San Juan 21:18 - Bible in Tzeltal de Oxchuc y Tenejapa

¹⁸ Soc jamal me ya calbat, te c'alal jch'ielat to ae, atuquel la alap te ac'u'e soc chican banti la sc'an awo'tan te beenate. Yan te c'alal ya xmamalubate, ja' xanix ya awac' te ac'abe yu'un yan mach'a ya yac'batix alap te ac'u'e, soc tey me ya yic'at bael a te banti ma sc'an te awo'tane —xi'.

Nuevo Testamento Tzeltal de Amatenango

¹⁸ Jamal me ya kalbeyat te kꞌalal bikꞌit winikat to ae, jaꞌat ya alap te akꞌuꞌ-apakꞌe yuꞌun ya xbaat te ba ya akꞌan ya xbaate. Pero te kꞌalal ya xmamalubate, jaꞌ xanix ya awakꞌ te akꞌabe, yan machꞌa ya slapbeyatix a te akꞌuꞌ-apakꞌe y ya yikꞌat bael te ba ma xꞌakꞌan ya xbaate —xyut.

Bible in Tzeltal Bachajón

¹⁸ Tulan sc'oblal ya calbat, te c'alal queremat to a, ha'at nix la alap ac'u', soc ha chican awo'tan banti bahat; pero te c'alal mamalatix a, yac ahach ac'ab, yan mach'a ya ya'batix alap ac'u', soc ya yic'at bahel ta banti ma xac'an ya xbahat, xchi sc'oblal.

San Juan 21:18 ပူးပေါင်းရင်းမြစ်များ

San Lucas 12:37

Bin nax me yutsil te abatetic te wiq'uil sitic ya xjul taotuc yu'un te yajwalique. Jamal ya calbeyex, te yajwalique ya me xchuc xch'ujt' te ya yac' sba ta abatinel yu'unique. Ya yic' tel ta smesa, soc ya yac'bey swe'elic.

San Juan 13:36

Te Simón Pedro la sjojc'obey te Jesuse: —Cajwal, ¿banti ya xbaat? —xi'. La yal te Jesuse: —Te bay ya xboon ta ora to, ma xju' ya ats'aclinon bael tey a, ja'uc me to, ya me ats'aclinon bael ta patil —xi'.

San Juan 21:17

Ta yoxebal buelta la yalbey xan: —Simón te snich'anat Jonase, ¿c'uxon bal ta awo'tan? —xi'. Te Pedro la smel yo'tan yu'un te yoxebalix buelta te albot te “C'uxon bal ta awo'tan?”, te xie. Jich la yal: —Cajwal, ay ta awo'tan spisil. Ana'oj stojol te c'uxat ta co'tane —xi'. Jesús la yalbey xan: —Mac'linbon jiche te chijetic cu'une.

San Juan 21:19

Te bit'il jich la yalbey te Jesuse, ja' la yac'bey sna' stojol a te bila lajel ya xc'ot ta swenta te Pedro te jich ya yac' ta ich'el ta muc' a te Diose. Te c'alal laj yo'tan ta yalbele, jich la yal xan: —La' me, joinawon bael —la yut.

Hechos 21:11

Tal yilotic ta banti ayotique. La stsacbey xchujq'uil xch'ujt' te Pabloe, la xchuc ta sc'ab soc ta yacan. Jich la yal: —Jich la yal te Ch'ul Espiritue: “Te yajwal in chujq'uil ch'ujt'ul to, jich me ya xc'o yich' chuquel ta Jerusalén yu'un te judioetique, soc ya me yac'beyic ta sc'ab te jyanlumetique”, xi' te Ch'ul Espiritue —xi' te Agaboe.

2 Corintios 5:4

Te jayeb c'aal ya jnaintic in jbaq'uetaltic to, yacotic ta ajc'an, yu'un ay bayal jwocoltic ya caiytic. Ma yu'unuc ya jc'antic te ya jloq'uestic te pocol jbaq'uetaltique. Ja' ya jc'antic te yacuc jlaptiquix ta ora te yach'ile swenta yu'un te bila ya xlaje, ya me xc'atp'uj ta swenta cuxinel.