San Juan 4:20 - Bible in Tzeltal de Oxchuc y Tenejapa

²⁰ Te me'il-tatil tel cu'un soc te samariaetique la slajin sbaic li'to ta bay in wits to. Te ja'ex te judioexe ya awalic te tey ya sc'an ya alajin abaic ta Jerusalén —xi'.

Nuevo Testamento Tzeltal de Amatenango

²⁰ Te antibo jmeꞌ-jtatike sok te samariaetike la skejan sbaik ta stojol Dios liꞌ ba wits to. Pero te jaꞌex juriyoexe ya awalik te ta Jerusalen te ya skꞌan ya xba jkejan jbajtike —xchi.

Bible in Tzeltal Bachajón

²⁰ Te me'iltatiletic cu'uncotic li' la yich'ic ta muc' Dios ta wits ini, pero ha'ex yac awalic ta Jerusalén ya sc'an ya x'ich'ot ta muc' te Diose, xchi.

San Juan 4:20 ပူးပေါင်းရင်းမြစ်များ

1 Reyes 9:3

Jich albot: —La caiyix te ac'op soc te la awalbon wocole. La jch'ultesix te templo, te la apasbon swenta yu'un ya x'ainon spisil ora tey a. Ya me jcanantay soc ay me ta wenta cu'un spisil ora.

1 Crónicas 21:26

Tey la spas a te scajtijib smajt'an te Cajwaltic, soc la yac'bey te chic'bil smajt'ane, soc te milbil smajt'an ta swenta seña te lamal-o'tanil. La sc'opon te Cajwaltic, aiybot sc'op yu'un, soc la sticun tel c'ajc' c'alal ta ch'ulchan, tey jul ta sba te scajtijib majt'anil te scojt'ol ya xc'ajq'ue.

1 Crónicas 22:1

Te David jich la yal yu'un: “Li' ya x'ain te templo yu'un te Cajwaltic Dios, soc te scajtijib ta chiq'uel majt'anil ta swenta Israel”, xi'.

2 Crónicas 6:6

Ja'uc me to, ja' la jtsa te Jerusalén, swenta yu'un tey me ya xnainon ta ich'el ta muc' a. Soc ja' la jtsa te David swenta yu'un ya xmandalaj ta stojol te lum Israel cu'une”, xi' te Cajwaltique.

2 Crónicas 7:12

Ta ajc'ubal chicnaj ta stojol Salomón te Cajwaltic, jich la yal: —La caiybat te ac'ope. Jo'on jtsaoj in awilal to, ja' me templo cu'un ta swenta te milbil majt'aniletique.

2 Crónicas 7:16

melel jo'on jtsaoj soc la jch'ultesix te templo, ja' te bay ya cac' ainuc sbajt'el q'uinal te jbiile. Ya me jcanantay, soc ay me ta co'tan spisil ora.

Salmos 132:13

Te Cajwaltic ja' tsabil yu'un te wits Sión; la stsa yu'un ya xnain tey a.

Salmos 78:68

Ja' la stsabey stuquel te sts'umbal Judá soc nix te buen mulanbil wits yu'un, ja' te Sión.

Isaías 66:1

Te Cajwaltic ya yal: —Ja' jnactijib te ch'ulchane, te balumilal, ja' scajtijib cacan. ¿Banti ya xju' ya apasbon jna? ¿Banti ya xju' ya apasbon jun awilal yu'un ya jcux co'tan a?

San Lucas 9:53

Ja'uc me to, te samariaetique ma la yic' ta stojolic, yu'un la sna'ic te c'alal ta Jerusalén ya xbajt' te Jesuse.

San Juan 4:12

¿Yu'un bal cajalat yu'un te namey q'uinal jtatic Jacob te la yac'botic in pozo to te la yuch'ic soc te yal-snich'ane soc te chambalametic yu'une? —xi' te antse.

Deuteronomio 11:29

“Te c'alal ya yaq'uexix ochel te Cajwaltic te Dios cu'untic ta lumq'uinal te banti ya awich'ic, te bitic swenta bendición ya me yich' alel ta wits Gerizim, te bitic swenta castigo ya yich' alel ta wits Ebal.

Deuteronomio 27:12

—Teme c'axex bael ta jejch' ja' Jordán, ja' te mach'atic sts'umbalic Simeón, Leví, Judá, Isacar, José soc Benjamín, ya me xc'otic ta sba wits Gerizim swenta yalel bendición ta stojol te lume.