San Juan 4:23 - Bible in Tzeltal de Oxchuc y Tenejapa

²³ Ya me sta yorail, soc yorailix in to, te ay mach'atic soc yo'tanic ya slajin sbaic ta melel ta stojol te Jtatic Dios ta swenta te Espíritu yu'une. Melel ya sle te Jtatic Dios te mach'atic jich yo'tanic te ya slajin sbaic ta stojole.

Nuevo Testamento Tzeltal de Amatenango

²³ Pero ya sta yorail, y yorailix te ora to, te kꞌalal te machꞌa batsꞌi ya skejan sbaik ta stojol te jTatik Diose ya me snaꞌbeyik lek sluwaril ta skuenta te Chꞌul Espíritu yuꞌun te Diose. Yuꞌun te jTatik Dios ya skꞌan te jich ya spasik te ya skejan sbaik ta stojole.

Bible in Tzeltal Bachajón

²³ Pero ya me sta yorahil, soc yorahilix ini, te mach'atic smelelil ya yich'ic ta muc', ya me yich'ic ta muc' te Tatil ta scuenta espíritu soc ta scuenta smelelil, como te Tatil yac slehbel te mach'atic hich ya x'ich'ot ta muc' yu'une.

San Juan 4:23 ပူးပေါင်းရင်းမြစ်များ

1 Crónicas 29:17

Dios cu'un, ya jna' te ya atsajtaybotic te co'tantique, te ja' ya amulan te toj ya cac' jbajtique. Ja' swentail te toj co'tan jnopoj te tal cac' ta atojol spisil. Ta ora yo'tic to bin nax co'tan yu'un te lum awu'un te stsoboj sbaique, c'ax to xan la yaq'uic te majt'anil yu'unic ta atojole.

Salmos 147:11

ja' ya smulan te ya x'ich'ot ta muc' yu'un te ants-winiquetique, ja' me te mach'atic smuc'ulinej yo'tanic te xc'uxul yo'tane.

Salmos 17:1

Cajwal, aiybon awaiy stojol te jc'ope, yu'un toj te bila ya jc'anbate. Aiybon awaiy stojol te coq'uele, melel ma ba xloc' ta que lotetic.

Salmos 32:2

Bin nax yutsil te mach'a ma'yuc lo'laywanej ta yo'tan, soc te ma'yuc falta ya x'ac'bot scuch yu'un te Cajwaltique.

Salmos 51:6

Ta mero melel ja' c'ux ta awo'tan te mach'a smelelil ya xc'opoje; ta mero yutil co'tan la awac'bon te p'ijil c'ope.

Proverbios 15:8

Te majt'aniletic ya yaq'uic te mach'atic amen yo'tanic, ya yilay te Cajwaltique; yan te mach'atic toj yo'tanique, bin nax yo'tan ya stsacbey sc'op stuquelic.

Cantares 2:14

“Stsumut cu'un, te ya anac' aba ta muc'ul tontiquile, ta toyol chujc'ul nac'jibaletic, ac'bon quilbat asit-awelaw, ac'bon caiybat ac'op. Mero t'ujbil ya caiy te ya quilate. Ay sbujts' ta aiyel te ac'ope”, xi' ta jtojol.

Isaías 10:20

Ta yorail a, te jayeb xan mach'atic jilem ta Israel, ja' te mach'atic ay ta lum yu'un Jacob, te colemic xane, ma ba ya smaliyiquix coltayel yu'un te mach'a jinotic yu'une. Ja' me ya smaliy coltayel ta stojol te Cajwaltic, te Ch'ul Dios yu'un Israel.

Isaías 29:13

Te Cajwaltic la yalbon: —Te lume ya yac' sba ta abatinel ta jtojol ta sc'op; ta ye nax ya yich'on ta muc', pero ma'yucon ta yo'tan ta jyalel. Te ya yalbonic wocol ta sc'opique, ja' te bitic wejt'em yu'unic te snopojic nax ta sjolique.

Isaías 43:21

Ja' te lum te chajbanbil cu'une, swenta yu'un ya yalbonic yutsil jc'oplal.

Isaías 58:2

Jujun c'aal ya nax sleonic, bin nax me yo'tanic yilel ta sna'beyel sba te beetic cu'une. Jich me c'oemic te bit'il lum te ya spas te bila leque, te yich'ojic ta muc' te mandaliletic cu'une. Ya sc'anbonic mandaliletic te tojique, soc bin nax yo'tanic yilel te ya xnoptsajic ta jtojole.

Jeremías 3:10

Ta patil, te Judá te ma junuc yo'tane, ma ba sujt' soc spisil yo'tan ta jtojol, ja' nax la spason ta lot. Jo'on, Ajwalilon te jich ya cal —xi'.

Jeremías 4:2

jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.

Ezequiel 22:30

La jleix ta yolilic te mach'a ay bila lec ya spasbey ta stojol te lume, te yacuc stejc'an sba ta c'op cu'un ta stojol te lume, swenta yu'un jich ma ba ya jlajin a te jichuque. Pero ma'yuc banti jtaoj.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

San Juan 12:23

Te Jesús la yalbey yaiyic: —C'otix yorail te ya x'ac'ot ta ilel yutsilal te Nich'anile.

San Juan 16:2

Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

San Juan 16:32

Ya calbeyex te ya staix yorail soc ja' yorailix in to te ya xpujq'uex bael ta anel ta anaic juju-jtule, soc ya awijq'uitayonic jilel jtuquel. Ja'uc me to, ma jtuqueluc ya xjilon, melel sjoinejon te Jtate.

San Juan 4:21

Te Jesús jich la yalbey: —Ants, ch'uuna te bila ya calbate: Melel ya me sta yorail te ma ja'uc ta bay in wits to ni ta Jerusalén te ya alajin abaic ta stojol te Jtatic Diose.

San Juan 5:25

Jamal ya calbeyex, ya me sta yorail soc yorailix in to, te animaetic ya me yaiybeyic stojol sc'op te Snich'an te Diose. Te mach'a ya yaiy stojole, ya me xcuxinic yu'un.

San Juan 5:28

Ma me jchajbuc q'uinal ya awaiyic yu'un. Melel ya me sta yorail te mach'atic ayic ta muquenaletic ya me yaiybonic stojol te jc'ope,

Romanos 1:9

Melel te Diose, te jun nax co'tan cac'oj jba ta abatinel yu'un te ya calbey sc'oplal ta bayuc te Snich'ane, ja' testigo cu'un te spisil ora ya jna'ex te c'alal ya jc'opon te Diose.

Romanos 8:15

Melel te Espíritu te ac'botex awiq'uique, ma ja'uc ya yaq'uex xan ta mosoil yu'un te xiwele. Melel ja' ya yaq'uex ta alnich'an yu'un te Diose. Ja' swentail te jich ya caltique: “Jtat”, te xootic ta stojole.

Romanos 8:26

Ja' nanix jich uuc te Espiritue, ya scoltayotic te bit'il ma'yuc quiptique. Yu'un ma jna'tic sc'anel te bila ya jc'antique. Ja'uc me to, te Ch'ul Espiritue, ja' ya xc'opoj cu'untic. Ts'ujet nax yo'tan ta oq'uel ta c'op. Ma xju' ta alel ta jc'optic te bila ya yale.

Gálatas 4:6

Ta swenta te bit'il yal-snich'anex te Diose, la sticun tel ainuc ta awo'tanic uuc te Espíritu yu'un te Snich'ane. Ja' swentail te jich ya xc'opoje: “¡Abba, Jtat!”, xi' ta stojol te Diose.

Efesios 6:18

C'oponaic Dios spisil ora. Albeyaic wocol soc c'anbeyaic Dios te ya scoltayex ta spisil orae. Albeyaic wocol ta swenta te Espiritue. Wiq'uiluc me asitic, ma me xch'ajubex ta sc'oponel Dios ta stojolic te mach'atic ch'ul lum yu'un te Diose.

Filipenses 3:3

Yan te jo'otique quich'ojtic te mero circuncisione. Melel ta swenta nax te Espíritu te yacotic ta abatinel yu'un te Diose. Jich bayal sbujts' co'tantic ta swenta te Cristo Jesuse; ma ba ja' ya smuc'ulin co'tantic te bila ya yich' pasel ta jbaq'uetaltique.

Josué 24:14

—Ja' yu'un ya calbeyex, ich'aic ta muc' te Cajwaltique, soc ac'a abaic ta abatinel ta stojol soc yutsil awo'tanic ta mero melel. Ijq'uitayaic te diosetic yu'un te antiguo ame'-atatic, te la xch'uunic ta ti'ti'ja' Éufrates soc ta sq'uinal Egipto. Ja' xawac' abaic ta abatinel ta stojol te Cajwaltique.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

1 Samuel 12:24

Yan te ja'exe, ja' nax ya sc'an te ya ach'uunbeyic smandal te Cajwaltic, soc ya me ach'uuntayic ta mero melel soc ta mero spisil awo'tanic. Ja' me x'ana'ic te mero bayal bi spasojbeyex te Cajwaltique.