San Juan 3:9 - Bible in Tzeltal de Oxchuc y Tenejapa

⁹ Te Nicodemo la xcha'jojc'obey xan: —¿Bit'il ya xc'ot ta pasel in to? —xi'.

Nuevo Testamento Tzeltal de Amatenango

⁹ Te jNicodemoe la xchaꞌjojkꞌobe xan: —¿Tutꞌil ya xkꞌot ta pasel tsꞌin to? —xchi.

Bible in Tzeltal Bachajón

⁹ La sjac' te Nicodemo: ¿Bin ut'il ya xhu' ta pasel ini? xchi.

San Juan 3:9 ပူးပေါင်းရင်းမြစ်များ

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

Isaías 42:16

Ya me quic' bael te ma'sitetic ta bebetic soc ta bay ch'in be te ma xyilique. Ya me jc'atp'un ta saquil q'uinal ta stojolic te ijc' q'uinale, soc ya me jc'atp'un ta spamlej ta bay chujc'ulique. Te bitic la cale ya me xc'ot ta pasel cu'un ta puersa.

San Lucas 1:34

Te María jich la yalbey te ch'ul abate: —¿Bit'il ay a te jich ya awalbone? Melel ma to ayuc jmamlal —xi'.

San Juan 3:10

La yal te Jesuse: —Te ja'ate maestroat yu'un te lum Israel, ja'uc me to, ¿ma x'ana' stojol te bila ya calbate?

San Juan 3:4

La sjojc'o te Nicodemoe: —¿Bit'il c'an cha'ayinuc xan te winic te mamalixe? ¿Ya to bal xju' ya x'och ta xch'ujt' sme' te ya xcha'ayin xane? —xi'.

San Juan 3:8

Te iq'ue bayuc nax ya xbeen. Ya awaiy stojol te xaxaxet ya xbeene, ja'uc me to, ma x'ana' te banti ya xtale, soc ma x'ana' te banti ya xbajt'e. Jich c'oem spisilic te mach'atic ayinemic ta swenta te Espiritue —xi'.

San Juan 6:52

Te judioetique tulan jajch'ic ta c'op yu'un te bila la yale. Jich la yalic: —¿Bit'il ya yac'botic jwe'tic ya yal te sbaq'uetale? —xiic.

San Juan 6:60

Te bit'il jich la yal ta p'ijubteswanej te Jesuse, tsobol te jnopojeletic yu'un te jich la yalique: —Chujc'ul te sc'ope. ¿Mach'a c'an c'otuc ta yo'tan? —xiic.