San Juan 21:12 - Bible in Tzeltal de Oxchuc y Tenejapa

¹² La yal te Jesuse: —La' me, we'anic —xi'. In te jnopojeletique ma la sjojc'obeyic jtuluc: “¿Mach'aat a?”, ma'yuc mach'a xi', yu'un sna'ojiquix stojol te bit'il ja' te Cajwaltique.

Nuevo Testamento Tzeltal de Amatenango

¹² Te Jesuse la yaltalanbe: —Laꞌ me, weꞌanik —xchi. Ni jtuluk te jnopojeletike la sjojkꞌobeyik machꞌa a, yuꞌun snaꞌojikix te jaꞌ te Kajwaltike.

Bible in Tzeltal Bachajón

¹² La yal te Jesús: La' me, we'anic, xchi. Mayuc jtuhluc te jnopojeletic te la sjoc'obe: ¿Mach'ayat a? mayuc mach'a xchi, como spisilic sna'ojic te ha te Cajwaltique.

San Juan 21:12 ပူးပေါင်းရင်းမြစ်များ

San Mateo 22:46

Ja'uc me to, jtul ma'yuc mach'a la sujt'es jp'aluc te sc'ope. Soc spisilic la xi'ic sjojc'oyel yan aiyejetic ta patil bael.

San Marcos 9:32

Ja'uc me to, te jnopojeletique ma la sna'ic stojol te bila la yale, soc la xi'ic te ya sjojc'obeyic xane.

San Lucas 9:45

Te jnopojeletique ma c'ot ta yo'tanic te bila la yale, Dios ma ba ac'bot sna'ic stojol yu'un. Soc la xi'ic te ya sjojc'obeyic xan te Jesuse.

San Juan 16:19

Jesús la sna' stojol te ya sc'an yo'tanic te ya sjojc'obeyique. Jich caj yalbey yu'un: —La calbeyex te li' ta ajc' ma ba ya awilbonic te jsite; soc li' xan ta ajc' ya awilbonic xan te jsite. ¿Ja' bal yacalex ta yaanel?

San Juan 21:11

Te Simón Pedro och bael ta barco. La snit loq'uel tel ta ti'ja' ta lum q'uinal te stsacjibal-chay te nojel ta niwac chaye. Ay oxlajuneb swaxacwinic (153) ta jcojt'. Manchuc teme c'axem to xan bayale, ma ba ch'i' yu'un te stsacjibale.

San Juan 21:15

Te c'alal lajix yo'tanic ta we'ele, te Jesús caj yalbey te Simón Pedroe: —Simón, te snich'anat Jonase, ¿c'ax bal jich c'uxon ta awo'tan a te bit'il in yantic to? —xi'. La yal te Pedroe: —C'ux, Cajwal. Ana'oj stojol te c'uxat ta co'tane —xi'. La yal te Jesuse: —Mac'linbon te alal chijetic cu'un jiche —xi'.

San Juan 4:27

Jich julic tel te jnopojeletic yu'une. Cham nax la yaiyic yu'un te bit'il yac ta aiyej soc jtul ants te Jesuse. Ja'uc me to, jtul ma'yuc mach'a la sjojc'obey: “¿Bi ya ajojc'obey?” soc “¿Bi ya awalbey?”, ma'yuc mach'a xi' jtuluc.

Hechos 10:41

Ma spisiluc te jlumal te ac'bot yilique, jo'on nax soc te jo'taque, te namey tsabilotic yu'un Dios te ja' testigo ya xc'ootic yu'une. La join jbatic soc ta we'el-uch'ajel te c'alal cha'cuxix tel ta bay te animaetique.