San Juan 4:10 - Bible in Tzeltal de Oxchuc y Tenejapa

¹⁰ Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

Nuevo Testamento Tzeltal de Amatenango

¹⁰ Te Jesuse la sjakꞌbe: —Te yauk anaꞌ te tut ya yakꞌ te Diose sok te yauk anaꞌbon jba, joꞌon te ya jkꞌanbeyat jaꞌe, jaꞌat me ya akꞌanbon jaꞌ te jichuke. Jich me ya kaꞌbeyat te kuxul jaꞌ stukele —xchi.

Bible in Tzeltal Bachajón

¹⁰ Te Jesús la yalbe te antse: Te yacuc ana'be sba te mahtanil yu'un Dios soc te mach'a a te hich ya yalbat: A'bon cuch' ha', te xchihe, ha'at la ac'ambe awuch' ha', soc ha ya ya'bat awuch' te cuxul ha' te hichuque, xchi.

San Juan 4:10 ပူးပေါင်းရင်းမြစ်များ

Salmos 10:17

Cajwal, ya awaiybey stojol sc'op te ya sc'oponat te mach'atic peq'uelique, ja'at ya awac'bey yip yo'tan, soc ya awentain.

Salmos 46:4

Te muc'ja' ya yac'bey yutsilal te ch'ul lum yu'un Dios ta swenta te sc'abc'ab te ja'e. Ja' nax mero ch'ul lum stuquel yu'un te mach'a mero Toyole.

Éxodo 17:6

Tey me ya jmaliyat a ta bay sba te tontiquil ta wits Horeb. C'alal ya amaj te tone, ya me x'oquin tel ja' tey a te ya yuch' te lume —xi' te Diose. Te Moisés jich la spasbey ta sitic te mamaletic yu'un Israel.

Cantares 4:15

Te sloq'uibja' yu'un nichimaltique, jun pozo te banti ya xloc' tel ja'e, ja' te ja' yac ta coel tel ta Líbano.

Isaías 12:3

Ja' nix jich te ja'exe ya xju' ya xba awuch'ic soc sbujts' awo'tanic te sloq'uibja' yu'un colele.

Isaías 35:6

Te mach'atic sicuben yacan ya me xcajic ta wilawetel, jichuc ja'mal chijetic; soc te mach'atic uma'etic ya me x'awunic. Te jochol taquin q'uinal ya me xt'om loq'uel tel ja', te tulan ya x'oquin.

Isaías 42:6

—Jo'on te Ajwalilone la quic'at tel soc la jtsacat ta jc'ab, swenta yu'un ja' me ya xtuunat yu'un te colele. Jo'on la jchajbanat, jich yu'un ya jc'an te ja'ucat señailat te trato cu'un ta stojol te lume, te ja' ya sacub q'uinal awu'un ta stojol te nacionetique.

Isaías 43:20

Ya me yich'onic ta muc' te ja'mal chambalametic, te ja'mal ts'i'etic soc te mutetic avestruz sbiilique. Melel ya cac' xt'om loq'uel ja' ta jochol taquin q'uinal; ya cac' ja'etic tey a swenta yu'un ya cac'bey yuch' te lum tsabil cu'une.

Isaías 44:3

Melel ya me cac' oquinuc ja' ta jochol taquin q'uinal, bebe-ja'etic ya xc'ot ta bay te taquin q'uinale. Jo'on ya cac'bey yach'il xcuxlejal te ats'umbale, te bendición cu'une ya jticunbey ta stojol.

Isaías 49:10

“Ma me ayuc wi'nal, soc ma me ayuc taquinti'il ya yaiyic; ma x'uts'inotic yu'un te c'aale, ni sq'uixnal te q'uinale. Melel c'uxic ta co'tan soc ya xneelajon yu'unic, soc ya quic' bael ta sloq'uibja'etic.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Jeremías 2:13

“Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

Ezequiel 16:35

“Ja' yu'un, jmulawil ants, aiybon me awaiy te jc'ope,

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

Zacarías 14:8

Ya me xc'ot ta pasel te ya xloc' ta Jerusalén cuxul ja'. Te ja'e ya me x'oquin ta yorail invierno soc ta yorail verano, olil me ya xbajt' ta stojol Mar Muerto, te yan olile ya me xbajt' ta stojol Mar Mediterráneo.

San Lucas 11:13

Melel te ja'exe, manchuc teme amen te awo'tanique, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey te Ch'ul Espíritu te mach'a ya sc'anbeye —xi' te Jesuse.

San Juan 16:3

Jich ya spasic yu'un xujt' ma sna'beyic sba te Jtate, soc ma sna'bonic jba uuc.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 3:16

Melel te Diose bayal c'ux la yaiy ta yo'tan spisil te ants-winiquetique. Jich yu'un la yac'bey te jip jtul Snich'ane, swenta yu'un spisil te mach'a ya xch'uune, ma xch'ay, jich me ya sta xcuxlejal sbajt'el q'uinal.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

San Juan 6:35

Jesús jich la yalbey: —Jo'on wajon yu'un te cuxlejale. Te mach'a ya xtal ta jtojole xujt' ma xwi'naj yo'tan; soc te mach'a ya xch'uunone, xujt' ma xtaquej yo'tan.

San Juan 6:51

Jo'on te waj te cuxule te coemon tel ta ch'ulchane. Te mach'a ya swe' in waj to, ya me xcuxin sbajt'el q'uinal. Te waj te ya caq'ue, ja' te jbaq'uetale, ya me cac' ta lajel swenta yu'un jich me ay xcuxlejalic ta balumilal —xi' te Jesuse.

Hechos 9:11

Jich albot yu'un te Cajwaltique: —Jajch'an, baan ta bay Toj Calle xi' te sbiile. Baan lea ta bay sna Judas jtul winic te Saulo sbiil te talem ta lum Tarso. Tey yac ta sc'oponel Dios ya xc'o ata,

Romanos 8:32

Melel ma la sna'bey yo'bolil sba te Snich'ane, spasemal yo'tan la yac' ta lajel ta jwentatic. ¿Ma bal spisiluc ya yac'botic ta majt'anil spisil te bit'il aye?

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

1 Corintios 10:4

Soc spisilic la yuch'ic te ja' yu'un te Diose, melel la yuch'ic te ja' loc' tel ta ton yu'un te Diose, joinbilic ta beel yu'un. In te tone, ja' ix te Cristoe.

2 Corintios 9:15

¡Wocol yalbotic te Diose, melel yac'ojbotic buen muc' jmajt'antic te ma jna'tic xcholel te bit'il aye!

Efesios 2:8

Melel ta swenta nax yutsil yo'tan Dios te colemex ta swenta xch'uunjel awo'tanic. Ma ja'uquex te la acoltay aba atuquelique, melel amajt'anic yu'un Dios te colemexe.

Hebreos 6:4

Melel te mach'atic sacubix q'uinal ta stojolic jun buelta, soc te la yaiybeyiquix sbujts' te majt'anil yu'un te Diose, soc te yic'ojiquix ta yo'tanic te Ch'ul Espiritue,

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

Apocalipsis 21:6

Soc la yalbon xan: —Ju'ix cu'un. Jo'on Alfaon, jo'on Omegaon. Ayon ta xjajch'ibal soc ayon ta slajibal. Te mach'a taquin yo'tane, smajt'an me ya cac'bey yuch' te sloc'ja' te ya yac' cuxinele.

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

Apocalipsis 7:17

Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.