San Juan 21:23 - Bible in Tzeltal de Oxchuc y Tenejapa

²³ Jich pujc' sc'oplal ta yolil quermanotactic te ma xlaj stuquel te jtul jnopojele. Ja'uc me to, te Jesús ma ja'uc la yal te ma xlaje. Ja' nax la yal, “Teme jich ya sc'an co'tan te cuxul to te c'alal ya xcha'talone, ma awentauc te ja'ate”, te xie.

Nuevo Testamento Tzeltal de Amatenango

²³ Jich a pujk skꞌoplal ta yolil hermanoetik te makꞌ xcham stukel te jtul jnopojele. Pero te Jesuse ma jaꞌuk a yal te makꞌ xchame. Jaꞌ nax a yal: “Teme jich ya skꞌan koꞌtan te kuxul to a te kꞌalal ya xchaꞌtalone, ¿tuti wochel a te jaꞌate?” xchi nax.

Bible in Tzeltal Bachajón

²³ Ha yu'un puhc ta halel ta yohlil te yermanotac te ma ba ya xcham stuquel te jnopojele. Pero ma yu'unuc halbot yu'un Jesús te ma ba ya xcham, ha nax la yal: Teme ya jc'an te cuxul to a te c'alal ya xtalone, ¿bin awochel a te ha'ate? xchi nax yu'un.

San Juan 21:23 ပူးပေါင်းရင်းမြစ်များ

Job 28:28

Te Diose jich la yalbey te ants-winiquetique: “Te xjajch'ibal te p'ijil-o'tanile, ja' te yich'el ta muc' te Cajwaltique; soc te mach'a jc'axel ya yijq'uitay ta pasel te bila amene, ja' te mach'a ay sp'ijil sjol stuquel”, xi' te Diose.

Job 33:13

¿Bi yu'un jich ya awalbey ta stojol te ma ba ya yich'bat ta wenta te yiptajib awu'un te ac'ope?

Daniel 4:35

Ta stojol stuquel, mero ma'yuc swentail te mach'atic ayic ta balumilale. Ja' me ya spas ta ch'ulchan soc ta balumilal te bila ya sc'an ya spase. Ma'yuc mach'a ya xju' yu'un ya scombey te yu'ele; ma'yuc mach'a ya xju' yu'un ya sjojc'obey bi yu'un jich ya spas.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

Hechos 1:15

Jich ora te la stejc'an sba jajch'el te Pedro ta yolil te quermanotactique. (Ay niwan wacwinic (120) ta jtul ta spisilic.) Jich caj yal ta stojolic:

Hechos 28:14

Tey la jtatic quermanotactic te la yalbotic wocol te yacuc jointic junuc semana. Patil jajch'otic ta beel, bootic ta lum Roma.

Hechos 6:3

Jich yu'un, quermanotac, leaic juctul winiquetic ta awolilic te lec sc'oplalique, soc te ay sp'ijil yo'tanic, soc te nojel ta yo'tanic te Ch'ul Espiritue. Ja' me ya cac'beytic swentainic in at'el to.

1 Corintios 11:26

Jich yu'un jujun buelta te ya awe'ic te waje soc te ya awuch'ic te bila ay ta vasoe, ja' ya awalic ta jamal a te bit'il laj te Cajwaltique, ja' to te c'alal ya xcha'tal xane.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Deuteronomio 29:29

“Ay te bitic ma jna'beytic sc'oplal, ja' nax ay ta swenta stuquel te Cajwaltic te Dios cu'untique. Pero ay bitic ac'bil jna'beytic swentail jo'otic soc cal-jnich'antic, swenta yu'un ya me jpastic spisil ora te mandaliletique.

Santiago 5:7

Jich yu'un, quermanotac, junuc awo'tanic ts'ijc'uc awu'unic te awocolique, ja' to teme chicnaj tel te Cajwaltique. Jich bit'il te mach'a yat'elinej sc'altayel te q'uinale te ya smaliybey yutsil sit te sc'ale, ya sc'an te jun nax yo'tan ya smaliy te bi ora ya xtal te ja'ale.

Apocalipsis 2:25

Ja'uc me to, spisil ora ma me xawac' ch'ayuc te bila ach'uunejique, ja' to te c'alal ya xtalone.