San Juan 3:25 - Bible in Tzeltal de Oxchuc y Tenejapa

²⁵ Te jnopojeletic yu'un te Juane, jajch' c'op yu'unic soc te jwolwanej-judioetique ta swenta te bit'il ay sc'oplal te utstesele.

Nuevo Testamento Tzeltal de Amatenango

²⁵ Pero ay jnopojeletik yuꞌun te Juane lijk kꞌop yuꞌunik sok te jtul juriyo te tutꞌil ay skꞌoplal te chꞌulutesele.

Bible in Tzeltal Bachajón

²⁵ Te jnopojeletic yu'un Juan la sten sbahic ta c'op soc te judíohetic sc'oblal te lecubtesele.

San Juan 3:25 ပူးပေါင်းရင်းမြစ်များ

San Mateo 3:11

Melel te ich'ja' ya caq'ue, ja' nax ta swenta seña te bit'il sujt'emix awo'tanic yu'un te amulique. Ja'uc me to, te mach'a patil ya xtal cu'une, ja' me ya yac'beyex awich'ic ja' ta swenta Ch'ul Espíritu soc c'ajc'. Ja' tulan yat'el yich'oj stuquel. Xujt' ma xtuunon ta abatinel yu'un ya caiy, ni yacuc xju' ya quich'bey bael te xanabe.

San Marcos 7:8

Melel te ja'exe jilix awu'unic te smandal te Diose. Ja' baemix awo'tanic ta spasel te bila costumbreetic yu'un te ants-winiquetique. Ja' te bit'il ay sc'oplal ta sapel awu'unic te jarroetique soc vasoetic soc te bitic xan bayal sc'oplal ta pasel awu'unique —xi' te Jesuse.

San Juan 2:6

Ay waqueb tinaja tey a te spulil ja'e, yu'un te judioetique c'aemic te ya spoquilay sc'abic swenta xch'uunel Dios ta sc'opic. Ay che'oxeb muc'ul q'uib sbaalic te jujune.

Hebreos 6:2

soc snopel sc'oplal te ich'ja'e, soc snopel te ya yich' cajanel c'abal ta joltique, soc te bit'il ya xcha'cux tel te animaetique, soc te bit'il ay castigo ya yich' sbajt'el q'uinal te mach'a ay smule.

Hebreos 9:10

Ja' nax ya yalbey sc'oplal te bila ya swe'ique soc te ya yuch'ique soc te bi yilel ya sc'an ya spoc sc'abique. Melel ja' nax ay sc'oplal ta pasel ta stojol Dios ja' to te la sta yorail te la yich' jeltayel yu'un te Diose.

Hebreos 9:23

Jich yu'un puersa la sc'an te la yich' malel xch'ich'el in chambalametic to swenta yutstesel te bila seña to nax te bitic ay ta ch'ulchane. Yan te bitic ay ta ch'ulchane ja' ya sc'an yich' utstesel a te ch'ich' te c'axem to xan ay yutsile.

1 Pedro 3:21

Pajal c'oem sc'oplal soc te ja' te ya x'ac'bototic quich'tique, melel ja' ta swenta ich'ja' te ya quich'tic coltayel yu'un ta ora to. Ma yu'unuc ya spocbotic loq'uel xch'ailel jbaq'uetaltic te ja'e. Ja' nax ya calbeytic wocol Dios te yacuc stup'botic ta co'tantic spisil te jmultique. Jich ya quich'tic coltayel ta swenta bit'il cha'cux tel te Jesucristoe.