San Juan 4:12 - Bible in Tzeltal de Oxchuc y Tenejapa

¹² ¿Yu'un bal cajalat yu'un te namey q'uinal jtatic Jacob te la yac'botic in pozo to te la yuch'ic soc te yal-snich'ane soc te chambalametic yu'une? —xi' te antse.

Nuevo Testamento Tzeltal de Amatenango

¹² Te antibo jtatik Jacobe la yaꞌbotik jilel te poso to te liꞌ mismo la yuchꞌ jaꞌ euk te yuntikile sok te xchambalamike. ¿Meꞌn jaꞌat mas nailat yuꞌun? —xchi te antse.

Bible in Tzeltal Bachajón

¹² ¿Ha'at bal muc' xan ac'oblal a te bin ut'il te jtatic Jacob, te la ya'botcotic hilel te pozo ini te banti la yuch' ha' soc snich'nab soc schansbahlam? xchi te antse.

San Juan 4:12 ပူးပေါင်းရင်းမြစ်များ

San Mateo 12:42

Soc tey me ay uuc a te antsil muc' ajwalil te ay smaquen-q'uinal ta stojol sur. Ja' me ya yalbey smulic uuc te mach'atic cuxulic ta q'uinal ta ora to, melel c'ubul tal ta yaiybel stojol sp'ijil sc'op te Salomone. Yan ta ora to, li' ay to te mach'a cajal yu'un te Salomone.

San Juan 4:13

Te Jesús jich la yalbey: —Spisil mach'a ya yuch'bey ya'lel in pozo to, ya me xcha'taquej xan yo'tan.

San Juan 4:20

Te me'il-tatil tel cu'un soc te samariaetique la slajin sbaic li'to ta bay in wits to. Te ja'ex te judioexe ya awalic te tey ya sc'an ya alajin abaic ta Jerusalén —xi'.

San Juan 4:5

C'ot ta ba ay jpam lum ta sq'uinal Samaria te Sicar sbiile, te nopol yiloj sba soc te jsejp sq'uinal Jacob te la yac'bey sq'uinalin te snich'an Joseje.

San Juan 4:6

Ta sq'uinal Jacob tey ay a te pozo spasoje. Te bit'il luben ta beel te Jesuse, jich la snajc'an sba tey a ta bay te pozoe. Nopol staix olil c'aal a.

San Juan 8:53

¿Yu'un bal cajalat yu'un te jtatic Abrahame? Laj te Abrahame. Lajic uuc te j'alwanejetique. ¿Ja'xan te ja'ate, mach'a ya acuy aba a? —la yutic.

Hebreos 3:3

Te Jesuse ya sc'an te c'ax jich ya quich'tic ta muc' stuquel te bit'il te Moisese, jich bit'il te mach'a la spas te nae, c'ax jich ya x'ich'ot ta muc' stuquel te bit'il te nae.