San Juan 3:13 - Bible in Tzeltal de Oxchuc y Tenejapa

¹³ “Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

Nuevo Testamento Tzeltal de Amatenango

¹³ “Maꞌyuk machꞌa sujtem tal ta chꞌulchan, jaꞌ nax te machꞌa koem tal ta chꞌulchane. Jaꞌ bi, jaꞌ te Nichꞌanile.

Bible in Tzeltal Bachajón

¹³ Mayuc mach'a mohem ta ch'ulchan, ha nax stuquel te mach'a cohem tal ta ch'ulchan, ha te Nich'anil ay ta scuenta winic.

San Juan 3:13 ပူးပေါင်းရင်းမြစ်များ

Proverbios 30:4

¿Mach'a moem soc coem tel ta ch'ulchan? ¿Mach'a ya xju' yu'un scomel te ic' ya stsac ta sc'abe? ¿Mach'a ya spots ta snajt'il c'u' te mare? ¿Mach'a la xchajban ta bay c'oem sti'il te balumilale? Ma me xawalbon te ya ana'bey sbiil soc sbiil te snich'ane.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Juan 17:5

Ta ora to, Jtat, ac'bon quich' xan cutsilal ta atojol jich te bit'il pajal ay cutsilaltic a te c'alal ma to xchicnaj te balumilale.

San Juan 3:12

Teme ma xach'uun te bila swenta nax balumilal te la calbate, ¿ja'uc to bal c'an ach'uun teme ya calbat te bila swenta te ch'ulchane?

San Juan 3:31

Te mach'a talem ta toyole, ja' cajal ay yu'un spisil te bitic aye. In te mach'a swenta te balumilale, swenta nax balumilal, soc ja' nax ya sna' yalel te bila swenta te balumilale. Yan te mach'a talem ta ch'ulchane, cajal ay yu'un spisil te bitic aye.

San Juan 6:33

Melel te waj yu'un Dios, ja' te coix tel ta ch'ulchan te ya yac' cuxlejal ta balumilale —xi' te Jesuse.

San Juan 6:38

Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

San Juan 6:42

Jich la yalic yu'un: —¿Ma bal ja'uc snich'an José te Jesuse, te ya jna'beytic sba te sme'-state? ¿Bit'il ay a te coem tel ta ch'ulchan ya yale? —xiic.

San Juan 6:46

“Ma'yuc mach'a yiloj te Jtate. Jo'on nax quiloj jtuquel te bit'il tey talemon a.

San Juan 6:51

Jo'on te waj te cuxule te coemon tel ta ch'ulchane. Te mach'a ya swe' in waj to, ya me xcuxin sbajt'el q'uinal. Te waj te ya caq'ue, ja' te jbaq'uetale, ya me cac' ta lajel swenta yu'un jich me ay xcuxlejalic ta balumilal —xi' te Jesuse.

San Juan 6:62

¿Jaxan teme ya awilic ya xmo bael ta banti ay ta neelal te Nich'anile?

San Juan 8:42

Te Jesús jich la yalbey yaiyic: —Te meleluc te ja' atatic te Diose, c'ux ya awaiyonic te jichuque, melel te jo'one talemon ta stojol te Diose te bit'il li' ayon to. Ma jtuquel-o'tanuc te talone. Ja' la sticunon tel te Diose.

Hechos 2:34

Melel te Davide ma ja'uc te mo bael ta stoyolil ch'ulchane, melel ja' nix David te jich la yale: “Te Cajwaltic Diose jich la yalbey te Cajwale: ‘Naclan ta bay swa'el jc'ab

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Romanos 10:6

Yan te bit'il toj ya x'ilot yu'un Dios te mach'a ay xch'uunjel yo'tane, jich la yal: “Ma me xawal ta awo'tan: ‘¿Mach'a me te ya xmo bael ta ch'ulchane?’, ma me xauquex”, te xie. (Ja' bi, “¿Mach'a ya yic' coel tel te Cristoe?”, xi' c'oem.)

1 Corintios 15:47

Te sba winique pasbil ta ts'ubil lum soc ja' yu'un te lumq'uinale, te xchebal Winique, ja' yu'un te ch'ulchane.

Efesios 1:23

Te jch'uunjeletique ja' sbaq'uetal te Cristoe, soc nojelic ta yutsilal te Cristoe. Soc nojel ta yutsilal Cristo spisil te bitic aye.

Deuteronomio 30:12

Melel ma ba ay ta ch'ulchan, te jich ya awalic yu'une: “¿Mach'a ya xju' yu'un ya xmo bael ta ch'ulchan cu'untic swenta yu'un ya yich'botic tel yu'un ya yac' jna'beytic sba, soc yu'un ya jpastic bael?” te xaexe.