San Juan 3:14 - Bible in Tzeltal de Oxchuc y Tenejapa

¹⁴ Soc jich te bit'il la sjijp'an jti'awal chan ta bay jochol taquin q'uinal te Moisese, ja' nanix jich ya yich' jijp'anel uuc te Nich'anile,

Nuevo Testamento Tzeltal de Amatenango

¹⁴ Jich tutꞌil te jMoises te la sjojkꞌan chan ta teꞌ te ba jojchol tꞌantꞌan luwar, jich mismo puersa me ya yichꞌ jojkꞌanel euk te Nichꞌanile,

Bible in Tzeltal Bachajón

¹⁴ Hich te bin ut'il te Moisés la sjihpan te chan ta jochol taquin q'uinal, ha nix hich ya yich' jihpanel te Nich'anil ay ta scuenta winic,

San Juan 3:14 ပူးပေါင်းရင်းမြစ်များ

2 Reyes 18:4

Ja' stuquel la sloq'ues te toyol ch'uunjibaletic. La swuy te ch'ultesbil tonetic, soc la swuy te sloc'omba Asera, soc la sc'asbey te sloc'ombail chan pasbil ta bronce te ja' la spas ta namey te Moisés, te tey yacal xchic'belic pom a te israeletique. Nehustán sbiil yu'unic.

Salmos 22:16

Jich bit'il ts'i'etic te jtsojp yac'oj sbaic, jc'axel sjoytayejonic ta jyalel te mach'atic amen yo'tanique; la yejch'entesbonic jc'ab soc cacan.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

San Mateo 26:54

Ja'uc me to, ¿bit'il ma c'an c'otuc ta pasel te bila ts'ibubil ta Sjun Dios te ya yal te puersa jich ya xc'ot ta jwentae? —xi' te Jesuse.

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

San Lucas 24:20

Te jwolwanej-sacerdoteetic soc te jtuuneletic yu'un te jlumaltique la stejc'anic ta stojol te ajwalile, swenta yu'un ya x'ac'ot ta lajel. Jich la yich' milel ta cruz.

San Juan 18:32

Jich c'ot sc'op te Jesús te bit'il la yal te bila lajel ya yaiye.

San Juan 6:51

Jo'on te waj te cuxule te coemon tel ta ch'ulchane. Te mach'a ya swe' in waj to, ya me xcuxin sbajt'el q'uinal. Te waj te ya caq'ue, ja' te jbaq'uetale, ya me cac' ta lajel swenta yu'un jich me ay xcuxlejalic ta balumilal —xi' te Jesuse.

San Juan 8:28

Ja' swentail te jich caj yalbey yaiyique: —Te c'alal ya ajijp'anic te Nich'anile, tey me ya ana'ic stojol te mach'aon a te jo'one. Soc ya me ana'ic te ma jtuquel-o'tanuc nax te bila ya jpase. Ja' nax ya cal stuquel te bila yac'ojbon jnop te Jtate.

Hechos 2:23

Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.