San Juan 3:8 - Bible in Tzeltal de Oxchuc y Tenejapa

⁸ Te iq'ue bayuc nax ya xbeen. Ya awaiy stojol te xaxaxet ya xbeene, ja'uc me to, ma x'ana' te banti ya xtale, soc ma x'ana' te banti ya xbajt'e. Jich c'oem spisilic te mach'atic ayinemic ta swenta te Espiritue —xi'.

Nuevo Testamento Tzeltal de Amatenango

⁸ Te ikꞌe chikan bayuk nax ya skꞌan ya xbajt, y manchuk me ya awaꞌi te xixet nax ya xbeene, pero ma xꞌanaꞌ ba ya xtal, ni ma xꞌanaꞌ ba ya xbajt. Jich ay spisil te machꞌatik ya xꞌayin ta skuenta Espiritue —xchi.

Bible in Tzeltal Bachajón

⁸ Bayuc nax ya xbehen te ic', yac awa'iybe sc'op, pero ma xana' banti ya xtal soc banti ya xbaht. Hich ay spisil te mach'atic ayinemic ta scuenta te Espíritu, xchi.

San Juan 3:8 ပူးပေါင်းရင်းမြစ်များ

Salmos 107:25

Te Cajwaltic la yal mandal, jich jajch' buen tulan ic', jajch' ta bul te mare;

Salmos 107:29

La sc'atp'un ta c'unil ic' te mero tulan iq'ue, lamaj bael te yip mare.

Salmos 135:7

Ya sjach tel te tocaletic c'alal ta sti'il balumilal; ya spas te tsantsewaletic te ya yac' ta na'el te ya xtal ja'al; soc c'alal ta stsobjibal ya sloq'ues tel te iq'ue.

Eclesiastés 1:6

Te iq'ue ya xujch'iyot bael ta sur, ora ya sujt' xan bael ta norte. Ya sujt' xan tel te iq'ue, soc ya xcha'sujt' xan bael.

Ezequiel 37:9

Te Cajwaltic jich la yalbon xan: —C'opona ta jwenta jo'on te ic' ya yac' cuxlejale, jich xawalbey: “Jich ya yal te Cajwaltique: ‘Ic' te ya awac' cuxlejale, la' ta xchanxujc'ul q'uinal, la', ac'beya xcuxlejal te mach'atic lajemique’, xi' me”, uta me —xi' te Cajwaltique.

San Juan 1:13

Ma ta swentauc sc'anjel yo'tan ch'ich'-baq'uet te ayinique, soc ma ta swentauc sc'anjel yo'tan winic; ja' ta swenta sc'anjel yo'tan Dios te ayinique.

San Juan 3:7

Ma me q'uejeluc nax q'uinal ya awaiy yu'un, te la calbat te ya sc'an ya xcha'ayinate.

San Juan 3:9

Te Nicodemo la xcha'jojc'obey xan: —¿Bit'il ya xc'ot ta pasel in to? —xi'.

Hechos 2:2

Ajc' nax ay bila la yaiyic c'opoj tel ta ch'ulchan, jich bit'il tulan ic' te xpumumet nax ya xbeene. Chicnaj sc'op ta swolol na te banti najc'ajtique.

Hechos 4:31

Te c'alal laj yo'tanic ta sc'oponel te Diose, nijc' la yaiyic te banti na stsoboj sbaique, soc noj ta yo'tanic ta spisilic te Ch'ul Espiritue. Jich ma ba xiwic ta yalel te sc'op Diose.

1 Corintios 12:11

Ta spisil in to, ja' nix yat'el te Espiritue. Chican stuquel te bit'il la spucbey ta juju-jtul te majt'aniletique.

1 Corintios 2:11

Jich bit'il te ants-winiquetique, ma'yuc mach'a ya sna'bey te bila ay ta yo'tan te jtul winique. Stuquel nax ya sna' te bila ay ta yo'tane. Ja' nanix jich te Diose, ma'yuc mach'a ya sna'bey te bila ay ta yo'tane. Ja' nax ya sna' stuquel te Espíritu yu'un te Diose.

1 Juan 2:29

Teme ana'ojiquix stojol te bit'il toj yo'tan te Jesucristoe, na'aic me xan stojol jiche: Te mach'a yat'elinej spasel te bila toj ta pasele, ja' yal-snich'an Dios abi.