San Juan 21:16 - Bible in Tzeltal de Oxchuc y Tenejapa

¹⁶ La yalbey xan ta xchebal buelta: —Simón, te snich'anat Jonase, ¿c'uxon bal ta awo'tan? —xi'. La yal te Pedroe: —C'ux, Cajwal. Ana'oj stojol te c'uxat ta co'tane —xi'. Jesús la yalbey: —Canantaybon jiche te chijetic cu'une —xi'.

Nuevo Testamento Tzeltal de Amatenango

¹⁶ La xchaꞌ jojkꞌobe xan: —Simon, te xnichꞌanat Jonase, ¿me kꞌux ya awaꞌiyon ta awoꞌtan? xchi. Te jPedroe la sjakꞌ: —Jich, Kajwal. Anaꞌoj te kꞌuxat ta koꞌtane —xchi. Te Jesuse la yalbe: —Kanantaybon me te karneraetik cheꞌe —xchi.

Bible in Tzeltal Bachajón

¹⁶ Cha'joc'obot xan ta schebal buelta: Simón, snich'anat Jonás, ¿c'uxon bal ta awo'tan? xchi. C'ux, Cajwal. Ana'oj te c'uxat ta co'tan, xchi. Canantaybon te tuminchijetic cu'un, xchi te Jesús.

San Juan 21:16 ပူးပေါင်းရင်းမြစ်များ

Salmos 100:3

Na'beyaic sba te Cajwaltic te ja' Dios stuquele. Ja' la spasotic, ja' yu'unotic; lumotic yu'un, soc chijotic c'oem te yac'ojotic ta yax aquiltic yu'une.

Salmos 95:7

Melel ja' Dios cu'untic soc ja' lumotic yu'un; chijotic c'oem te yac'ojotic ta yax aquiltic yu'une. Yo'tic aiya awaiyic stojol te bi ya yal te Cajwaltic:

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

San Mateo 2:6

“Te ja'at lum Belén, te ayat ta sq'uinal Judá, ma ch'in xujt'uc c'oemat ta stojol te ajwaliletic ta sq'uinal Judea. Melel tey ya xloc' tel a te jtul ajwalil te ya swentainbon te lum Israel cu'une”, te xie —xiic.

San Mateo 25:32

Spisil ta jchajp nacionetic ya me yich'ic tsobel tel ta stojol. Cha'q'uejp ya sloq'ues a jich bit'il te jcanan-chije te jq'uejp ya yac' te chijetique soc jq'uejp ya yac' te tentsunetique.

San Mateo 26:72

Te Pedro la smuc xan ta yo'tan, soc la yac' ta testigo te Diose: —Yilojon Dios te ma jna'bey sba te winic ya awale —la yut.

San Lucas 19:10

Melel te Nich'anile tal sle soc tal scoltay te mach'atic ch'ayeme —xi' te Jesuse.

San Juan 18:17

Te criada, te scanantayej ti'naile, la sjojc'obey te Pedroe: —¿Ma bal ja'uc jnopojelat yu'un uuc te winique? —xi'. La yal te Pedroe: —Ma jo'ocon —xi'.

San Juan 18:25

Te Pedro teq'uel to ta sc'atinel te c'ajq'ue. Jich caj albotuc yu'un te yantique: —¿Ma bal ja'uc jnopojelat yu'un uuc? —xiic. Te Pedro la smuc ta yo'tan, jich la yal: —Ma jo'ocon —xi'.

San Juan 21:17

Ta yoxebal buelta la yalbey xan: —Simón te snich'anat Jonase, ¿c'uxon bal ta awo'tan? —xi'. Te Pedro la smel yo'tan yu'un te yoxebalix buelta te albot te “C'uxon bal ta awo'tan?”, te xie. Jich la yal: —Cajwal, ay ta awo'tan spisil. Ana'oj stojol te c'uxat ta co'tane —xi'. Jesús la yalbey xan: —Mac'linbon jiche te chijetic cu'une.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Hebreos 13:20

Te Dios, te ya yac' lamal q'uinale, la xcha'cuses tel ta bay animaetic te Cajwaltic Jesucristo te Muc' Jcanantaywanej yu'un te chijetique, te ja' ta swenta xch'ich'el te chajbaj a te trato te sbajt'el q'uinal aye.

1 Pedro 2:25

Yu'un ta neelal jich ayex te bit'il chijetic te jowejemique. Ja'uc me to, sujt'emexix tel ta stojol te Cristoe te ja' Jcanantaywanej awu'unic stuquel te yat'elinej scanantaybel te ach'ulelique.

1 Pedro 5:2

Canantayaic te chijetic yu'un Dios te ay ta awentaique. At'ejanic ta spasemal awo'tanic, melel jich ya sc'an yo'tan te Diose. Ma me sujbiluquex ta spasel, soc ma me ta scajuc nax taq'uin te ya x'at'ejexe. Ja' ya sc'an te binuc nax me awo'tanic ta spasele.

Apocalipsis 7:17

Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.