Ac'a juluc ta awo'tanic te jich la yal te Cajwaltic Jesuse: “Ja' me bin nax yutsil te mach'a ay bila ya yaq'ue, ma ja'uc te mach'a ay bila ya yich'e”, te xie —xi' te Pabloe.

Apocalipsis 2:17

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a ya xju' yu'un tsalawe, ya cac'bey swe' te maná-waj te nac'bile. Soc ya cac'bey jp'ij saquil ton te ts'ibubil tey a te yach'il sbiil te ma'yuc mach'a ya sna' jtuluque. Ja' nax ya sna' stuquel te mach'a ya yich'e —xi'.